પહેલી ઇનિંગ્સમાં બન્ને ટીમ એકસરખા સ્કોર પર ઑલઆઉટ, ક્રિકેટના ઇતિહાસમાં આટલામી વાર બન્યું

લંડનઃ શનિવારે રાત્રે લૉર્ડ્સની ત્રીજી ટેસ્ટના ત્રીજા દિવસે 11.00 વાગ્યે ભારતનો પ્રથમ દાવ 387 રનના સ્કોર પર પૂરો થયો અને એ સાથે પરિણામ એ આવ્યું કે ન તો ભારતીય ટીમ (India)ને એક રનની સરસાઈ મળી અને ન ઇંગ્લૅન્ડ (England)ની ટીમ કોઈ લીડ લઈ શકી. કારણ એ હતું કે પહેલા દાવમાં ઇંગ્લૅન્ડની ટીમ પણ 387 રનના સ્કોર પર ઑલઆઉટ થઈ હતી.

નવાઈની વાત એ છે કે કોઈ ટેસ્ટમાં બન્ને હરીફ ટીમ પ્રથમ દાવમાં એકસરખા સ્કોર (same total) પર ઑલઆઉટ થઈ હોય કે એકસરખા સ્કોર પર કોઈ ટીમે દાવ ડિક્લેર કર્યો હોય એવું કુલ એક વાર કે બે વાર નહીં, પણ નવ વખત બન્યું હતું. આ પહેલાં 10 વર્ષ પહેલાં ઇંગ્લૅન્ડમાં જ આવું બન્યું હતું. ત્યારે લીડ્સમાં ન્યૂ ઝીલૅન્ડના 350 રન બાદ યજમાન ઇંગ્લૅન્ડની ટીમ પણ બરાબર 350 રનના સ્કોર પર ઑલઆઉટ થઈ હતી. છેવટે ન્યૂ ઝીલૅન્ડની ટીમ એ મૅચ 199 રનથી જીતી ગઈ હતી.

આ પણ વાંચો: ઇંગ્લૅન્ડ 387, ભારત 387

પહેલી ઇનિંગ્સમાં એકસરખા સ્કોરનો પ્રથમ કિસ્સો 1910માં ડરબનમાં સાઉથ આફ્રિકા અને ઇંગ્લૅન્ડ વચ્ચેની ટેસ્ટમાં બન્યો હતો. એમાં બેઉ ટીમ 199-199ના સ્કોર પર ઑલઆઉટ થઈ હતી.

ટેસ્ટના પ્રથમ દાવમાં બન્ને ટીમના એકસરખા સ્કોર