સ્પોર્ટસ

અભિષેક શર્માએ રમી વિસ્ફોટક ઇનીગ! આ મામલે બીજો ભારતીય ક્રિકેટર બન્યો

હૈદરાબાદ: ત્રણ ODI મેચની સિરીઝ બાદ ભારત અને દક્ષિણ આફ્રિકા વચ્ચે પાંચ T20I મેચની સિરીઝ રમાશે, સિરીઝની પહેલી મેચ 9મી ડીસેમ્બરના રોજ ઓડીશાના કટકમાં રમાશે. એ પહેલા ભારતીય ટીમના ધુંઆધાર ઓપનીંગ બેટર અભિષેક શર્માએ હાલમાં ચાલી રહેલી સૈયદ મુશ્તાક અલી ટ્રોફીમાં એક શાનદાર ઇનિંગ રમીને મોટો રેકોર્ડ બનાવ્યો છે.

સૈયદ મુશ્તાક અલી ટ્રોફીમાં પંજાબ તરફથી રમતા અભિષેક શર્માએ આજે બંગાળ સામે હૈદરાબાદમાં રમાયેલી T20 મેચમાં વિસ્ફોટક ઇનિંગ રમી હતી, તેણે માત્ર 52 બોલમાં 148 રન બનાવ્યા. આ દરમિયાન તેણે 16 થી સિક્સર ફટકારી. એક T20 મેચ 15થી વધુ સિક્સર ફટકારનાર બીજો ભારતીય બેટર બન્યો છે.

આ ખેલાડી અભિષેકથી આગળ:

એક T20 મેચમાં સૌથી વધુ સિક્સર ફટકારનાર ભારતીય ખેલાડી પુનિત બિષ્ટ છે. 13 જાન્યુઆરી, 2021ના રોજ ચેન્નઈમાં મિઝોરમ સામે રમયેલી મેચમાં મેઘાલય તરફથી રમતા પુનિત બિષ્ટે 146 રનની ઇનિંગ રમી હતી, જેમાં તેણે 17 સિક્સર ફટકારી હતી

વર્લ્ડ રેકોર્ડ કોના નામે?

એક T20 મેચમાં સૌથી વધુ છગ્ગા ફટકારવાનો વર્લ્ડ રેકોર્ડ ન્યુઝીલેન્ડના બેટર ફિન એલનના નામે છે. ફિન એલને મેજર લીગ ક્રિકેટ (MLC) 2025માં 12 જૂન, 2025ના રોજ ઓકલેન્ડમાં વોશિંગ્ટન ફ્રીડમ સામે રમાયેલી મેચમાં ફ્રાન્સિસ્કો યુનિકોર્ન તરફથી 151 રનની ઇનિંગ રમી હતી, જેમાં તેણે 19 સિક્સર ફટકારી હતી.

અભિષેકે આ રેકોર્ડ પણ બનાવ્યો:

આજે 148 રન બનાવીને અભિષેક T20 મેચમાં સૌથી મોટી ઇનિંગ રમનાર ભારતીય ખેલાડીઓની યાદીમાં બીજા ક્રમે આવી ગયો છે. આ મામલે તિલક વર્મા તેનાથી આગળ છે. તિલક વર્માએ સૈયદ મુશ્તાક અલી ટ્રોફીમાં 23 નવેમ્બર 2024ના રોજ હૈદરાબાદ તરફથી રમતા મેઘાલય સામે 67 બોલમાં 151 રન બનાવ્યા હતા.

આ પણ વાંચો…યશસ્વીની વિકેટ બાદ રોહિત અને વિરાટ ટીમની વહારે, ઇનિંગ્સ મજબૂત કરી

Savan Zalariya

અમદાવાદ સ્થિત પત્રકાર અને નાટ્ય દિગ્દર્શક. વર્ષ 2022થી મુંબઈ સમાચાર સાથે રિપોર્ટર તરીકે ફરજ બજાવી રહ્યા છે. દેશ-વિદેશમાં બનતી મહત્વની ઘટનાઓ, સરકારી નીતિઓ અને ક્રિકેટજગતની ઘટનાઓનું ઊંડુ જ્ઞાન ધરાવે છે. અમદાવાદ-ગુજરાતના નાટ્યજગત સાથે જોડાયેલા છે.

સંબંધિત લેખો

Back to top button