ઘરમાં Wi-Fi રાઉટર ક્યાં મૂકવાથી ઇન્ટરનેટની સ્પીડ વધે, જાણો ક્યાં મૂકશો?

Wi-Fi router location: આજના સમયમાં મોટાભાગના કામ ઇન્ટરનેટ પર નિર્ભર થઈ ગયા છે. ઘણા લોકો ઘરમાં ટીવી પર કેબલ કનેક્શન લેવાને બદલે હવે Wi-Fi રાઉટર વસાવી રહ્યા છે. ઇન્ટરનેટની સ્પીડ મજબૂત રહે તે માટે Wi-Fi રાઉટરનું યોગ્ય સ્થાને મૂકવું ખૂબ જરૂરી છે. ઘણીવાર લોકો બેદરકારીથી રાઉટરને ગમે ત્યાં મૂકી દે છે, જેના કારણે ઇન્ટરનેટ ધીમું ચાલે છે. ચાલો જાણીએ કે રાઉટર ક્યાં મૂકવું અને ક્યાં ન મૂકવું જોઈએ.

રેફ્રિજરેટર પર રાઉટર કેમ ન રાખવું?

ઘણા લોકો જગ્યાના અભાવે અથવા અનુકૂળતાને કારણે તેમના Wi-Fi રાઉટરને રેફ્રિજરેટરની ટોચ પર મૂકે છે, પરંતુ આવું કરવું જોઈએ નહીં. રેફ્રિજરેટર એક ઇલેક્ટ્રોનિક ઉપકરણ છે જેમાં સતત ચાલતી મોટર અને કોમ્પ્રેસર હોય છે. આ ઉપકરણો ઇલેક્ટ્રોમેગ્નેટિક તરંગો પેદા કરે છે, જે રાઉટરના સિગ્નલને નબળા પાડી શકે છે. રેફ્રિજરેટરની ઉપરની સપાટી ગરમ રહે છે, અને સતત ગરમી રાઉટરના પ્રદર્શન અને તેના જીવનકાળને અસર કરી શકે છે.

આ પણ વાંચો: દરરોજ જે Wi-Fi વિના તમારું કામ નથી થતું એનું ફૂલફોર્મ જાણો છો કે?

રાઉટર મૂકવાનું યોગ્ય સ્થાન

ઝડપી અને સ્થિર ઇન્ટરનેટ માટે રાઉટરને યોગ્ય જગ્યાએ રાખવું ખૂબ જ જરૂરી છે. રાઉટરને હંમેશા ઘરના મધ્યમાં અને ઊંચાઈ પર રાખવું જોઈએ, જેથી સિગ્નલ ઘરના દરેક ખૂણામાં સરળતાથી પહોંચી શકે. રાઉટરને બંધ કબાટ, ડ્રોઅર અથવા ખૂણામાં રાખવાનું ટાળવું જોઈએ. તેને ખુલ્લા અને સારી રીતે હવાની અવરજવરવાળા વિસ્તારમાં મૂકવું જોઈએ. રાઉટરની નજીક મોટી ધાતુની વસ્તુઓ, અન્ય ઇલેક્ટ્રોનિક ઉપકરણો, અથવા કાચ જેવી વસ્તુઓ ન રાખવી જોઈએ. કારણ કે તે સિગ્નલને અવરોધે છે.

આ પણ વાંચો: Flight Wi-Fi Service: હવાઈ મુસાફરી ક્યારે કરી શકાશે વાઈ-ફાઈ ઈન્ટરનેટનો ઉપયોગ ? સરકારે જાહેર કર્યા નિયમ

રાઉટરને યોગ્ય જગ્યાએ રાખવાથી માત્ર ઇન્ટરનેટની ગતિ જ નહીં, પરંતુ નેટવર્ક આઉટેજની સમસ્યા પણ દૂર થશે. તેથી જો તમારા ઘરમાં Wi-Fi રાઉટર છે, તો ઉપરોક્ત બાબતોનું અવશ્ય ધ્યાન રાખવું જોઈએ.