આજનું રાશિફળ (31-10-23): વૃષભ અને મિથુન રાશિના જાતકોએ રહેવું પડશે સાવધ, કર્ક અને કુંભ રાશિના લોકોને મળશે આજે ગુડ ન્યૂઝ
મેષઃ મેષ રાશિના લોકો માટે આજનો દિવસ મિશ્ર ફળદાયી રહેવાનો છે. નાણાંકીય સ્થિતિમાં સુધારો જોવા મળશે અને એને કારણે તમે ખુશ થશો. પરિવારના સભ્યો સાથે કોઈ શુભકાર્યમાં હાજરી આપવા જશો. કોઈ કામને લઈને બેચેની અનુભવાશે. જીવનસાથી સાથે કોઈ મુદ્દે વિવાદ ચાલી રહ્યો હશે તો આજે તેનો ઉકેલ આવી રહ્યો છે. ઘરમાં કોઈ મહેમાનનું આગમન થશે, જેને કારણે તમારું બજેટ ખોરવાઈ જશે. આજે કામની યાદી બનાવીને એ મુજબ આગળ વધશો તો ફાયદામાં રહેશો.
વૃષભઃ આ રાશિના લોકો માટે આજનો દિવસ સકારાત્મક પરિણામો લાવી રહ્યો છે. તમે આજે દરેક બાબતને સંવેદનાની નજરે જશો. કાયદાકીય બાબતોમાં જિત મળતાં આજે તમારી ખુશીનો પાર નહીં રહે. સાસરી પક્ષ સાથે કોઈ મુદ્દે અણબનાવ ચાલી રહ્યો છે આજે એમાં પણ સુધારો જોવા મળી રહ્યો છે. વેપાર કરનારા લોકોને આજે કેટલીક સમસ્યા સતાવી શકે છે, પરંતુ તમારે તમારા વિરોધીઓથી ખાસ સાવધ રહેવું પડશે, નહીં તો એ લોકો તમારું કામ બગાડશે.
મિથુનઃ મિથુન રાશિના લોકો માટે આજનો દિવસ ખૂબ જ સાવધાનીથી આગળ વધવાનો રહેશે. લાંબા સમયથી અટકી પડેલાં કામો આજે પૂરા થઈ રહ્યા છે. વિદેશમાં રહેતાં કોઈ સંબંધી પાસેથી આજે સારા સમાચાર સાંભળવા મળી શકે છે. આજે તમે તમારા સમયનો પૂરેપૂરો ઉપયોગ કરશો. અહીંયા-ત્યાં ફરીને તમે તમારો સમય બગાડશો નહીંય આજે તમારી અંદર ત્યાગ અને સહકારની ભાવના જોવા મળશે. બધાને સાથે લઈને ચાલવાના પ્રયાસમાં સફળતા મળશે.
કર્કઃ કર્ક રાશિના લોકો માટે આજનો દિવસ સુખદ પરિણામો લાવશે. સ્પર્ધાની ભાવના તમારા મનમાં રહેશે. જે લોકો પોતાના કરિયરને લઈને ચિંતિત છે તેમને કોઈ સારા સમાચાર સાંભળવા મળી શકે છે. તમારે કાર્યસ્થળ પર કામમાં ઢીલાશથી બચવું પડશે અને તમે તમારા વ્યવસાયમાં કેટલાક સાધનો પણ સામેલ કરી શકો છો. વધારે ઉત્તેજિત થવાને કારણે તમને કોઈ પણ કામ કરવામાં સમસ્યા થશે. લાંબાગાળાની યોજનાઓને વેગ મળશે. વિદ્યાર્થીઓ આજે કોઈ સ્પર્ધામાં ભાગ લેશે અને સરળતાથી વિજય પણ હાંસિલ કરશે.
સિંહઃ આજનો દિવસ તમારી કલા કૌશલ્યમાં સુધારો લાવશે. વેપારમાં તમને સફળતા મળશે. તમારી પ્રતિષ્ઠા અને સન્માન વધવાથી તમે ખુશ રહેશો. શાસન- વહીવટના મામલામાં તમારે ગતિ જાળવી રાખવી પડશે. જો તમારી કોઈ ઈચ્છાઓ પૂર્ણ થશે તો તમે અત્યંત ખુશ થશો. તમારે તમારા કોઈ કામમાં તમારા ભાઈઓની મદદ લેવી પડી શકે છે. નોકરી શોધી રહેલા લોકોને હજુ થોડો સમય ચિંતા કરવી પડશે, ત્યાર બાદ જ કોઈ રાહત મળતી જણાય છે.
કન્યાઃ આજનો દિવસ તમારા માટે આત્મવિશ્વાસમાં વધારો લાવશે. તમે કોઈ કામમાં ઉત્સાહપૂર્વક ભાગ લેશો. તમારી વિશ્વસનીયતા અને સંબંધો વધવાથી તમારી ખુશીનો કોઈ પાર રહેશે નહીં. લાંબાગાળાનું આયોજન સારું રહેશે. તમારું કોઈ પણ કામ ભાગ્ય પર ન છોડો, નહીંતર સમસ્યાઓ ઊભી થઈ શકે છે. તમને વરિષ્ઠ સભ્યોનો સંપૂર્ણ સહયોગ મળશે. ધાર્મિક કાર્યમાં તમારી શ્રદ્ધા વધવાથી તમે પ્રસન્ન રહેશો. તમારે તમારા કામમાં સરળતાપૂર્વક આગળ વધવું જોઈએ, નહીંતર સમસ્યાઓ ઊભી થઈ શકે છે.
તુલાઃ આજનો દિવસ તુલા રાશિના લોકો માટે ઉતાવળમાં કોઈ પણ કામ નહીં કરવા માટેનો રહેશે. આજે તમે કરિયરને લઈને કોઈ મોટો અને મહત્ત્વનો નિર્ણય લઈ શકો છો. તમારી લાઈફસ્ટાઈલને જાળવી રાખવાનો પ્રયાસ કરશો. તમારા કેટલાક વિરોધીઓ તમારી મુશ્કેલીઓમાં વધારો થઈ શકે છે. વિદેશમાં અભ્યાસ કરવા માગતા લોકોને આજે કોઈ સારી ઓફર આવી શકે છે. પરિવાર તરફથી આજે સંપૂર્ણ સહયોગ મળી રહ્યો છે. લાંબા સમયથી અટવાઈ પડેલાં કામ સમયસર પૂરા કરવાનો પ્રયાસ કરો. આજે કોઈને ઉધાર આપતા પહેલાં વિચાર કરો.
વૃશ્ચિકઃ વૃશ્ચિક રાશિના વિવાહિત લોકોનું જીવન આજે આનંદમાં પસાર થશે. કામમાં ઝડપ દેખાડશો. એકાગ્રતામાં વૃદ્ધિ થશે. કામના સ્થળે સારું પ્રદર્શન કરી શકશો. ભાગીદારીમાં આજે કોઈ પણ કામ કરવાનું તમારા માટે ફાયદાકારક સાબિત થઈ શકે છે. બિઝનેસમાં આજે કોઈ પર પણ ભરોસો કરશો નહીં. પરિવારના સભ્યને બહારગામ નોકરી મળતા તમારી અને એની વચ્ચે અંતર આવશે. સુખ-સમૃદ્ધિમાં વૃદ્ધિ થઈ રહી છે. આજે કોઈની પણ વાતમાં આવવાનું ટાળો.
ધનઃ આજનો દિવસ ધન રાશિના લોકો માટે સ્વાસ્થ્યની દ્રષ્ટિએ સારો રહેવાનો છે. માતા-પિતા સામે પોતાની લાગણી વ્યક્ત કરવાની તક મળશે. જો કોઈ શરીરિક સમસ્યા સતાવી રહી હોય તો તેના તરફ દુર્લક્ષ કરશો નહીં. પ્રોપર્ટી ખરીદવાનું વિચારી રહ્યા હોવ તો દસ્તાવેજો બરાબર તપાસો, નહીંતર છેતરપિંડી થઈ શકે છે. આજે કોઈ મિત્ર તમારી પાસે આર્થિક મદદ માગશે તો તમારે એના માટે દોડભાગ કરવી પડશે. પરિવારની કોઈ સમસ્યા સતાવી રહી હતી તો આજે એ સમસ્યા પણ દૂર થઈ રહી છે.
મકરઃ મકર રાશિના લોકોએ આજના દિવસ દરમિયાન વાહનનો ઉપયોગ કરતી વખતે ખાસ કાળજી રાખવાની જરૂર છે. આજે તમારા બૌદ્ધિક પ્રયાસોને સફળતા મળી શકે છે. આજે તમારે બધા નીતિ નિયમોનું પાલન કરવું પડશે. દરેક ક્ષેત્રમાં સારું પ્રદર્શન કરશો અને એને કારણે આજે તમારી આસપાસના લોકો આશ્ચર્યચકિત થઈ જશે. રાજકારણમાં કામ કરતાં લોકોને આજે કોઈ મોટું પદ મળી શકે છે. જો લાંબા સમયથી તમારું કોઈ કામ પેન્ડિંગ હતું તો આજે તમારું એ કામ પૂરું થઈ રહ્યું છે. મિત્રો સાથે મોજ-મસ્તીમાં સમય પસાર કરશો.
કુંભઃ કુંભ રાશિના લોકો માટે આજનો દિવસ સામાન્ય રહેવાનો છે. વરિષ્ઠ સભ્ય સાથે વાત કરતી વખતે કોઈ પણ પ્રકારની ઉતાવળ કરશો નહીં. પરિવારમાં જો કોઈ અણબનાવ ચાલી રહ્યો હશે તો આજે એનો પણ સરળતાથી ઉકેલ આવી રહ્યો છે. આજે તમારો ઝુકાવ કોઈ એક ખાસ વ્યક્તિ તરફ રહેશે અને એ વાત પરિવારના લોકોને ખાસ માફક નહીં આવે. કામના સ્થળે આજે કામ તરફ આંખ આડા કાન કરશો નહીં, નહીંતર કોઈ ભૂલ થઈ શકે છે. આ ભૂલ માટે તમને તમારા ઉપરી અધિકારીઓ ઠપકો આપી શકે છે. આજે કોઈ મિત્ર ઘરે પાર્ટી માટે આવી શકે છે.
મીનઃ મીન રાશિના વેપાર સાથે સંકળાયેલા લોકો માટે આજનો દિવસ મિશ્ર રહેવાનો છે. આજે તમે ખૂબ જ સરળતાથી તમારા વિચારો કોઈની પણ સામે વ્યક્ત કરી શકશો. સામાજિક પ્રવૃત્તિઓ સાથે સંકળાયેલા લોકો આજે સારું એવું નામ કમાવશે અને એમને મળતાં સહયોગમાં વૃદ્ધિ જોવા મળશે. આજે તમારા મહત્ત્વના કામમાં તમારે ઝડપ રાખવી પડશે, નહીંતર સમસ્યા ઊભી થઈ શકે છે. આજે તમે બધાને સાથે લઈને આગળ વધવાના તમારા પ્રયાસોમાં સફળ થશો. સંતાન તરફથી આજે કોઈ સારા સમાચાર સાંભળવા મળી શકે છે.
