માઉન્ટ આબુની હોટેલમાં દસ હજારનું બિલ કરી ભાગ્યા પાંચ જણા, પણ હોટેલમાલિકે જે કર્યું તે…
મોંઘીદાટ ગાડીમાં પર્યટકો ફરવા આવે ત્યારે સ્વાભાવિક છે કે હોટલ માલિકોને આનંદ થાય કારણ કે તેમનો બિઝનેસ થતો હોય છે. માઉન્ટ આબુની આવી જ એક હોટલમાં મહેમાનો આવ્યા તો ખરા, પણ બિલ ચૂકવ્યા વિના જતા રહ્યા. જોકે આ હોટેલનો માલિક જરા અલગ નીકળ્યો અને તેમણે આ પાંચ જુવાનીયાઓનો પીછો કરી પોતાના પૈસા વસૂલ કર્યા.
ગુજરાતમાં ભારે ચર્ચાનો વિષય બનેલી આ ઘટનામાં પાંચ જુવાનીયા ગુજરાતી હોવાનું કહેવાય છે અથવા ગુજરાતથી આવ્યા હોવાનું કહેવાય છે. ચાર છોકરા અને એક છોકરી મોંઘાદાટ કારમાં રાજસ્થાનના માઉન્ટ આબુ ફરવા ગયા હતા. અહીં તેમણે એક હોટેલમાં આરામ કર્યો અને લંચ પણ લીધું. આ બધાનું બિલ લગભગ રૂ. 10,900 આસપાસ આવ્યું હતું. આ પાંચેય જણ એક પછી એક એમ ગાયબ થઈ ગયા અને પૈસા ચૂકવ્યા વિના નીકળી પડ્યા.
इन लोगों को भागने का नोबल पुरस्कार मिलना चाहिए
— Dr Monika Singh (@Dr_MonikaSingh_) October 27, 2025
आबू रोड के एक होटल में खाना खाया,
रेस्ट किया और बिना पैसा दिये भाग गए।
होटल का 10900 का बिल बिना भुगतान किये गाड़ी से भाग निकले।
होटल संचालक ने पुलिस की मदद से आरोपियों को अंबाजी रोड पर पकड़ा और पेंडिंग बिल का भुगतान करवाया। pic.twitter.com/peIcm2B93o
હોટેલમાલિકને આ વાતની જાણ થોડી મોડી થઈ, પરંતુ તેમણે બાઈક સ્ટાર્ટ કરી અને તેમનો પીછો કર્યો. કારનંબર ગુજરાતનો હોવાથી તેઓ ગુજરાત-રાજસ્થાન બોર્ડર પર આવ્યા. તેમના સદ્નસીબે બોર્ડર પર ભારે ટ્રાફિક જામ હોવાથી તેમને કાર દેખાઈ ગઈ અને ત્યારબાદ તેમણે પાંચેયને પકડી પાડ્યા. આ ઘટનાનો વીડિયો પણ વાયરલ થયો છે. પર્યટકો પછીથી ભોંઠા પડયા હતા અને પૈસા આપ્યા હતા.
ગુજરાતના લોકો આ પાંચેયથી ભારે નારાજ છે. ગુજરાતીઓની પ્રતિષ્ઠાને આવી ઘટનાથી આંચ આવે છે અને આવા લોકો ગુજરાતીઓનું નામ બદનામ કરે છે, તેમ લોકો સોશિયલ મીડિયા પર કહી રહ્યા છે.
