Mahashivratri પર બની રહ્યો છે આ ખાસ યોગ, ચાર રાશિના લોકો માટે થશે Golden Time…
મહાશિવરાત્રિ એટલે ભોલેનાથના ભક્તોનો દિવસ… દેશભરમાં મહાશિવરાત્રિનો તહેવાર ખૂબ જ ઉત્સાહ અને ઉમંગથી ઉજવવામાં આવે છે, પણ આ વખતની મહાશિવરાત્રિ થોડી વધારે ખાસ રહેવાની છે, કારણ કે હિંદુ પંચાગ પ્રમાણે આ દિવસે બીજા પણ શુભ યોગ બની રહ્યા છે.
આ વર્ષે 8મી માર્ચના International Women’s Dayના દિવસે મહાશિવરાત્રિ આવે છે અને આ દિવસે સર્વાર્થ સિદ્ધિ યોગ અને સિદ્ધિ યોગ બની રહ્યો છે. આ સિવાય આ દિવસે શ્રવણ નક્ષત્ર સહિત શિવ યોગા સહિત મકર રાશિમાં ચંદ્રમાં રહેશે. આ દુર્લભ યોગ અમુક રાશિના લોકો માટે ખૂબ જ ભાગ્યશાળી સાબિત થવાનો છે. આવો જોઈએ કઈ રાશિનો ગોલ્ડન ટાઈમ શરૂ થઈ રહ્યો છે અને એમના પર ભોલેનાથની કૃપા વરસી રહી છે.
મેષ રાશિના લોકો માટે આ દિવસ ખૂબ જ શુકનિયાળ સાબિત થવાનો છે. આ સમયે જો તમે કોઈને પ્રેમ કરતાં હોવ તો તેનો એકરાર કરવા માટે સારો છે. જ્યોતિષશાસ્ત્ર અનુસાર આ સમયગાળો ખૂબ જ સારો રહેવાનો છે. ઘરમાં કોઈ શુભ કાર્યનું આયોજન થઈ રહ્યો છે, જેને કારણે મન પ્રસન્ન થાય છે. ધાર્મિક કાર્યમાં તમારો રસ વધશે. માતા પાર્વતીની વિશેષ કૃપા મળી રહી છે.
મિથુન રાશિના લોકો માટે પણ મહાશિવરાત્રિ શુભ સમય લઈને આવી રહ્યો છે. વૈવાહિક જીવનમાં પણ મધુરતા જળવાઈ રહેશે. આ સિવાય નવા મહેમાનના આગમનના સમાચાર મળી શકે છે. જો તમે લાંબા સમયથી લગ્ન કરવાનું વિચારી રહેલાં લોકો માટે આ સમયગાળો એકદમ અનુકૂળ રહેશે.
તુલા રાશિના લોકો માટે પણ આ સમયગાળો ખૂબ જ ભાગ્યશાળી સાબિત થઈ રહ્યો છે. આ કાળમાં પ્રેમસંબંધ એકદમ ફૂલશે ફાલશે. પરિવારના લોકોને તમારા પ્રેમ સંબંધ વિશે જણાવવા માટે એકદમ અનુકૂળ રહેશે. ધાર્મિક યાત્રા પર જઈ શકો છો. પરિવાર સાથે વધુમાં વધુ સમય પસાર કરશો.
કુંભ રાશિના લોકો પર પણ માતા પાર્વતી અને ભગવાન શિવની વિશેષ કૃપા જોવા મળશે. આ સમયગાળામાં તમારા તમામ ખોટા કામ બંધ થઈ જશે. ધાર્મિક કાર્યમાં તમારું મન રચ્યુ પચ્યુ રહેશે. વિદેશ જવાનું સપનું સાકાર થશે. પૈસાનું આગમન થતાં આર્થિક સ્થિતિ વધુ મજબૂત બનશે. માનસિક તાણમાં રાહત મળશે.