કોવિદર વૃક્ષનું મહત્ત્વ: ઘરમાં આ દિશામાં રાખવાથી ધન-સમૃદ્ધિમાં થશે વધારો!
કોવિદર વૃક્ષ, જેને કંચનાર, પર્વતક અથવા કપિત્થ જેવા નામોથી પણ ઓળખવામાં આવે છે, તે હિંદુ ધર્મમાં એક વિશેષ આધ્યાત્મિક અને પૌરાણિક મહત્વ ધરાવે છે. આ પવિત્ર વૃક્ષનો ઉલ્લેખ મહાભારત અને ભાગવતની કથાઓમાં પણ જોવા મળે છે, જ્યાં કહેવાયું છે કે ભગવાન શ્રીકૃષ્ણ વૃંદાવનમાં આ જ વૃક્ષ નીચે રાસ-લીલા કરતા હતા. આ કારણોસર, વ્રજ અને વૃંદાવનના વિસ્તારોમાં તેને અત્યંત પવિત્ર ગણવામાં આવે છે, જ્યારે દેવતાઓને પણ પ્રિય છે. તાજેતરમાં અયોધ્યાના ભવ્ય રામ મંદિર પર લહેરાવવામાં આવેલા ધ્વજ પર પણ ‘ॐ’ અને સૂર્યના ચિહ્ન સાથે કોવિદાર વૃક્ષનું ચિત્ર અંકિત છે, જે તેના ધાર્મિક મહત્વને વધુ મજબૂત બનાવે છે.
એવું માનવામાં આવે છે કે આ દેવ વૃક્ષને પોતાના ઘરમાં લગાવવું અત્યંત ફળદાઈ સાબિત થઈ શકે છે. કોવિદર વૃક્ષને ઘરમાં સ્થાપિત કરવાથી અનેક પ્રકારની સમસ્યાઓમાંથી મુક્તિ મળે છે અને ઘર પર ભગવાનની વિશેષ કૃપા થાય છે. વાસ્તુશાસ્ત્ર મુજબ જો આ વૃક્ષને યોગ્ય દિશામાં અને નિયમોનું પાલન કરીને લગાવવામાં આવે, તો તે ઘરમાં શાંતિ, સૌભાગ્ય અને આર્થિક સ્થિરતા લાવે છે.
આ પણ વાંચો: ધાણાના બીજ કે પાવડર: કોલેસ્ટ્રોલને કંટ્રોલ કરવા માટે કોણ વધુ ફાયદાકારક?
પૂર્વ દિશા: આ દિશા સૂર્ય અને સકારાત્મક ઊર્જાનો સ્ત્રોત ગણાય છે. અહીં કોવિદર વૃક્ષ લગાવવાથી ઘરમાં શાંતિ, સૌભાગ્ય અને પ્રગતિમાં વધારો થાય છે. ધાર્મિક દૃષ્ટિએ પણ પૂર્વ દિશા અત્યંત શુભ મનાય છે.
ઉત્તર દિશા: આ દિશા ધનના દેવતા કુબેર સાથે સંબંધિત છે. જો આ દિશામાં કોવિદર વૃક્ષ લગાવવામાં આવે તો તે પરિવારને આર્થિક સ્થિરતા અને ઉત્તમ પ્રગતિ અપાવે છે.
આ પણ વાંચો: બારમાં દારૂ સાથે કેમ સર્વ કરવામાં આવે સોલ્ટેડ કાજુ અને શિંગદાણા? કારણ જાણશો તો ચોંકી ઉઠશો…
આ દિશામાં કોવિદરનું વૃક્ષ ન રાખવું
કોવિદર વૃક્ષને દક્ષિણ અને નૈઋત્ય (દક્ષિણ-પશ્ચિમ) દિશામાં લગાવવાનું ટાળવું જોઈએ, કારણ કે વાસ્તુમાં આ દિશાઓમાં મોટા વૃક્ષો કે છોડ લગાવવા શુભ માનવામાં આવતા નથી.
કોવિદર વૃક્ષ લગાવતી વખતે ધ્યાનમાં રાખવાના નિયમો
કોવિદર વૃક્ષને શુક્રવાર અથવા સોમવારના દિવસે લગાવવું અત્યંત શુભ માનવામાં આવે છે. આ ઉપરાંત વાસ્તુ અનુસાર મુખ્ય પ્રવેશ દ્વારની બરાબર સામે કોઈ પણ વૃક્ષ લગાવવું અવરોધકારક ગણાય છે. તેથી મુખ્ય દરવાજાની સામે તેને ન લગાવવું જોઈએ. વૃક્ષ અને ઘરની દીવાલ વચ્ચે ઓછામાં ઓછું 3-4 ફૂટનું અંતર રાખવું જોઈએ.
કોવિદરને દેવી-દેવતાઓ અને કૃષ્ણ સાથે જોડાયેલું પવિત્ર વૃક્ષ ગણવામાં આવે છે, તેથી તેના તૂટેલા ફૂલો ભગવાનને અર્પણ કરવા ન જોઈએ. કોવિદર એક આઉટડોર વૃક્ષ છે. તેને ઘરની અંદર અથવા બાલ્કનીમાં ઉગાડવું મુશ્કેલ છે, તેથી જો તમારા ઘરની બહાર ખુલ્લી જગ્યા હોય તો જ તેને લગાવવું જોઈએ.
