રામ મંદિરનો અદભૂત સંયોગ, 57 વર્ષ પહેલાં પ્રાણ પ્રતિષ્ઠાનું વર્ષ લખાયું હતું!
અયોધ્યામાં શ્રી રામ મંદિરના પ્રાણ પ્રતિષ્ઠાની તૈયારીઓ પૂરજોશમાં ચાલી રહી છે. એવા સમયે અદભૂત સંયોગો જાણવા મળી રહ્યા છે. હાલમાં જ નેપાળમાં 57 વર્ષ જૂની શ્રી રામ-સીતા ટપાલ ટિકિટ બહાર આવી છે. 57 વર્ષ પહેલા નેપાળમાં ભગવાન શ્રી રામ અને માતા સીતાની ટપાલ ટિકિટ બહાર પાડવામાં આવી હતી, જેમાં 2024 લખેલું હતું. આ અદ્ભુત સંયોગે સૌને ચોંકાવી દીધા છે.
શ્રી રામ-સીતાની આ પોસ્ટલ સ્ટેમ્પ 18 એપ્રિલ 1967ના રોજ રામ નવમી પર બહાર પાડવામાં આવી હતી. તેના પર વિક્રમ સંવત 2024 લખેલું છે. આ 2024ની સાલ છે, જે રામ મંદિરની પ્રાણ પ્રતિષ્ઠાને કારણે ચર્ચામાં છે. 2024માં રામ મંદિરનો પ્રાણ પ્રતિષ્ઠા મહોત્સવ ઉજવાઇ રહ્યો છે અને ભગવાન રામ સ્વગૃહે પાછા ફરી રહ્યા છે. વિક્રમ સંવત મુજબ, પોસ્ટલ સ્ટેમ્પ પર વર્ષ 2024 નો ઉલ્લેખ છે. વિક્રમ સંવત અંગ્રેજી કેલેન્ડર કરતાં 57 વર્ષ આગળ ચાલે છે. આ કારણોસર, વિક્રમ સંવત 2024 વર્ષ 1967 માં હતું. અને પછી આ કારણોસર 1967ની ટપાલ ટિકિટ પર 2024 લખેલું છે.
રામ મંદિરને લઈને વિવિધ પ્રકારના આશ્ચર્યજનક સંયોગો સામે આવી રહ્યા છે. નેપાળની ટપાલ ટિકિટના સંયોગથી સૌને આશ્ચર્ય થાય છે કે સ્ટેમ્પનું વિક્રમ સંવત બહાર પાડવામાં આવે છે અને અંગ્રેજી કેલેન્ડરનું વર્ષ એક જ છે. 57 વર્ષ પહેલા જ્યારે આ ટિકિટ જારી કરવામાં આવી હતી, ત્યારે કોઈએ વિચાર્યું પણ ન હતું કે 2024માં ભગવાન શ્રી રામ તેમના ઘરે પાછા ફરશે.
