શું તમારા વાળ પણ અકાળે સફેદ થઇ રહ્યા છે? જાણો તેના કારણો
આજકાલ તો લોકોના વાળ અકાળે ગ્રે કે સફેદ થઇ જાય છે. સામાન્યપણે વાળ સફેદ થવાના કારણો જીવનશૈલી, આહાર, મોલેક્યુલર માળખું અને વારસાગત બાબતો હોય છે, પણ આમ અકાળે વાળ સફેદ થવા માંડે ત્યારે આપણને પણ ખબર નથી પડતી કે વાળ કેમ ધોળા થઇ ગયા. તો શું તમારા વાળ પણ અકાળે ગ્રે થઈ ગયા છે? જો હા, તો શું તમે વિચાર્યું છે કે આવું કેમ થયું? ઘણા લોકોના વાળ તેમની ઉંમર પહેલા જ ગ્રે થવા લાગે છે.
કેટલાક લોકોના તો બધા વાળ સફેદ થઈ જાય છે. આવી સ્થિતિમાં, આપણે એના કારણો છે જાણીએ. વાળ સફેદ થવા એ એક એવી સમસ્યા છે જેના કારણે આજે ઘણા લોકો પરેશાન છે અને પોતાના વાળને સફેદથી કાળા કરવા માટે હેર ડાઇ, રંગનો ઉપયોગ કરી રહ્યા છે. તો કોઈ પણ સમય બગાડ્યા વિના ચાલો એના કારણો જાણીએ. વાળ સફેદ થવાનું કારણ વ્યક્તિની જીવનશૈલી, આહાર, મોલેક્યુલર માળખું અને વારસાગત ઘટકો પર આધાર રાખે છે.
આનુવંશિક કારણ: ઘણા લોકોને આ આનુવંશિક સમસ્યા હોય છે અને તેઓ તેમના માતાપિતા પાસેથી મેળવે છે. એવા જનીનો છે જે વાળના રંગને નિયંત્રિત કરે છે, અને તે વ્યક્તિના આનુવંશિક ઉત્પત્તિમાંથી આવે છે. આ જનીનો વ્યક્તિના વાળનો રંગ નક્કી કરે છે અને તેમાં થતા કોઈપણ ફેરફારથી વાળ ગ્રે થઈ શકે છે. એટલે કે, સરળ ભાષામાં સમજી લો કે જો તમારા આનુવંશિક ક્રમમાં કોઈ ફેરફાર થશે તો તેની સીધી અસર તમારા વાળ પર પડશે.
સ્વાસ્થ્ય સંબંધિત કારણો: ઘણી સ્વાસ્થ્ય સમસ્યાઓ અને હાઈ બ્લડ પ્રેશર, શુગર, થાઈરોઈડની સમસ્યા વગેરે પણ વાળ સફેદ થવાનું કારણ બની શકે છે. આ ઉપરાંત ઘણા લોકો દવા પણ લેતા હોય છે. આ દવાની ગરમીના કારણે વાળનો રંગ બદલાય છે.
આહાર અને પોષણ: તંદુરસ્ત વાળ માટે સારું પોષણ મહત્વપૂર્ણ છે. નબળું પોષણ અને તત્ત્વોનો અભાવ વાળના સફેદ થવામાં વધારો કરી શકે છે.
વધુ તણાવ અને દિનચર્યામાં ફેરફાર: વધુ તણાવ, બદલાતી દિનચર્યા અને અનિયમિત આદતો પણ વાળના સ્વાસ્થ્યને અસર કરી શકે છે અને વાળ સફેદ થવાનું કારણ બની શકે છે.
ઉંમર અને આરોગ્ય: સામાન્ય રીતે, ઉંમર વધે તેમ વાળ સફેદ થવા સામાન્ય છે, કારણ કે તે આનુવંશિક પ્રક્રિયાનો એક ભાગ છે.
આવા કારણોસર, નાની ઉંમરે વાળ સફેદ કે ગ્રેથઈ શકે છે. તમે પણ વિચારો કે આમાંના કયા કારણસર તમારા વાળ ગ્રે થવા માંડ્યા છે અને પછી એને અનુરૂપ યોગ્ય ઇલાજ કરો.
