વાંકા વળીને શૂ લેસ બાંધતી વખતે શ્વાસ ફૂલાઈ જાય છે? આજે જ સાવધાન થઈ જાવ, છે ગંભીર બીમારીનો સંકેત…
શું વાંકા વળીને શૂ લેસ બાંધતી વખતે કે પછી નીચે પડેલી કોઈ વસ્તુ ઉપાડતી વખતે તમારો શ્વાસ ફૂલાવવા લાગે છે? જો આ સવાલનો જવાબ હામાં છે તો તમારે સાવધ થઈ જવાની જરૂર છે.
આપણામાંથી અનેક લોકો બાબતને સાવ નજીવી કે વધતી ઉંમરની સાઈડ ઈફેક્ટ ગણીને ઈગ્નોર કરે છે, પરંતુ કાર્ડિયોલોજિસ્ટના મતે આ એક ગંભીર સાઈન છે, જેનાથી તમારે સાવધ થઈ જવાની જરૂર છે. ચાલો આજે આ સ્ટોરીમાં તમને જણાવીએ કે વાંકા વળીને શૂ લેસ બાંધતા સમયે કે વસ્તુ ઉપાડતી વખતે શ્વાસ ફૂલાઈ જવો એ કઈ ગંભીર સમસ્યાનો સંકેત છે…
આપણ વાચો: આરોગ્ય પ્લસઃ પ્રોસ્ટેટનો સોજો, જેમ જેમ પુષની ઉંમર વધતી જાય તેમ તેમ…
મુંબઈના જાણીતા કાર્ડિયોલોજિસ્ટના જણાવ્યા અનુસાર નીચે વાંકા વળતાં જ શ્વાસની કમી અનુભવાય એને બેંડોપીના કહેવાય છે. હાર્ટની હેલ્થ ગડબડ છે એનો સંકેત આપતા આ શરૂઆતી લક્ષમ છે. અનેક વખત આ સમસ્યા છાતીમાં દુઃખાવો કે સોજા જેવી સામાન્ય હાર્ટ ફેઈલ્યોરની ફરિયાદ પહેલાં જોવા મળે છે.
બેંડોપીના વિશે વાત કરીએ તો આ એ સ્થિતિ છે જ્યારે નીચેની તરફ વાંકા વળવાની થોડીક જ સેકન્ડમાં શ્વાસ ફૂલાવવા લાગે છે. શૂઝ પહેરતી વખતે, મોજા પહેરતી વખતે કે આ સમસ્યા અનુભવાય છે. જેવી વ્યક્તિ સીધી થઈ જાય છે તો આ સમસ્યા ઘટી જાય છે. આ પેટર્ન જ જણાવે છે કે હાર્ટ વધી રહેલાં પ્રેશરને સંભાળવામાં અસક્ષમ છે.
જ્યારે શરીર ઝૂકે છે ત્યારે પેટ અને પગમાંથી લોહી ઝડપથી પાછું હાર્ટ તરફ વળે છે. જો હાર્ટ પહેલાંથી જ નબળું છે, તેની પંપિંગ કેપેસિટી ઓછી છે તો આ વધારાનું દબાણ તરત જ શ્વાસ ફૂલાવવા જેવી સમસ્યાનું કારણ બની શકે છે. આ નાનકડો સંકેત હાર્ટ હેલ્ધી નથી એ વાતનો સંકેત આપે છે, પણ આપણે મોટાભાગે તેની તરફ દુર્લક્ષ કરીએ છીએ.
આપણ વાચો: 44ની ઉંમરે પણ શ્વેતા દીકરી પલકને આપે છે ફેશન અને ફિટનેસમાં ટક્કર!
20214માં પહેલી વખત એક અધ્યયન દરમિયાન બેંડોપીના પર ધ્યાન આપવામાં આવ્યું હતું. હાર્ટ ફેઈલ્યોરવાળા 102 દર્દીઓમાંથી 28 ટકા દર્દીઓને વાંકા વળતાં જ શ્વાસ ફૂલાવવાની સમસ્યા જોવા મળી હતી. તપાસમાં જોવા મળ્યું હતું તેમના હાર્ટમાં ફિલિંગ પ્રેશર વધારે હતું એટલે દિલ અચાનક વધેલાં બ્લડ વોલ્યુમને સંભાળવામાં સક્ષમત નહોતું.
ત્યાર બાદના રિસર્ચમાં પણ આ જ પેટર્ન જોવા મળે છે. એક રિસર્ચમાં જોવા મળ્યું કે જે દર્દીઓને બેંડોપીના હતું, તેમની અંદર હાર્ટની બીમારીને કારણે હોસ્પિટલમાં દાખલ થવાનું જોખમ ત્રણ મહિનામાં ખૂબ જ વધારે હતું. ટૂંકમાં આ લક્ષણ માત્ર અસુવિધા જ નહીં પણ ભવિષ્યમાં આવનારા જોખમોનો સંકેત પણ હતો.
નવા રિસર્ચમાં એવું પણ જાણવા મળ્યું હતું કે ઝૂકતી વખતે કેટલાક લોકોનું ઓક્સિજન લેવલ ઘટી જાય છે અને એમનામાં શ્વાસ ફૂલાવવાનું લક્ષણ નથી જોવા મળતું. આને બેંડિંગ ઓક્સિજન સેચ્યુરેશન ઈન્ડેક્ટ કહેવામાં આવે છે. આવા દર્દીઓમાં બે વર્ષની અંદર હાર્ટ ફેઈલ્યોરનું જોખમ વધવાની સંભાવના રહેલી છે.
જો તમારી આસપાસમાં પણ લોકોને આ સમસ્યા સતાવતી હોય તો તેમની સાથે આ માહિતી શેર કરો, જેથી તેઓ સમયસર આની સારવાર કરાવીને ભવિષ્યમાં આવનારા જોખમોથી બચી જાય. આવી જ બીજી માહિતી કામની માહિતી જાણવા માટે અમારી સાથે ચોક્કસ જોડાયેલા રહો.
