અહો આશ્ચર્યમ્ઃ ભારતના આ રાજ્યમાં એક લીંબુ વેચાયું 13,000 રુપિયામાં, જાણો કારણ?
નવી દિલ્હી : તમિલનાડુમાં(Tamilnadu)થયેલી લીંબુની હરાજીએ લોકોમાં આશ્ચર્ય ઉપજાવ્યું છે. જેમાં તમિલનાડુના ઇરોડના જિલ્લામાં એક લીંબુની 13 હજાર રૂપિયામાં હરાજી થઇ હતી. આ લીંબુનો ઉપયોગ ઇરોડના એક ગામના મંદિરમાં ધાર્મિક વિધિમાં થયો હતો.
મંદિર સત્તાવાળાએ જણાવ્યું હતું કે મધ્યરાત્રિએ યોજાયેલી જાહેર હરાજીમાં એક ખરીદદારે લીંબુને 13,000 રૂપિયામાં ખરીદ્યું હતું. આ ઉપરાંત ચાંદીની વીંટી અને ચાંદીના સિક્કા પર પણ બોલી લગાવી. તમિલનાડુના વિવિધ મંદિરોમાં, ધાર્મિક વિધિઓમાં વપરાતા ફળો અને અન્ય સામગ્રીની હરાજી કરવામાં આવે છે જેને ભક્તો ભગવાનનો પ્રસાદ માનીને ઉંચી કિંમતે ખરીદે છે.
આપણ વાંચો: લીંબુ કરતાં પણ વધારે ગુણકારી છે તેની છાલ, જાણો તેને ખાવાની રીત પણ
અરાચલુરના ચિદમ્બરમે 43,100 રૂપિયામાં ચાંદીની વીંટી ખરીદી
જેમાં મળતી માહિતી મુજબ મહાશિવરાત્રી ઉત્સવના અવસરે ઘણા વર્ષોથી ચાલતી પરંપરા મુજબ વિલાક્કેઠી ગામના પઝમાથિન્ની કરુપ્પા ઈશ્વરન મંદિરમાં બુધવારે મધ્યરાત્રિએ જાહેર હરાજી યોજાઈ હતી.
આ હરાજીના પ્રસંગે ભક્તોએ મુખ્ય દેવતાની મૂર્તિ પર મૂકવામાં આવતી પવિત્ર વસ્તુઓ માટે બોલી લગાવી હતી, જેમાં લીંબુ, ચાંદીની વીંટી અને ચાંદીનો સિક્કો પણ સામેલ છે. થંગરાજ નામના વ્યક્તિએ 13,000 રૂપિયામાં લીંબુ ખરીદ્યા. જ્યારે અરાચલુરના ચિદમ્બરમે 43,100 રૂપિયામાં ચાંદીની વીંટી ખરીદી.
આપણ વાંચો: નવ લીંબુની કિંમત 2.36 લાખ રૂપિયા??? શું છે આખો માંજરો, જાણો અહીં…
ગયા વર્ષે 9 લીંબુ 2.36 લાખ રૂપિયામાં વેચાયા હતા
જયારે હરાજી દરમિયાન રવિકુમાર અને બાનુપ્રિયાએ સંયુક્ત રીતે ચાંદીના સિક્કા માટે 35 હજાર રૂપિયાની બોલી લગાવી. મંદિરના અધિકારીઓએ જણાવ્યું હતું કે હરાજી પછી વસ્તુઓને ખાસ પૂજા માટે દેવતા સમક્ષ મૂકવામાં આવી હતી.
ભક્તોનું માનવું છે કે આ વસ્તુઓ રાખવાથી તેમના પરિવારમાં સમૃદ્ધિ આવે છે.ગત વર્ષે તમિલનાડુના વિલુપ્પુરમ જિલ્લામાં સ્થિત ભગવાન મુરુગનના મંદિરમાં ચઢાવવામાં આવેલા 9 લીંબુની હરાજી 2.36 લાખ રૂપિયામાં કરવામાં આવી હતી. આમાંથી એક લીંબુ ખરીદનાર દ્વારા 50,500 રૂપિયા ચૂકવીને ખરીદ્યું હતું.