Satya Nadella Net Worth: માઈક્રોસોફ્ટના સીઇઓને મળ્યો 63 ટકાનો પગાર વધારો, હવે આટલા કરોડનું પેકેજ ?

નવી દિલ્હી : માઈક્રોસોફ્ટના ભારતીય મૂળના સીઈઓ સત્ય નડેલાના(Satya Nadella Net Worth) પગારમાં મોટો વધારો થયો છે. વર્ષ 2024માં સત્ય નડેલાને કુલ પગાર અને ભથ્થાં સહિત 79.1 મિલિયન ડોલર (રૂપિયા 670 કરોડ) મળશે. જે વર્ષ 2023 કરતાં 63 ટકા વધુ છે. 2014 પછી આ પ્રથમ વખત છે જ્યારે સત્ય નડેલાને 79.1 મિલિયન ડોલરનું કોમ્પનસેશન આપવામાં આવશે. 2014માં માઇક્રોસોફ્ટના સીઇઓ બન્યા બાદ તેમને 84 મિલિયન ડોલરનો પગાર આપવામાં આવ્યો હતો.

કુલ પગાર 48.5 મિલિયન ડોલર હતો

ગુરુવારે રેગ્યુલેટરી ફાઇલિંગ દ્વારા સત્ય નડેલાના પગારમાં વધારાની માહિતી સામે આવી છે. નડેલાના પગારનો મોટો હિસ્સો પરફોર્મન્સ આધારિત સ્ટોક એવોર્ડ્સમાંથી આવે છે. જેનું મૂલ્ય 2024માં 71.2 મિલિયન ડોલર છે. ગયા વર્ષે, 2023 માં, તેમને પરફોર્મન્સ આધારિત સ્ટોક એવોર્ડ્સ તરીકે 39 મિલિયન ડોલર આપવામાં આવ્યા હતા અને તેમનો કુલ પગાર 48.5 મિલિયન ડોલર હતો.

| Also Read:

શેરમાં વર્ષ 2024માં 28 ટકાનો વધારો જોવા મળ્યો

માઇક્રોસોફ્ટના શેરમાં વર્ષ 2024માં 28 ટકાનો વધારો જોવા મળ્યો છે અને ગુરુવાર 24 ઓક્ટોબર, 2024ના રોજ કંપનીનું માર્કેટ કેપ વધીને 3.6 ટ્રિલિયન ડોલર થઈ ગયું છે. કંપનીના આર્ટિફિશિયલ ઈન્ટેલિજન્સમાં રોકાણ અને ટેક્નોલોજીના કારણે આવકમાં વધારો થવાને કારણે કંપનીનું મૂલ્યાંકન વધ્યું છે. માઈક્રોસોફ્ટ તેના ઓફિસ ઉત્પાદનો અને AI-સંચાલિત કો-પાયલોટ સહાયકોને AI સાથે ફોલ્ડ કરી રહ્યું છે જેના માટે તે તેના ગ્રાહકો પાસેથી ચાર્જ વસૂલ કરે છે.

| Also Read:

 રોકડ બોનસ ઘટાડવાની અપીલ કરી હતી

2024 માં કુલ પગારમાં સત્ય નડેલાનો હિસ્સો 2.5 મિલિયન ડોલર છે. જે ગયા વર્ષે પણ સમાન હતો. તેમણે રોકડ બોનસ ઘટાડવાની અપીલ કરી હતી. જેને બોર્ડે સ્વીકારી હતી. જો તેણે આ અપીલ ન કરી હોત તો તેને 10 મિલિયન ડોલરનું રોકડ બોનસ મળ્યું હોત. વર્ષ 2022માં નડેલાને બોનસ તરીકે 10 મિલિયન ડોલર મળ્યા હતા. જે 2023માં ઘટીને 6.4 ડોલર મિલિયન અને 2024માં 5.2 મિલિયન ડોલર થઈ ગયા છે.