આજે ગણેશ ચતુર્થીથી ગણેશોત્સવનો શુભારંભ થયો છે અને છઠ્ઠી સપ્ટેમ્બરના અનંત ચતુર્દશીના દિવસે બાપ્પા વિદાય લેશે. આજની આ ગણેશ ચતુર્થી જ્યોતિષ શાસ્ત્રની દ્રષ્ટિએ પણ ખૂબ જ ખાસ રહેવાની છે, કારણ કે એવું માનવામાં આવે છે કે ગણપતિ બાપ્પાનો જન્મ બુધવારના જ થયો હતો અને આજે ગણેશ ચતુર્થી પર પણ બુધવાર જ છે. આ સિવાય ગણેશ ચતુર્થી પણ એક સાથે અને દુર્લભ સંયોગ બની રહ્યા છે, જેને કારણે કેટલી રાશિના જાતકોને પારાવાર લાભ થઈ રહ્યો છે.
મળતી માહિતી મુજબ આજે ધન યોગ, રાશિ પરિવર્તન યોગ, લક્ષ્મી નારાયણ યોગ, આદિત્ય યોગ, ગજ કેસરી યોગ અને ઉભયચારી યોગ જેવા શુભ યોગ બની રહ્યા છે. જેને કારણે અમુક રાશિના જાતકો પર ભગવાન ગણેશજીની વિશેષ કૃપા જોવા મળશે. આ રાશિના જાતકોને ભાગ્યનો સાથ મળવાની સાથે સાથે ધનલાભ પણ થઈ રહ્યો છે. ચાલો જોઈએ કઈ છે આ ભાગ્યશાળી રાશિઓ…
વૃષભ રાશિના જાતકો માટે આ સમયગાળો ખૂબ જ સારો રહેશે. આ રાશિના જાતકોને કોઈ સારા સમાચાર સાંભળવા મળશે. પરિવારના લોકો સાથે હસી ખુશી સમય પસાર કરશો. બાપ્પાની વિશેષ કૃપા દ્રષ્ટિ આ રાશિના જાતકો પર રહેશે.
મિથુન રાશિના જાતકો માટે પણ આ વખતની ગણેશ ચતુર્થી ખૂબ જ ખાસ રહેશે. આ સમયે આ રાશિના જાતકોની સુખ સમૃદ્ધિમાં વધારો થશે. આ સમયે આવકમાં વૃદ્ધિ થશે. બિઝનેસ કરી રહેલાં લોકો માટે પણ આ સમય લાભ કરાવનારો રહેશે.
કન્યા રાશિના જાતકો માટે પણ આ સમય ખૂબ શુકનિયાળ રહેશે. બાપ્પાના આશીર્વાદથી આ રાશિના જાતકોને દરેક ક્ષેત્રે સફળતા મળશે. નોકરી કરી રહેલા લોકોને પણ આ સમયે પગારવધારો કે પ્રમોશન મળી શકે છે.
મીન રાશિમાં પણ ધનયોગ બની રહ્યો છે જેને કારણે આ રાશિના જાતકોને આર્થિક લાભ થશે. બિઝનેસમાં પાર્ટનરશિપ કરશો તો લાભ થઈ રહ્યો છે. વિધાર્થીઓ માટે આ સમયે અભ્યાસ અને કરિયરને દ્રષ્ટિએ લાભ થઈ રહ્યો છે.
આ પણ વાંચો…ગણેશ ચતુર્થીમાં ગણપતિ બાપ્પાની સાથે કરો પંચદેવની પૂજા: જાણો શું થશે ફાયદા?
