પાંચ દિવસ બાદ થનારું 2025નું છેલ્લું સૂર્ય ગોચર આ રાશિના જાતકોના દિવસો બદલી નાખશે, જોઈ લો તમારી રાશિ પણ છે ને?
જોત-જોતામાં 2025નું વર્ષ પૂરું થવા જઈ રહ્યું છે અને આ સાથે જ વર્ષનું છેલ્લું સૂર્ય ગોચર પણ ગણતરીના દિવસોમાં થવા જઈ રહ્યું છે. આ સૂર્ય ગોચરથી કેટલીક રાશિના જાતકોના અચ્છે દિન શરૂ થવા જઈ રહ્યા છે. જ્યોતિષશાસ્ત્રમાં સૂર્યને ગ્રહોના રાજાનો દરજ્જો આપવામાં આવ્યો છે અને દર મહિને સૂર્ય એક રાશિમાંથી બીજી રાશિમાં ગોચર કરે છે.
મુંબઈના એક જાણીતા જ્યોતિષાચાર્યના જણાવ્યા અનુસાર પાંચ દિવસ બાદ એટલે કે 16મી ડિસેમ્બરના રોજ ગ્રહોના રાજા સૂર્ય ધન રાશિમાં ગોચર કરી રહ્યા છે. આ જ દિવસથી ખરમાસ એટલે કે કમૂર્તા પણ શરૂ થઈ રહ્યા છે, પરિણામે આ દિવસોમાં કોઈ પણ શુભ કે માંગલિક કાર્યક્રમનું આયોજન કરવાનું વર્જ્ય છે, પરંતુ તેમ છતાં સૂર્યનું થઈ રહેલું આ ગોચર કેટલીક રાશિના જાતકો માટે ખૂબ જ મહત્ત્વનું સાબિત થશે. ચાલો જોઈએ કઈ છે આ ભાગ્યશાળી રાશિઓ…
મેષ રાશિના જાતકો માટે સૂર્યનું આ ગોચર પ્રગતિ અને લાભદાયી સાબિત થશે. આ સમયે વિદેશ યાત્રાના યોગ બની રહ્યા છે. ધાર્મિક કાર્યથી લાભ થઈ રહ્યો છે. વિદ્યાર્થીઓને અભ્યાસમાં જો કોઈ મુશ્કેલી સતાવી રહી હશે તો તેમાંથી પણ રાહત મળસે. કારકિર્દીમાં સફળતા અને પ્રગતિ થશે. આર્થિક સ્થિતિ પણ પહેલાં કરતાં વધારે મજબૂત થશે. પ્રેમજીવન જીવી રહેલાં લોકો માટે આ સમયગાળો અનુકૂળ રહેશે. નવી નવી જવાબદારીઓ સોંપવામાં આવશે.
સિંહ રાશિના જાતકો માટે ધન રાશિમાં થઈ રહેલું સૂર્યનું ગોચર શુભ રહેશે. કરિયરમાં મનચાહી સફળતા મળશે. મનમાં જો કોઈ દુવિધા સતાવી રહી હશે તો તેમાંથી પણ મુક્તિ મળશે. પરિવારમાં પણ આ સમયે તમારા માન-સન્માનમાં વધારો થશે. આ સમયે કોઈ યોજના કે રોકાણ કરવા માટે ખૂબ જ અનુકૂળ રહેવાનો છે. આ સમયે તમારી લીડરશિપ ક્વોલિટીમાં સુધારો જોવા મળી શકે છે.
કન્યા રાશિમાં જાતકો માટે સૂર્યનું આ ગોચર આર્થિક સ્થિતિ સુધારશે. પરિવારમાં જો કોઈ સમસ્યા સતાવી રહી હશે તો તેમાંથી પણ મુક્તિ મળશે. મનને શાંતિ મળશે. કોઈ જૂનો વિવાદ ચાલી રહ્યો હશે તો તેનો ઉકેલ આવશે. નોકરી અને બિઝનેસ કરી રહેલાં લોકોને આ સમયે લાભ થઈ રહ્યો છે. આ સમયે તમે લીધેલા નિર્ણય તમને ભવિષ્યમાં લાભ થશે. આર્થિક લાભ થઈ રહ્યો છે. આત્મવિશ્વાસમાં વધારો થઈ રહ્યો છે.
ધન રાશિના જાતકો માટે સૂર્યનું આ ગોચર ખૂબ જ લાભદાયી રહેશે. આ સમયે તમારા આત્મવિશ્વાસમાં વૃદ્ધિ થશે. નવા નવા લક્ષ્યોની પ્રાપ્તિ થશે અને સફળતાના રસ્તે આગળ વધશો. જીવનમાં ઉત્સાહ વધશે, પણ આ સમયે કોઈ પણ નિર્ણય ઉતાવળમાં લેવાનું ટાળો. નોકરી બદલવા કે પ્રમોશન મેળવવા માટે આ સમયે એકદમ અનુકૂળ રહેશે. સ્વાસ્થ્યની દ્રષ્ટિએ આ સમયગાળો સારો રહેશે. જીવનસાથી સાથે કોઈ જગ્યાએ ફરવા જવાનું પ્લાનિંગ કરશો.
કુંભ રાશિના જાતકો માટે સૂર્યનું આ ગોચર જીવનમાં સકારાત્મ પરિણામ લઈને આવશે. લોકો સરળતાથી તમારા પર સરળતાથી વિશ્વાસ કરશે. કોઈ મોટા પ્રોજેક્ટમાં આ સમયે તમને મહત્વની જવાબદારી સોંપવામાં આવશે. આ સમયે ભાગ્યનો પૂરેપૂરો સાથ મળી રહ્યો છે. અટકી પડેલું ધન પાછું મળશે. મિત્રો અને પરિવારના સભ્યોનો સંપૂર્ણ સાથ-સહકાર મળી રહ્યું છે. ભવિષ્ય માટે આ સમયગાળો ખૂબ જ મહત્ત્વનો સાબિત થશે.
આપણ વાંચો: મંગળ અને સૂર્યની યુતિથી થશે રાજયોગનું નિર્માણ, ત્રણ રાશિના જાતકો થશે માલામાલ…
