જ્યોતિષશાસ્ત્રની દ્રષ્ટિએ 2025નું વર્ષ ખૂબ જ મહત્ત્વનું રહ્યું, કારણ કે આ જ વર્ષમાં અનેક મહત્ત્વના ગ્રહોએ ગોચર કરીને શુભાશુભ યોગનું નિર્માણ કર્યું, જેની અસર 12-12 રાશિ પર જોવા મળી હતી. હવે 24 કલાક બાદ એટલે કે આવતીકાલે ગ્રહોના રાજકુમાર અને ન્યાયના દેવતા શનિ મળીને એક ખાસ યોગ બનાવશે, જેને કારણે કેટલીક રાશિના જાતકો માટે સારા દિવસોની શરૂઆત થઈ રહી છે.
જાણીતા જ્યોતિષાચાર્ય દ્વારા આપવામાં આવેલી માહિતી અનુસાર 26મી ઓક્ટોબરના રોજ ગ્રહોના રાજકુમાર બુધ અને ન્યાયના દેવતા શનિ મળીને અત્યંત શુભ કહી શકાય એવો નવપંચમ રાજયોગ બનાવી રહ્યા છે. વૈદિક પંચાગ અનુસાર બુધ અને શનિ બંને આવતીકાલે રાતે 2.44 કલાકે એકબીજાથી 120 ડિગ્રીના ખૂણે આવીને આ યોગ બનાવી રહ્યા છે. આ યોગને કારણે કેટલીક રાશિના જાતકો માટે ખૂબ જ લાભદાયી સમય શરૂ થઈ રહ્યો છે.
બુધ અને શનિને કારણે બની રહેલાં આ શક્તિશાળી રાજયોગથી ત્રણ રાશિના જાતકોને પારાવાર લાભ થઈ રહ્યો છે. આ રાશિના જાતકોને બુદ્ધિ, ભાગ્ય અને કરિયરની દ્રષ્ટિએ પણ લાભ જ લાભ થઈ રહ્યો છે. ચાલો જોઈએ કઈ છે ભાગ્યશાળી રાશિઓ-
મિથુનઃ
મિથુન રાશિના જાતકો માટે આ નવપંચમ રાજયોગ ખૂબ જ લાભદાયી સાબિત થઈ રહ્યો છે. આવકના નવા નવા સ્રોત ખૂલી રહ્યા છે. બિઝનેસની દ્રષ્ટિએ પણ આ સમયગાળો ખૂબ જ લાભદાયી રહેવાનો છે. જૂના અટવાઈ પડેલાં કામ પૂરા થઈ રહ્યા છે. જીવનસાથી સાથેના સંબંધો સુધરી રહ્યા છે. પૈતૃક સંપત્તિનું સુખ મળી શકે છે. પ્રોપર્ટી કે વાહન ખરીદવા માટે અનુકૂળ સમય છે.
મકરઃ
મકર રાશિના જાતકો માટે આ સમયગાળો ખૂબ જ ફળદાયી રહેવાનો છે. આત્મવિશ્વાસ અને લીડરશિપ ક્વોલિટીમાં સુધારો જોવા મળશે. નવી યોજનાઓને અમલમાં મૂકીને પૈસા કમાવશો. બિઝનેસ કે નોકરીમાં પણ આ સમયે તમને મોટી મોટી તક મળી રહી છે. પરિવારમાં સભ્યો વચ્ચે તાલમેલ સુધરશે. વિદ્યાર્થીઓ માટે પણ આ સમયે સફળતા અપાવનારો રહેશે.
કુંભઃ
કુંભ રાશિના જાતકો માટે પણ આ સમયગાળો પારાવાર શુકનિયાળ રહેશે. આ સમયે તમારા જીવનમાં નવીનતા આવશે. પૈસા સંબંધિત બાબતો માટે પણ આ સમય સારો રહેશે. બિઝનેસ કરી રહેલાં લોકોને આ સમયે નફો થઈ રહ્યો છે. કુંભ રાશિના જાતકોના આત્મવિશ્વાસમાં વધારો થઈ રહ્યો છે. પાર્ટનરશિપમાં કરેલાં કામથી ફાયદો થશે.
