જ્યોતિષાચાર્યના જણાવ્યા અનુસાર દરેક ગ્રહ એક ચોક્કસ સમય પર ચાલ બદલે છે, નક્ષત્ર પરિવર્તન કરે છે, અને શુભાશુભ યોગનું નિર્માણ કરે છે. આવો જ એક શુભ યોગ છઠ્ઠી જુલાઈના શુક્ર અને શનિની યુતિથી બની રહ્યો છે. આ યોગને કારણે અમુક રાશિના જાતકોને પારાવાર લાભ થઈ રહ્યો છે. આવો જોઈએ કયો છે આ યોગ, ક્યારે બની રહ્યો છે અને કઈ રાશિના જાતકોને આને કારણે લાભ થઈ રહ્યો છે.
મુંબઈના એક જાણીતા જ્યોતિષાચાર્યના જણાવ્યા અનુસાર શુક્ર અને શનિની યુતિથી છઠ્ઠી જુલાઈના રોજ લાભ દ્રષ્ટિ યોગ બની રહ્યો છે. જેને કારણે પાંચ રાશિના જાતકોને પારાવાર લાભ થઈ રહ્યો છે. આ રાશિના જાતકોને ભાગ્યનો સાથ મળવાની સાથે સાથે આર્થિક લાભ પણ થઈ રહ્યો છે. ચાલો જોઈએ કઈ છે ભાગ્યશાળી રાશિઓ-
આ પણ વાંચો: આજનું રાશિફળ (03-07-25): મિથુન, સિંહ સહિત પાંચ રાશિના જાતકોને આજે મળશે Good News, શું છે તમારી રાશિના હાલ?
શનિ અને શુક્ર બંનેને વૃષભ રાશિના કારક માનવામાં આવે છે. આવી સ્થિતિમાં શુક્ર અને શનિની યુતિથી બની રહેલો લાભ દ્રષ્ટિ યોગ શુભ પરિણામ આપનારો સાબિત થશે. આ સમયે આ રાશિના જાતકોને આર્થિક મજબૂતી, પ્રોપર્ટીના લાભ અને નોકરીમાં પણ સ્થિરતા રહેશે. લગ્ન કરવા ઈચ્છુક લોકો માટે પણ આ સમય એકદમ અનુકૂળ છે.
કર્ક રાશિના જાતકોને પણ શુક્ર અને શનિની દ્રષ્ટિથી બની રહેલા યોગને કારણે લાભ થઈ રહ્યો છે લાંબા સમયથી અટવાઈ પડેલાં કામ પૂરા થશે. ધનલાભ થશે, માનસિક શાંતિનો યોગ બની રહ્યો છે. પરિવારમાં સુખ-સંતુલન જળવાઈ રહેશે. રોકાણથી પણ પૂરેપૂરો લાભ થઈ રહ્યો છે.
તુલા રાશિના જાતકો માટે પણ આ સમય શુકનિયાળ રહેશે. શુક્ર અને શનિના લાભદ્રષ્ટિ યોગથી જીવનમાં અનેક પ્રકારના લાભ થઈ રહ્યા છે. સુખ-શાંતિમાં વૃદ્ધિ થશે. નવી ગાડી કે ઘર ખરીદવાની શક્યતા પણ વધશે. શુક્ર અને શનિની કૃપાથી સામાજિક પ્રતિષ્ઠામાં વૃદ્ધિ થશે. કોર્ટ કચેરીના મામલામાં રાહત મળી શકે છે.
મકર રાશિના જાતકો માટે આ સમયગાળો અનુકૂળ રહેશે. આ સમયે આ રાશિના જાતકોને તમામ કામમાં સફળતા મળશે. શુક્રની દ્રષ્ટિથી સૌંદર્ય, સંગીત કે ફેશનની સાથે જોડાયેલા લોકો માટે આ સમયગાળો સારો રહેશે. નોકરી કરી રહેલાં લોકોને પ્રમોશન અને પગાર વધારો થવાની પણ શક્યતા છે.
મીન રાશિના જાતકો માટે શુક્ર અને શનિની યુતિ સારું પરિણામ લઈને આવશે. આ યુતિને કારણે આ રાશિના જાતકોને વેપારમાં વિસ્તાર થવાની શક્યતા છે. વિદેશ યાત્રા પર જવાના યોગ છે, રિલેશનશિપમાં પણ સંબંધો સુધરશે. ક્રિયેટિવ ફિલ્ડ સાથે સંકળાયેલા લોકોને પણ આ સમયે વિશેષ લાભ થઈ રહ્યો છે.
