જ્યોતિષશાસ્ત્રમાં ન્યાયના દેવતા શનિ અને ગુરુનું વિશેષ મહત્ત્વ જણાવવામાં આવ્યું છે, શનિ અને ગુરુની યુતિ થવું ખૂબ જ શુભ માનવામાં આવે છે અને જ્યારે આ બે શુભ ગ્રહની યુતિ થાય છે ત્યારે પાવરફૂલ યોગ બનાવે છે, જેની અસર તમામ 12-12 રાશિના જાતકો પર જોવા મળે છે. આ બંને ગ્રહો સૌથી પાવરફૂલ ગ્રહો છે.
વૈદિક જ્યોતિષ અનુસાર શનિ દર અઢી વર્ષે અને ગુરુ 12 મહિને રાશિ પરિવર્તન કરે છે, જેને કારણે બંને રાશિમાં એ જ રાશિમાં પાછા આવવા માટે લાંબો સમય લાગે છે. પરંતુ ચાર દિવસ બાદ એટલે કે 15મી જૂનના સાંજે 7,57 કલાકે શનિ અને ગુરુ એકબીજાથી 90 અંશની ડિગ્રી પર હશે, જેનાથી કેન્દ્ર યોગ બની રહ્યો છે. કેન્દ્ર યોગ ખૂબ જ શુભ માનવામાં આવે છે. ચાલો જોઈએ શનિ અને ગુરુની યુતિથી કઈ રાશિના જાતકોને પારાવાર લાભ થઈ રહ્યો છે. ચાલો જોઈ કઈ છે આ ભાગ્યશાળી રાશિઓ કે જેમને યોગથી લાભ થઈ રહ્યો છે. આ રાશિના જાતકોને ભાગ્યનો સાથ મળવાની સાથે સાથે જ આર્થિક લાભ પણ થઈ રહ્યો છે.
મેષ રાશિના જાતકો માટે આ યોગ ખૂબ જ લાભદાયી સાબિત થઈ રહ્યો છે. કામના સ્થળે સહકર્મચારીઓની મદદ કરશો, જેનાથી ભવિષ્યમાં તમને લાભ થશે. કરિયરમાં નવી નવી ઉંચાઈઓ હાંસિલ કરશો. પરિવાર સાથેના સંબંધોમાં પણ પણ સુધારો જોવા મળશે. સંતાન તરફથી પણ સારા સમાચાર સાંભળવા મળશે.
કર્ક રાશિના જાતકો માટે આ સમયગાળો અનુકૂળ રહેશે. માન-સન્માનમાં વૃદ્ધિ થશે. આ સમય નોકરી બદલવા માટે એકદમ અનુકૂળ છે. બિઝનેસમાં પણ તમને આ સમયે લાભ થઈ રહ્યો છે. પાર્ટનર સાથેના સંબંધોમાં પણ સુધારો જોવા મળી રહ્યો છે. પગાર વધારો થતાં તમારી ખુશીનો પાર નહીં રહે.
મકર રાશિના જાતકો માટે ગુરુ અને શનિની યુતિ ખાસ રહેવાની છે. આ રાશિના જાતકોને વિશેષ લાભ થઈ રહ્યો છે. વિદ્યાર્થીઓ અભ્યાસ શ્રેત્રે સારું પ્રદર્શન કરશે. નોકરીના સ્થળે આ રાશિના જાતકોને સારા પરિણામો મળશે. કામના સ્થળે લોકો તમારા કામના વખાણ કરશે. આર્થિક સ્થિતિ સુધરશે. સંબંધોમાં સુધારો થશે.
