જ્યોતિષશાસ્ત્રમાં આપવામાં આવેલી માહિતી અનુસાર દરેક ગ્રહ એક ચોક્કસ સમય પર ગોચર કરે છે અને શુભાશુભ યોગ સહિત વિવિધ રાજયોગનું નિર્માણ કરે છે, જેની અસર દેશ-દુનિયા સહિત મનુષ્ય પર પણ જોવા મળે છે. ચાલી રહેલાં જૂન મહિનામાં ત્રણ દુર્લભ રાજયોગ બની રહ્યા છે, જેને કારણે અમુક રાશિના જાતકોને ભાગ્યનો સાથ મળી રહ્યો છે. આવો જોઈએ કયા છે આ ત્રણ રાજયોગ અને અને કઈ રાશિના જાતકોને લાભ થઈ રહ્યો છે.
મળતી માહિતી પ્રમાણે ગ્રહોના રાજકુમાર બુધ પોતાની સ્વરાશિ મિથુનમાં પ્રવેશ કરીને ભદ્ર રાજયોગ બનાવી રહ્યો છે. 15મી જૂનના ગ્રહોના રાજા સૂર્ય મિથુન રાશિમાં ગોચર કરશે અને બુધ સાથે યુતિ કરીને બુધાદિત્ય રાજયોગનું નિર્માણ કરી રહ્યો છે. 29મી જૂનના ધનના દાતા શુક્ર વૃષભ રાશિમાં ગોચર કરીને માલવ્ય રાજયોગનું નિર્માણ કરશે. આ ત્રણેય રાજયોગનું નિર્માણ કેટલીક રાશિના જાતકો માટે લાભદાયી સાબિત થઈ રહ્યો છે.
આ રાશિના જાતકો માટે બુધાદિત્ય રાજયોગ, માલવ્ય રાજયોગનું નિર્માણ ખૂબ જ લાભદાયી સાબિત થઈ રહ્યો છે. આ સમયે તમને આકસ્મિક ધનલાભ થઈ રહ્યો છે. આ સમયે તમારી વાણથી પણ તમને લાભ થઈ રહ્યો છે અને લોકો તમારી વાતોથી પ્રભાવિત થશે. પૈસા કમાવવાના નવા નવા રસ્તા શોધી રહ્યા છે. આ સમયે તમારી આર્થિક સ્થિત સુધરી રહી છે. પરિવારમાં હસી-ખુશીનો માહોલ જોવા મળશે.
વૃષભ રાશિના જાતકો માટે આ સમય ખૂબ જ સકારાત્મક પરિણામ લઈને આવી રહ્યો છે. તમારી આવકમાં વૃદ્ધિ થશે, જેને કારણે તમારી ખુશીનો પાર નહીં રહે. ઓફિસમાં પણ તમારા કામની પ્રશંસા થશે. પૈસા બચાવવામાં પણ સફળતા મળી રહે છે. નોકરીમાં પ્રમોશન વગેરે મળી શકે છે. વિદ્યાર્થીઓને અભ્યાસમાં સફળતા મળશે.
મીન રાશિના જાતકો માટે પણ આ સમયગાળો ખૂબ જ અનુકૂળ રહેવાનો છે. ભૌતિક સુખ-સુવિધાઓમાં વૃદ્ધિ થઈ રહી છે. વાહન કે પ્રોપર્ટી ખરીદવાનું તમારું સપનું સાકાર થઈ રહ્યું છે. તમારા સાહસ અને પરાક્રમમાં વૃદ્ધિ થશે. મોટા ટાર્ગેટ હાંસિલ કરવામાં સફળતા મળશે. નવી યોજનાઓ બનાવવા માટે આ સમય ખૂબ જ અનુકૂળ છે. માતા સાથેના સંબંધો સુધરી રહ્યા છે.
