જ્યોતિષશાસ્ત્રની દ્રષ્ટિએ જુલાઈ મહિનો ખૂબ જ મહત્ત્વનો રહેશે, આ સમયે અનેક મહત્ત્વના ગ્રહો ગોચર કરી રહ્યા છે. મળતી માહિતી મુજબ શુક્રએ પોતાની સ્વ રાશિ વૃષભમાં ગોચર કર્યું છે અને એને કારણે કેન્દ્ર ત્રિકોણ અને માલવ્ય રાજયોગનું નિર્માણ થયું છે. જેની 12-12 રાશિના જાતકો શુભ-અશુભ અસર જોવા મળશે.
મુંબઈના એક જાણીતા જ્યોતિષાચાર્યના જણાવ્યા અનુસાર 29મી જૂનના શુક્રએ વૃષભ રાશિમાં ગોચર કર્યું છે અને 26મી જુલાઈ સુધી આ જ રાશિમાં બિરાજમાન રહેશે. આ દિવસોમાં કેટલીક રાશિના જાતકોના જીવનમાં અનેક સકારાત્મક પરિણામ જોવા મળી શકે છે.
એક સાથે કેન્દ્ર ત્રિકોણ અને માલવ્ય રાજયોગનું નિર્માણ થતાં કેટલીક રાશિના જાતકોને પારાવાર લાભ થઈ રહ્યો છે. આ રાશિના જાતકોને ભાગ્યનો સાથ મળવાની સાથે સાથે તેમના ધન-વૈભવમાં વધારો જોવા મળશે, અને તેમના માન-સન્માનમાં વૃદ્ધિ જોવા મળશે. આવો જોઈએ કઈ છે ભાગ્યશાળી રાશિઓ-
મેષઃ
મેષ રાશિના જાતકોને આ બંને યોગથી પારાવાર લાભ થશે. આ રાશિના જાતકોને સકારાત્મક પરિણામ મળશે. જીવનમાં ખુશીઓનું આગમન થશે. કોઈ જગ્યાએ પૈસા અટવાયા હશે તો એ પણ પાછા મળી રહ્યા છે. ઓફિસના કામ અને પરિવારની જવાબદારીઓ વચ્ચે સંતુલન જાળવી રાખશે. જુલાઈ મહિનામાં જીવનસાથી સાથે સારો સમય પસાર કરશો.
મકરઃ
મકર રાશિના જાતકો માટે રાજયોગ શુભ સાબિત થશે. રોકાણથી ભરપૂર લાભ થઈ રહ્યો છે. નોકરી કરી રહેલાં લોકોના પદ અને પગારમાં વધારો જોવા મળશે. માતાનું સ્વાસ્થ્ય સારું રહેશે. બિઝનેસમાં કોઈ પણ નિર્ણય લેતા પહેલાં ખૂબ જ સાચવીને લો. ઘરમાં હસી-ખુશીનો માહોલ જોવા મળશે. જીવનસાથી સાથેના સંબંધોમાં સુધારો જોવા મળશે.
મીનઃ
મીન રાશિના જાતકોને આ બે રાજયોગથી લાભ થઈ રહ્યો છે. બિઝનેસ કરી રહેલાં લોકો માટે આ સમય ખૂબ જ ખાસ રહેશે. કોઈ મોટી ડીલ ફાઈનલ થઈ શકે છે. વૈવાહિક જીવનમાં સંતુલન જાળવીને આગળ વધવું પડશે. મહિનાની શરૂઆતમાં જ તમને પરિવારના સભ્યો પાસેથી સારા સમાચાર સાંભળવા મળશે. વડીલોની સલાહથી અટકી પડેલાં કામ પૂરા થશે.
