હળદર બનાવશે ગુરુવારને મંગળમય, આ નાના પણ સકારાત્મક ઉપાય ખોલશે સુખ, સમૃદ્ધીના માર્ગો
ગુરુવારનો દિવસ આવે એટલે દરેક ઘરમાં ભક્તિનો માહોલ બની જાય છે, કારણ કે આ દિવસ ભગવાન વિષ્ણુ અને ગુરુદેવની આરાધનાનો ખાસ દિવસ ગણાય છે. આ દિવસે હળદરના નાના-નાના ઉપાયો ઘરમાં ખુશીઓ લાવે છે, નકારાત્મક ઉર્જા દૂર કરે છે અને ધન, આરોગ્ય તેમજ સંબંધોને મજબૂત બનાવે છે. આ ઉપાયો એટલા સરળ છે કે કોઈપણ તેને સહેલાઈથી કરી શકે, અને તેની અસર ઝડપથી જોવા મળે છે.
હળદરના ઉપાયોનો શુભ પ્રભાવ, ગુરુવારની ખાસિયત
શાસ્ત્રોમાં ગુરુવારે હળદરનો ઉપયોગ કરવો ખૂબ જ શુભ માનવામાં આવે છે. આ દિવસે હળદરના નાનકડા ઉપાયો ઘરમાં સકારાત્મક ઉર્જા લાવે છે અને ધન-સંપત્તિ, આરોગ્ય તેમજ સંબંધોમાં સુધારો કરે છે. સાચા સમયે અને સાચી રીતે કરેલા હળદરના ઉપાયો ગુરુવારને શુભ ફળદાઈ બનાવે છે. જેનાથી જીવનમાં સુખ-શાંતિનો વાસ થાય છે.
હળદરનું તિલક અને ગોળનું દાન
ગુરુવારે સવારે હળદરથી કપાળે તિલક કરવાથી ઘરમાં સારી ઉર્જા આવે છે અને મનને શાંતિ મળે છે. ખાસ કરીને ધંધો કરનારા કે નોકરી કરનારા લોકો માટે આ ઉપાય ફાયદાકારક છે. આ ઉપરાંત, હળદર અને ગોળનું દાન કરવું કે તેનું સેવન કરવુ પણ ઘરમાં સુખ-શાંતિ લાવે છે. નવો ધંધો શરૂ કરતી વખતે આ દાન ખૂબ શુભ ગણાય છે.
ઘરના દરવાજે હળદર, પૂજામાં ઉપયોગ
ગુરુવારે સવારે ઘરના મુખ્ય દરવાજે હળદરના દાણા રાખવાથી ખરાબ ઉર્જા દૂર થાય છે અને સારી ઉર્જા ઘરમાં આવે છે. આ સાથે, પૂજા કરતી વખતે હળદરના પાંદડા કે દીવામાં હળદર નાખીને પૂજન કરવાથી ઘરમાં ખુશીઓ રહે છે અને આવકના નવા રસ્તા ખુલે છે. આ ઉપાયો નાના હોવા છતાં ખૂબ અસરકારક છે.
પીળા કપડા અને દાનનું મહત્વ
ગુરુવારે પીળા રંગના કપડા પહેરવાથી આ દિવસની સકારાત્મક શક્તિમાં વધારો થાય છે. આ ઉપરાંત, જરૂરિયાતમંદ લોકોને હળદરનુ દાન કરવુ પણ શુભ માનવામાં આવે છે, જેનાથી ઘરમાં ધન અને શાંતિ વધે છે. આ દાન સાચા દિલથી કરવું જોઈએ, જેથી તેનો પૂરો લાભ મળે.
