બન્યો દુર્લભ રાજયોગ, આ રાશિના જાતકોને થશે લાભ જ લાભ… જોઈ લો તમારી રાશિ પણ છે ને?
વૈદિક જ્યોતિષમાં નવ ગ્રહ સિવાય કેટલાક બીજા ગ્રહો પણ છે, પરંતુ આ ગ્રહોને સૂર્ય મંડળનો હિસ્સો નથી ગણવામાં આવતા, પરંતુ ગ્રહોનું પણ જ્યોતિષશાસ્ત્રમાં ખાસ મહત્ત્વ જણાવવામાં આવ્યું છે. આવો જ એક ગ્રહ છે નેપ્ચ્યુન કે જેને વરુણ તરીકે પણ ઓળખવામાં આવે છે. વરુણ એક રાશિમાં 13 વર્ષ સુધી રહે છે અને આવી સ્થિતિમાં તેને એક રાશિ ચક્ર પૂરું કરવા માટે 164 વર્ષનો સમય લાગે છે. 19મી ફેબ્રુઆરી, 2023ના વરુણે મીન રાશિમાં પ્રવેશ કર્યો હતો અને દૈત્યોના ગુરુ શુક્ર પણ હાલમાં મીન રાસિમાં બિરાજમાન છે. આવી સ્થિતિમાં મીન રાશિમાં વરુણ અને શુક્રની યુતિ થઈ રહી છે, જેને કારણે માયા રાજયોગનું નિર્માણ થઈ રહ્યું છે. આ રાજયોને કારણે 12-12 રાશિના જાતકો પર તેની અસર જોવા મળશે, પણ કેટલીક એવી રાશિઓ છે કે જેમને આ રાજયોગથી વિશેષ લાભ થઈ રહ્યો છે. આવો જોઈએ કઈ છે આ ભાગ્યશાળી રાશિઓ-
કન્યાઃ
કન્યા રાશિના જાતકો માટે માયા રાજયયોગ અનુકૂળ સાબિત થશે. આ રાશિના જાતકોની છબિ સુધરશે. તમે લોકો સાથે ખુલીને વાત કરશો. આ સમયગાળામાં તમારી આર્થિક સ્થિતિ સારી રહેશે. કુંવારા લોકો માટે સારા માંગા આવી શકે છે. આર્થિક બાબતોમાં આ સમયગાળામાં કેટલાક મહત્વના નિર્ણયો લેશો. પિતાની સલાહથી સફળતા હાંસિલ કરશે. પાર્ટનરશિપમાં કરેલાં બિઝનેસમાં લાભ થશે.
તુલાઃ
તુલા રાશિના જાતકો માટે માયા રાજયોગ લાભદાયી સાબિત થશે. આ રાશિના જાતકોને ખુબ લાભ મળી શકે છે. ધન કમાવાના યોગ બની રહ્યા છે. સહકર્મીઓ સાથે સારા સંબંધ રહેશે. જેનાથી તમને ખુબ લાભ થઈ શકે છે. સ્પર્ધાત્મક પરીક્ષાની તૈયારી કરી રહેલા લોકોને ખુબ સફળતા મળી શકે છે. કામના સ્થળે બિલકુલ આળસ ના કરો, તેનાથી નુકસાન થઈ શકે છે.
મિથુનઃ
મિથુન રાશિના જાતકો માટે શુક્ર અને વરુણની યુતિ ખુબ શુભ પરિણામો લઈને આવશે. આ રાશિના જાતકોને કાર્યક્ષેત્રે સારો એવો લાભ થશે. તમારી રચનાત્મકતામાં વૃદ્ધિ થશે. બોસ અને વરિષ્ઠ અધિકારીઓ તમારા કામને બિરદાવશે. તમારા સહકર્મીઓ સાથે સંબંધ સારા રહેશે. આધ્યાત્મ પ્રત્યે ઝૂકાવ વધશે. કામના મામલે વિદેશ પ્રવાસ કરી શકો છો. એક્સપોર્ટ-ઈમ્પોર્ટના વેપારમાં ખુબ લાભ થઈ શકે છે. આ માયા રાજયોગને કારણે આ રાશિના જાતકોને એકંદરે લાભ જ લાભ થશે.
