USAID ને લઈ વિદેશ પ્રધાન એસ જયશંકરે શું આપ્યું નિવેદન?

નવી દિલ્હીઃ અમેરિકા પાસેથી ભારતને મળેલા 2.1 કરોડ ડૉલરનો મુદ્દો ફરી ચર્ચામાં આવ્યો છે. સતત ત્રીજા દિવસે અમેરિકાના પ્રમુખ ડોનાલ્ડ ટ્રમ્પે મતદાન ટકાવારી વધારવા માટે ભારતને મળેલા 2.1 કરોડ ડૉલરનો મુદ્દો ઉઠાવ્યો હતો. આ અંગે ભારતના વિદેશ પ્રધાન એસ જયશંકરનું મોટું નિવેદન સામે આવ્યું છે.

તેમણે કહ્યું, અમેરિકા ફંડિંગ પર ટ્રમ્પ સરકાર તરફથી મળેલી જાણકારી ચિંતાજનક છે અને સરકાર તેની તપાસ કરી રહી છે. યુએસએઇડને ભારતમાં સદ્ભાવનાપૂર્ણ ગતિવિધિ કરવાની મંજૂરી આપવામાં આવી હતી. નિશ્ચિત રીતે આ વિચારવાનો સમય છે. તેમણે દિલ્હી યુનિવર્સિટીના સાહિત્ય મહોત્સવમાં આ નિવેદન આપ્યું હતું.

જયશંકરે કહ્યું, મને લાગે છે કે ટ્રમ્પ પ્રશાસન દ્વારા આપવામાં આવેલી શેર કરેલી માહિતી નિશ્ચિત રીતે ચિંતાજનક છે. કેટલીક ગતિવિધિ એક ચોક્કસ ઉદ્દેશ સાથે કરવામાં આવી રહી છે. USAIDને ભારતમાં ઈમાનદારીથી કામ કરવાની આશા સાથે મંજૂરી આપવામાં આવી હતી. પરંતુ હવે જે વિગત સામે આવી રહી છે તેના પર ગંભીરતાથી વિચાર કરવાની જરૂર છે. જો તેમાં સત્ય હોય તો કયા લોકો આ ગતિવિધિમાં સામેલ છે તે જાણવાનો દેશવાસીઓને અધિકાર છે.

દિલ્હી યુનિવર્સિટી લિટરેચર ફેસ્ટિવલમાં જયશંકરે હનુમાનના લંકા અભિયાનની વાર્તા સંભળાવી હતી, જ્યાં તેમને ભગવાન રામ દ્વારા ગુપ્ત માહિતી એકત્ર કરવા અને સીતાને મળવા માટે મોકલવામાં આવ્યા હતા. તેમણે ભારપૂર્વક જણાવ્યું હતું કે રાવણના દરબારની ગતિશીલતાને સમજવામાં હનુમાનનો વ્યૂહાત્મક અભિગમ આજની મુત્સદ્દીગીરીનો સાર પ્રતિબિંબિત કરે છે. તે સહયોગીઓ વધારવા, વિવિધ જૂથોનું સંચાલન કરવા અને સામાન્ય લક્ષ્યો તરફ કામ કરવા વિશે છે.

આ પણ વાંચો…પાકિસ્તાને 22 ભારતીય માછીમારોને મુક્ત કર્યા, વાઘા બોર્ડરથી વતન પરત ફર્યા

હનુમાનજીને ભગવાન શ્રીરામ દ્વારા દુશ્મનના પ્રદેશમાં મોકલવામાં આવ્યા હતા. ત્યાં જાઓ અને ત્યાંની જમીનની સ્થિતિ જાણો. આ અભિયાનનો સૌથી મુશ્કેલ ભાગ ત્યાં જવું અને સીતાને મળવું અને તેમનું મનોબળ જાળવવું હતું. પરંતુ તે આત્મસમર્પણ કરે છે અને રાવણના દરબારમાં પહોંચે છે અને ત્યાંની પરિસ્થિતિને સમજે છે. જ્યારે તમે વિદેશ નીતિની કૂટનીતિ વિશે વાત કરો છો, ત્યારે તે શું છે? આ એક પ્રકારના સામાન્ય જ્ઞાનની વાત છે.

જયશંકરે કહ્યું, આજે આપણે દેશ માટે શું કરી રહ્યા છીએ. આપણે મિત્ર દેશો વધારવાની કોશિશ કરી રહ્યા છીએ. અલગ અલગ દેશોને સાથે લાવવાની કોશિશ કરી રહ્યા છીએ. આ પ્રકારનું ગઠબંધન થવું ખૂબ મહત્ત્વપૂર્ણ છે.