નવી દિલ્હી: પશ્ચિમ બંગાળમાં શિક્ષકોની ભરતી કૌભાંડ મામલે મંગળવારે સુપ્રીમ કોર્ટમાં સુનાવણી હાથ ધરવામાં આવી હતી. સુનાવણી દરમિયાન સુપ્રીમ કોર્ટે ફરી પશ્ચિમ બંગાળની મમતા સરકારને આકરી ઝાટકણી કાઢી છે. સુપ્રીમ કોર્ટે કહ્યું કે આ એક આયોજનબદ્ધ છેતરપિંડીનો મામલો છે.
સુપ્રીમ કોર્ટે કહ્યું કે આ કેસને કારણે લોકોનો સરકારી નોકરીઓમાં થતી નિમણૂકમાંથી વિશ્વાસ ઉઠી જશે. ઉલ્લેખનિય છે કે સુપ્રીમ કોર્ટ પશ્ચિમ બંગાળ સરકાર દ્વારા દાખલ કરવામાં આવેલી અરજી પર સુનાવણી કરી રહી છે, જેમાં 24,000 શિક્ષકોની નિમણૂક રદ કરવાના હાઈ કોર્ટના નિર્ણયને પડકારવામાં આવ્યો છે.
CJI DY ચંદ્રચુડની બેન્ચે ભરતી પ્રક્રિયાને વ્યવસ્થિત છેતરપિંડી ગણાવી હતી અને કહ્યું હતું કે 25,753 શિક્ષકો અને નોન-ટીચિંગ સ્ટાફની નિમણૂક સંબંધિત ડિજિટલ રેકોર્ડ જાળવવાની સત્તાધિકારીઓની ફરજ છે. કોર્ટે વધુમાં કહ્યું કે જાહેર નોકરીઓ ઘણી ઓછી છે, જો લોકોનો વિશ્વાસ ઉઠી જશે તો કંઈ બચશે નહીં. આ એક આયોજનબદ્ધ છેતરપિંડી છે.
CJI એ રાજ્ય સરકારના વકીલોને પૂછ્યું. આજે, જાહેર નોકરીઓ ખૂબ ઓછી છે અને તેને સામાજિક ગતિશીલતા માટે જોવામાં આવે છે. જો તેમની નિમણૂંકો પણ બદનામ કરવામાં આવશે તો સિસ્ટમમાં શું બાકી રહેશે? લોકોનો વિશ્વાસ ઉઠી જશે, તમે આ કેવી રીતે સહન કરશો?”
આજે, સરકારી નોકરીઓ ખૂબ ઓછી છે અને તેને પણ સંવેદનશીવલ સામાજિક ગતિશીલતા માટે જોવામાં આવે છે, CJI એ રાજ્ય સરકારના વકીલોને પૂછ્યું. જો તેમની નિમણૂંકો પણ બદનામ થશે તો સિસ્ટમમાં શું બાકી રહેશે? લોકોનો વિશ્વાસ ઉઠી જશે, તમે આ કેવી રીતે સહન કરશો?”
CJIએ કહ્યું કે કેસ ગમે તેટલો સંવેદનશીલ કે રાજકીય રીતે જટિલ કેમ ન હોય, અમે વકીલ જ છીએ. હાઈ કોર્ટના ન્યાયાધીશો પર આરોપ લગાવવાથી કોઈ ફાયદો થશે નહીં. સુપ્રીમ કોર્ટ ટૂંક સમયમાં વચગાળાનો આદેશ જારી કરશે.
