મથુરા : દેશના મોટાભાગના રાજ્યોમાં વરસાદથી હાલ બેહાલ છે. જેમાં ઉત્તર પ્રદેશના મથુરા અને વૃંદાવનમાં પૂરથી લોકો પરેશાન છે.જેમાં લક્ષ્મીનગર વિસ્તારમાં એક માળ સુધી પાણી ભરાયું છે. તેમજ યમુના નદીમાં પૂરના લીધે અનેક ઘાટો પણ ડૂબી ગયા છે.
તેમજ નદીકિનારે વસતા લોકો અસર ગ્રસ્ત થયા છે. જેમાં 45 ગામ ટાપુ બની ગયા છે. તેમજ વહીવટીતંત્રએ રાહત અને બચાવ કામગીરી હાથ ધરી છે. તેમજ હજારો લોકોનું રેસ્ક્યુ કરીને રાહત શિબિરોમાં મોકલવામાં આવ્યા છે.
મથુરા- વૃંદાવનમાં અનેક કોલોનીઓમાં પાણી ભરાયા
છેલ્લા એક અઠવાડિયાથી આવેલા પૂરના લીધે જનજીવને વ્યાપક અસર થઈ છે. જયારે રવિવારે યમુના નદીનું જળસ્તર
167.55 મીટર નોંધાયું હતું. જે ભયજનક સપાટીથી માત્ર 166 મીટર વધારે છે.
તેમજ સતત વધી રહેલી પાણીના જળસ્તરના લીધે મથુરા- વૃંદાવનમાં અનેક કોલોનીઓમાં પાણી ભરાયા છે.
પૂરગ્રસ્ત 45 ગામોમાં રાહત સામગ્રી પહોંચાડવામાં આવી
એડીએમ ડો. પંકજ કુમાર વર્માએ જણાવ્યું હતું કે પૂરગ્રસ્ત 45 ગામોમાં રાહત સામગ્રી સતત પહોંચાડવામાં આવી રહી છે. આ સાથે લોકોને રાહત શિબિરોમાં પણ મોકલવામાં આવી રહ્યા છે.
રવિવારે, ડઝનબંધ ગામો અને વસાહતોના નવ હજારથી વધુ લોકોને રાહત શિબિરોમાં આશ્રય આપવામાં આવ્યો છે.
હાથીની કુંડમાંથી 44016 ક્યુસેક પાણી છોડવામાં આવ્યું
યમુના નદીમાં પૂરને કારણે મથુરા જિલ્લાના લગભગ 45 ગામો ટાપુ બની ગયા છે. તેમાં નૌહઝીલ, સોનખ વિસ્તાર, મંત, શેરગઢ અને અન્ય વિસ્તારોનો સમાવેશ થાય છે. નૌહઝીલ વિસ્તાર સૌથી વધુ પૂરથી પ્રભાવિત છે.
સિંચાઈ વિભાગે જણાવ્યું હતું કે રવિવારે સાંજે હાથીની કુંડમાંથી 44016 ક્યુસેક અને ઓખલામાંથી 1.6 લાખ ક્યુસેક પાણી છોડવામાં આવ્યું હતું, જ્યારે ગોકુલ બેરેજમાંથી 1.56 લાખ ક્યુસેક પાણી છોડવામાં આવી રહ્યું છે.સોમવાર પછી યમુનાનું પાણીનું સ્તર ઘટે તેવી શક્યતા છે.
આ પણ વાંચો…અમેરિકામાં સોલિસિટર જનરલ બનેલા ભારતીય મૂળનાં મથુરા શ્રીધરન કોણ છે, કેમ થાય છે ટ્રોલ?
