કાવેરી ડેલ્ટા જિલ્લાઓમાં 57,000 હેક્ટર ખેતીની જમીનને નુકસાન
ચેન્નઈઃ શ્રીલંકામાં ચક્રવાતે વિનાશ વેર્યો છે, ત્યારે તેની અસર ભારત પણ પણ પડી છે. ચક્રવાત દિત્વાના કારણે આજે તમિલનાડુના અનેક ભાગોમાં ભારે વરસાદ વરસ્યો હતો. જ્યારે વરસાદ સાથે સંબંધિત અલગ અલગ ઘટનાઓમાં ત્રણ લોકોના મોત થયા હતા, એમ રાજ્ય સરકારે જણાવ્યું હતું. હવામાન વિભાગે જણાવ્યું હતું કે ચક્રવાત આગામી 24 કલાકમાં રાજ્યના ઉત્તરીય ભાગો અને પડોશી પુડુચેરીના દરિયાકાંઠા તરફ આગળ વધવાની ધારણા છે. રાજ્યના કાવેરી ડેલ્ટા જિલ્લાઓમાં ભારે વરસાદને કારણે રામનાથપુરમ અને નાગપટ્ટીનમ જિલ્લાઓને સૌથી વધુ નુકસાન થયું છે.
રામેશ્વરમ અને નાગપટ્ટીનમના દરિયાકાંઠાના નગરોમાં ભારે વરસાદને કારણે ઘણા નીચાણવાળા વિસ્તારોમાં પાણી ભરાઈ ગયા હોવાથી સામાન્ય જનજીવન પ્રભાવિત રહ્યું છે. પ્રાદેશિક હવામાન વિભાગના તાજેતરના બુલેટિન મુજબ ચક્રવાત લગભગ 7 કિમી પ્રતિ કલાકની ઝડપે ઉત્તર તરફ આગળ વધ્યું છે અને તે કુડ્ડાલોરથી લગભગ 100 કિમી પૂર્વ-દક્ષિણપૂર્વમાં, કરાઈકલથી 100 કિમી ઉત્તરપૂર્વમાં, પુડુચેરીથી 110 કિમી દક્ષિણપૂર્વમાં, વેદારણિયમથી 140 કિમી ઉત્તરપૂર્વમાં, પુડુચેરીથી 160 કિમી દક્ષિણપૂર્વમાં અને ચેન્નાઈથી 180 કિમી દક્ષિણ-દક્ષિણપૂર્વમાં સ્થિત છે.
આ પણ વાંચો : શ્રીલંકામાં ચક્રવાત ‘દિત્વા’એ વેર્યો વિનાશઃ એનડીઆરએફની ટીમ બની ‘રક્ષક’, જયશંકરે શેર કર્યો વીડિયો
હવામાન વિભાગે જણાવ્યું હતું કે ઉત્તર તમિલનાડુ-પુડુચેરી દરિયાકાંઠાથી ચક્રવાત લગભગ 70 કિમી દૂર છે. આગામી 24 કલાક દરમિયાન ઉત્તર તમિલનાડુ-પુડુચેરી દરિયાકાંઠાની ઉત્તર તરફ આગળ વધવાની સંભાવના છે. ઉત્તર તરફ આગળ વધતી વખતે ચક્રવાત તોફાન 30 નવેમ્બર સુધીમાં દક્ષિણપશ્ચિમ બંગાળની ખાડી પર 60 કિમી અને તમિલ-નાડુ-પુડુચેરી દરિયાકાંઠાથી 30 કિમીના અંતરે કેન્દ્રિત થશે.
ચક્રવાતની અસરને કારણે આગામી 24 કલાકમાં કુડ્ડાલોર, નાગપટ્ટીનમ, મયિલાદુથુરાઈ, વિલ્લુપુરમ, ચેંગલપટ્ટુ, પુડુક્કોટાઈ, તંજાવુર, તિરુવરુર, અરિયાલુર, પેરામ્બલુર, તિરુચિરાપલ્લી, ચેન્નઈ, કાંચીપુરમ, તિરુવલ્લુર અને રાનીપેટ જિલ્લાઓ અને પુડુચેરી અને કરાઈકલમાં કેટલીક જગ્યાએ ભારેથી અતિ ભારે વરસાદ અને અતિ ભારે વરસાદ થવાની સંભાવના છે.ઉત્તર તમિલનાડુ અને પુડુચેરીમાં 60-70 કિમી પ્રતિ કલાકની ઝડપે 80 કિમી પ્રતિ કલાકની ઝડપે પવન ફૂંકાશે. માછીમારોને દરિયામાં ન જવાની સલાહ આપવામાં આવી છે.
આ પણ વાંચો : ચક્રવાત દિત્વાથી દક્ષિણ ભારતના રાજ્યોમાં ફ્લાઈટ સેવાને અસર, એર ઇન્ડિયાએ એડવાઈઝરી જાહેર કરી
રાજ્યના મહેસૂલ અને ડિઝાસ્ટર મેનેજમેન્ટ મંત્રી કે કે એસ એસ આર રામચંદ્રને જણાવ્યું હતું કે શનિવારે સાંજે રાજ્ય સરકારે રાહત અને પુનર્વસન કાર્યમાં એસડીઆરએફ અને એનડીઆરએફ સહિત 38 ડિઝાસ્ટર રિસ્પોન્સ ટીમો સાથે અન્ય રાજ્યોની 10 વધુ ટીમો જોડાઈ હતી. ચક્રવાત દિતવાહને કારણે વરસાદ સંબંધિત ઘટનાઓમાં ત્રણ લોકોએ જીવ ગુમાવ્યા છે. તેમણે ઉમેર્યું હતું કે ડેલ્ટા જિલ્લાઓમાં 149 જેટલા પશુ મૃત્યુ પામ્યા છે અને 57,000 હેક્ટર ખેતીની જમીનને અસર થઈ છે.
રાજ્ય ઇમરજન્સી ઓપરેશન્સ સેન્ટર ખાતે પત્રકારોને માહિતી તેમણે આપતા જણાવ્યું હતું કે ગઈકાલ સાંજથી વરસાદ સંબંધિત ઘટનાઓમાં ત્રણ લોકોએ જીવ ગુમાવ્યા છે. તુતીકોરીન અને તંજાવુરમાં દીવાલ ધરાશાયી થવાથી અનુક્રમે બે લોકોના મોત થયા છે, જ્યારે મયિલાદુથુરાઈમાં 20 વર્ષીય યુવાનનું વીજળી પડવાથી મૃત્યુ થયું છે.
