ઈન્દોર: સોનમ રઘુવંશી કેસને લઈને સમગ્ર દેશમાં ચકચાર મચી ગઈ છે. પોતાના પતિ રાજા સાથે હનિમૂન પર ગયેલી સોનમે પ્રેમી રાજ સાથે મળીને કાવતરૂં રચ્યું હતું. કાવતરાના ભાગરૂપે સોનમે પતિ રાજાની હત્યા કરી હતી. આ કેસને લઈને તપાસ ચાલી રહી છે. ત્યારે સોનમના ભાઈ ગોવિંદે પોતાની બહેનને લઈને કેટલાક ચોકાવનારા ખુલાસા કર્યા છે.
સોનમને દીદી કહેતો હતો રાજ: ગોવિંદ રઘુવંશી
રાજા રઘુવંશીના પરિવારજનોએ સોનમના ભાઈ ગોવિંદ આરોપ લગાવ્યો હતો કે પર તેને પોતાની બહેનના અફેર વિશે જાણ હતી. જોકે ગોવિંદે આ આરોપોને ફગાવી દીધા છે. પરંતુ તેણે કબુલ્યું છે કે, તે પોતાની બહેનની ગતિવિઘિઓ પર દેખરેખ રાખતો હતો.
બહેન સોનમના રાજ સાથેના સંબંધ અંગે ગોવિંદે જણાવ્યું કે, “મને જ્યારે સોનમ પર શંકા થઈ ત્યારે મેં તેનો ફોન તપાસ્યો હતો અને રાજ સાથેના તેના કોલ રેકોર્ડિંગ્સ સાંભળ્યા હતા. એકવાર મેં તેની ઓફિસના સીસીટીવી કેમેરા પણ તપાસ્યા હતા. જ્યારે પણ મેં તેઓની વાત સાંભળી ત્યારે રાજ સોનમને દીદી કહીને બોલાવતો હતો.” ગોવિંદે આગળ જણાવ્યું કે, “સોનમ પોતાની કારમાં જ ઘરની બહાર જતી હતી. તે બહાર ફરવા પણ બહું ઓછું જતી હતી. તેથી કોઈને પણ તેના રાજ સાથેના સંબંધ વિશે જાણ થઈ નહી.”
ઉલ્લેખનીય છે કે, સોનમે પોલીસને જણાવ્યાનુસાર ભાનમાં આવ્યા બાદ તેણે ભાઈ ગોવિંદને ફોન કર્યો હતો. આ વાત પાછળનું સત્ય શું છે? એ જાણવા માટે શિલોંગ પોલીસે ગોવિંદને બોલાવ્યો છે. ગોવિંદ પોલીસ તપાસમાં સહકાર આપી રહ્યો છે અને તે પોલીસને બ્યાન આપવા માટે શિલોંગ જવાનો છે.
આ પણ વાંચો…સોનમ રઘુવંશી કેસમાં નવો ખુલાસોઃ રાજ સાથેના પ્રેમની ખબર હતી ઘરના આ સભ્યને
