કોંગ્રેસના સિનિયર નેતાઓ ચૂંટણી પંચને મળ્યા, PM મોદી વિરુદ્ધ કરી ફરિયાદ
કોંગ્રેસના નેતા જયરામ રમેશે અન્ય અગ્રણી નેતાઓ સાથે ચૂંટણી પંચની મુલાકાત કરી છે. આ મુલાકાત અંગે તેમણે પોતાના એક્સ હેન્ડલ પર પણ માહિતી આપી છે. જયરામે કહ્યું, ‘મારા સાથીદારો સલમાન ખુર્શીદ, મુકુલ વાસનિક, પવન ખેરા અને ગુરદીપ સપ્પલ સાથે હમણાં જ ચૂંટણી પંચને મળ્યો અને 6 ફરિયાદો રજૂ કરી અને ચર્ચા કરી, જેમાંથી 2 ખુદ વડાપ્રધાન વિરુદ્ધ છે.’
તેમણે કહ્યું. “ચૂંટણી પંચ માટે તમામ પક્ષો માટે સમાન અવસરની તક સુનિશ્ચિત કરીને તેની સ્વતંત્રતા દર્શાવવાનો સમય આવી ગયો છે,” અમને આશા છે કે માનનીય પંચ તેના બંધારણીય હક જાળવી રાખશે. અમારા તરફથી, અમે આ શાસનનો પર્દાફાશ કરવા માટે તમામ રાજકીય અને કાયદાકીય રસ્તાઓ અપનાવવાનું ચાલુ રાખીશું.
સિનિયર વકીલ અને કોંગ્રેસના નેતા સલમાન ખુર્શીદે કહ્યું, ‘વડાપ્રધાન તેમના ભાષણમાં જે કહે છે તેનાથી અમે ખૂબ જ દુ:ખી છીએ. તેમણે અમારા મેનિફેસ્ટો વિશે કહ્યું કે તે જૂઠાણાંનું પોટલું છે, અમે આનાથી ખૂબ જ દુઃખી છીએ. તમે કોઈ પક્ષ સાથે અસંમત થઈ શકો છો.
તમે તેના વિશે દલીલ કરી શકો છો, તમે તેનું વિચ્છેદન કરી શકો છો, પરંતુ રાષ્ટ્રીય સ્તરની પાર્ટી જે આપણી આઝાદીની ચળવળમાં સામેલ રહીં છે તેના માટે આવું બોલવું કે તેનો મેનિફેસ્ટો જૂઠાણાંનું પોટલું તેનાથી અમને દુઃખ થયું છે.
આપણ વાંચો: ભરૂચ બેઠક પરથી ટિકિટ ન મળતા હતાશ મુમતાઝ પટેલને કોંગ્રેસે આપી આ મોટી જવાબદારી
ખુર્શીદે કહ્યું, ‘અમે સમજીએ છીએ કે વડાપ્રધાનને આવી વાત કરવાનો કોઈ અધિકાર નથી, આ મામલો ચૂંટણી પંચ સમક્ષ છે. મેં તેમને ખાસ વિનંતી કરી છે કે તેઓ આ બાબતને ગંભીરતાથી લે અને તેના પર પગલાં લે.
કોંગ્રેસના નેતા પવન ખેડાએ કહ્યું, ‘અમે ઘણા મુદ્દા ઉઠાવ્યા હતા, વડાપ્રધાને અમારા ઢંઢેરામાં મુસ્લિમ લીગને જે રીતે દરજ્જો આપ્યો તેની સામે અમે સખત વાંધો ઉઠાવ્યો હતો.
અમે યુનિવર્સિટીઓમાં વડાપ્રધાનના હોર્ડિંગ્સ પર પણ અમારા વિચારો વ્યક્ત કર્યા હતા.ચૂંટણી જાહેર થઈ ગઈ છે. મંત્રાલય હાલમાં રખેવાળ સરકાર છે અને તેમને અભિવ્યક્તિની સ્વતંત્રતા પર આવા નિયંત્રણો લાદવાનો અધિકાર નથી.
