RLDએ લોકસભા ચૂંટણી માટે ઉમેદવારો જાહેર કર્યા, બિજનૌર અને બાગપત બેઠકો પર ઉમેદવારો ઉતાર્યા

દેશમાં લોકસભાની ચૂંટણીની ઘડીઓ ગણાઈ રહી છે ત્યારે તમામ રાજકીય પક્ષો પોતપોતાના ઉમેદવારોની યાદી જાહેર કરી રહ્યા છે. આ કડીમાં જયંત ચૌધરીની પાર્ટી રાષ્ટ્રીય લોકદળે પણ પોતાના ઉમેદવારોના નામ જાહેર કર્યા છે. તાજેતરમાં જ ભાજપ સાથે ગઠબંધનમાં જોડાયેલી આરએલડીને ઉત્તર પ્રદેશમાં લોકસભાની બે બેઠકો મળી છે. આ બેઠકો બાગપત અને બિજનૌર છે. પાર્ટીએ આ બંને બેઠકો માટે ઉમેદવારોની જાહેરાત કરી દીધી છે.

RLDએ કોને બનાવ્યા ઉમેદવાર?

સોમવારે જાહેર કરાયેલા ઉમેદવારોના લિસ્ટમાં રાષ્ટ્રીય લોકદળે બાગપતથી રાજકુમાર સાંગવાન અને બિજનૌરથી ચંદન ચૌહાણને ટિકિટ આપી છે. આ ઉપરાંત પાર્ટીએ વિધાન પરિષદની એક બેઠક માટે પોતાના ઉમેદવારના નામની પણ જાહેરાત કરી છે. ભાજપે ગઠબંધનમાં આરએલડીને એક વિધાન પરિષદની બેઠક પણ આપી છે. તેના પર RLDએ યોગેશ ચૌધરીને પોતાના ઉમેદવાર બનાવ્યા છે. પાર્ટી દ્વારા સોશિયલ મીડિયા પ્લેટફોર્મ X પર તેના સત્તાવાર હેન્ડલ પર આની જાહેરાત કરવામાં આવી છે.

જયંત ચૌધરી નહીં લડે ચૂંટણી

RLDના પ્રમુખ જયંત ચૌધરી પોતે બાગપત બેઠક પરથી ચૂંટણી લડશે એવું માનવામાં આવતું હતું. જો કે હવે તેમણે રાજકુમાર સાંગવાનને બાગપતથી ઉમેદવાર બનાવ્યા છે.