મુંબઈ : રિઝર્વ બેંક ઓફ ઇન્ડિયાએ બેંકના ગ્રાહકોના હિતમાં મોટો નિર્ણય લીધો છે. જેમાં હવે ચાંદીના દાગીના ગીરવે મૂકીને લોન મેળવી શકાશે.આ નિયમ એપ્રિલ 2026 થી અમલમાં આવશે. આનાથી લાખો ગ્રામીણ અને શહેરી ગ્રાહકોને ફાયદો થશે. જેઓ હવે તેમની નાણાકીય જરૂરિયાતો પૂરી કરવા માટે તેમની ચાંદીનો ઉપયોગ કરી શકશે.
ચાંદીની લોન પર પણ વ્યાજ વસુલ કરાશે
આ અંગે આરબીઆઈની નવી માર્ગદર્શિકા અનુસાર, ચાંદીના દાગીના પર લોન સાત વર્ષમાં ચૂકવી શકાય છે. વ્યાજ દર બેંકો દ્વારા નક્કી કરવામાં આવશે અને વર્તમાન બજાર પરિસ્થિતિઓ પર આધારિત હશે. આનો અર્થ એ છે કે જેવી રીતે સોનાની દાગીના પર લોનનું વ્યાજ લાગુ પડે છે. તેવી જ રીતે ચાંદીના દાગીનાની લોન પર પણ વ્યાજ લાગુ થશે. જો ગ્રાહક સમયસર લોન ચૂકવવામાં નિષ્ફળ જાય તો બેંક પછી ગીરવે મૂકેલા ચાંદીના દાગીનાની હરાજી કરી શકે છે.
મહત્તમ પ્રોસેસિંગ ફી રૂપિયા 5,000 લેવામાં આવશે
આરબીઆઈની નવી માર્ગદર્શિકા અનુસાર મુજબ આ લોન માટેની મહત્તમ પ્રોસેસિંગ ફી રૂપિયા 5,000 લેવામાં આવશે. આ નિયમ એપ્રિલ 2026 થી દેશભરમાં લાગુ થશે. આનાથી અનેક લોકોને નોંધપાત્ર ફાયદો થશે.
લોન સામાન્ય વર્ગના લોકો માટે જરૂરિયાત
ઉલ્લેખનીય છે કે, હાલમાં લોન સામાન્ય વર્ગના લોકો માટે જરૂરિયાત બની છે. જેમાં મોટાભાગના કામ માટે લોકો લોન પર આધાર રાખે છે. અત્યાર સુધી બેંકો ફક્ત સોના દાગીના ગીરવે રાખીને લોન આપતી હતી. જોકે, ભારતીય રિઝર્વ બેંકે ચાંદીના દાગીના ગીરવે રાખીને લોન આપવાનો નિયમ જાહેર કરતા લોકોને તેનો ફાયદો થશે.
આ પણ વાંચો…RBIએ 35 ટન સોનુ કેમ વેંચી દીધું? સોશિયલ મીડિયા પર પોસ્ટ કરીને રિઝર્વ બેંકે કરી સ્પષ્ટતા…
