રાહુલના ક્યા કામને પ્રણવ મુખરજીએ કોફીનની છેલ્લી ખિલી સમાન કહ્યું હતુંઃ શર્મિષ્ઠાના પુસ્તકમાં વધું એક ચોંકવાનારી વાત
નવી દિલ્હીઃ અંગ્રેજીમાં કહેવત છે લાસ્ટ કિલ ઈન ધ કોફિન, આ કહેવત ભૂતપૂર્વ રાષ્ટ્રપતિ અને વિવિધ ખાતાના કેન્દ્રીય પ્રધાન રહી ચૂકેલા પ્રણવ મુખરજીએ રાહુલ ગાંધીએ કરેલા એક કામ માટે ઉપયોગમાં લીધી હતી. પ્રણવ મુખર્જીની પુત્રી શર્મિષ્ઠા મુખર્જીએ તેના પિતા પર ‘પ્રણવ, માય ફાધરઃ અ ડોટર રિમેમ્બર્સ’ પુસ્તક લખ્યું છે.
આ પુસ્તક 11 ડિસેમ્બરે મુખર્જીની જન્મજયંતિ પર રિલીઝ થવાનું છે. આ પુસ્તકમાં ઘણા મોટા ખુલાસા કરવામાં આવ્યા હોવાનું જાણવા મળે છે અને પુસ્તકના એક એક કિસ્સા ધીમે ધીમે બહાર આવી રહ્યા છે. જેમાંનો એક કિસ્સો પ્રણવ મુખરજીના હિસાબ 2014માં કૉંગ્રેસની પડતીનું મુખ્ય કારણ બન્યો હતો. આ કિસ્સો એટલે રાહુલ ગાંધીએ પ્રેસ કૉન્ફરન્સમાં ડૉ. મનમોહન સિંહ સરકારે બહાર પાડેલો અધ્યાદેશ ફાડી નાખવો.
પુસ્તકમાં દાવો કરવામાં આવ્યો છે કે 2013માં રાહુલ ગાંધી દ્વારા વટહુકમની કોપી ફાડવાની ઘટનાથી પ્રણવ ચોંકી ગયા હતા. પ્રણવ મુખર્જીએ કહ્યું હતું કે, તેમને રાહુલને ગાંધી-નેહરુ પરિવાર સાથે જોડાયેલા હોવાનું અભિમાન છે. પુસ્તકમાં દાવો કરવામાં આવ્યો છે કે આ ઘટના 2014ની લોકસભા ચૂંટણીમાં કોંગ્રેસ માટે કોફિનમાં છેલ્લી ખીલી સાબિત થઈ હતી.
પૂર્વ કેબિનેટ મંત્રી અને કોંગ્રેસના નેતા અજય માકને 27 સપ્ટેમ્બર 2013ના રોજ પ્રેસ કોન્ફરન્સ બોલાવી હતી. રાહુલ ગાંધીએ આમાં ભાગ લીધો હતો અને પ્રસ્તાવિત સરકારી વટહુકમને સંપૂર્ણ બકવાસ ગણાવ્યો હતો અને કહ્યું હતું કે તેને રદ કરવો જોઈએ. આ પછી તેણે બધાને ચોંકાવી દીધા અને વટહુકમની કોપી ફાડી નાખી હતી. આ ઘટનાએ ભારે ખળભળાટ મચાવ્યો હતો.
વટહુકમનો હેતુ દોષિત સાંસદો અને ધારાસભ્યોને તાત્કાલિક ગેરલાયક ઠેરવવાની આવશ્યકતા ધરાવતા સર્વોચ્ચ અદાલતના આદેશને અટકાવવાનો હતો, અને તેના બદલે તેઓ ઉચ્ચ અદાલતોમાં પેન્ડિંગ અપીલ માટે સંસદ અથવા વિધાનસભાના સભ્યો રહી શકે તેવો પ્રસ્તાવ મૂક્યો હતો.
પ્રણવ મુખર્જી ભારતના નાણા પ્રધાન હતા અને બાદમાં તેઓ વિદેશ, સંરક્ષણ, નાણાં અને વાણિજ્ય પ્રધાન બન્યા હતા. તેઓ ભારતના 13મા રાષ્ટ્રપતિ (2012 થી 2017) હતા. પ્રણવ મુખર્જીનું 31 ઓગસ્ટ, 2020ના રોજ 84 વર્ષની વયે અવસાન થયું હતું. શર્મિષ્ઠા કહે છે કે તેઓ રાહુલના આ વર્તનથી આશ્ચર્યચકિત થઈ ગયા હતા.
ઘણા સમય પછી મેં મારા પિતાને આટલા ગુસ્સામાં જોયા! તેનો ચહેરો લાલ થઈ ગયો અને તેણે કહ્યું, તે (રાહુલ) પોતાને કોણ માને છે? તેઓ કેબિનેટના સભ્ય નથી. કેબિનેટના નિર્ણયોને જાહેરમાં નકારનાર તે કોણ છે?
પુસ્તક અનુસાર, પ્રણવે શર્મિષ્ઠાને કહ્યું, “વડાપ્રધાન વિદેશમાં છે. શું તેમને (રાહુલ) તેમના વર્તનના પરિણામો અને વડાપ્રધાન અને સરકાર પર તેની અસરનો પણ ખ્યાલ છે? તેમને વડાપ્રધાનનું આ રીતે અપમાન કરવાનો શું અધિકાર છે?” તેઓ ગાંધી-નેહરુ પરિવાર સાથે જોડાયેલા હોવાનું અભિમાન છે, તેમ પણ પ્રણવે કહ્યું હતું.
