નવી દિલ્હી : સંસદના મોનસુન સત્ર દરમિયાન આમ આદમી પાર્ટીના રાજ્ય સભા સાંસદ રાઘવ ચઢ્ઢાએ મોટી માંગણી કરી છે. રાઘવ ચઢ્ઢાએ સરકારને વિનંતી કરી છે કે ભારતના દરેક નાગરિકને ચેટજીપીટી, જેમિની, ક્લાઉડ અને અન્ય એઆઈ ટૂલ્સનું મફત સબ્સ્ક્રિપ્શન પૂરું પાડવામાં આવવું જોઈએ.
ઉત્પાદકતા વધારવા અને કિંમતી સમય બચાવવામાં મદદ
રાજ્ય સભા સાંસદ રાઘવ ચઢ્ઢાએ પોતાની વાત મુકતા જણાવ્યું હતું કે, સંયુક્ત આરબ અમીરાત, સિંગાપુર અને ચીન જેવા દેશોના આ નાગરિકોને ફ્રીમાં આપવામાં આવે છે. તેમણે કહ્યું કે, એઆઈ એ માત્ર તકનીક નથી. પરંતુ મોટા સપના જોવા અને તેને સાકાર કરવાનો એક અવસર પણ છે. એઆઈ આપણા ખેડૂતો, સ્ટુડન્ટ, વેપારીઓ અને સીનીયર સિટીઝન માટે ઉપયોગી છે. તે ભારતની ઉત્પાદકતા વધારવા અને કિંમતી સમય બચાવવામાં મદદ કરશે.
આ પણ વાંચો: પાર્ટીથી દૂરી રાખી રહેલા રાઘવ ચઢ્ઢા વિશે કેજરીવાલ શું બોલ્યા જાણો…..
સબ્સ્ક્રિપ્શન પ્લાન ચેટજીપીટી ગો લોન્ચ કર્યો
ઉલ્લેખનીય છે કે, આર્ટિફિશિયલ ઇન્ટેલિજન્સ પર કામ કરતી કંપની ઓપનએઆઈ એ ભારતમાં પોતાનો નવો સબ્સ્ક્રિપ્શન પ્લાન ચેટજીપીટી ગો લોન્ચ કર્યો છે. આ અત્યાર સુધીનો સૌથી સસ્તો પ્લાન છે, જેની કિંમત રૂપિયા 399 પ્રતિ માસ છે. કંપનીનું કહેવું છે કે આ ઓફર ખાસ કરીને ભારતીય યુઝર્સ માટે છે જેથી વધુ લોકો ઓછા ખર્ચે એઆઈનો લાભ લઈ શકે.આ પ્લાન હેઠળ, યુઝર્સને ફ્રી વર્ઝનની તુલનામાં 10 ગણા વધુ મેસેજ મોકલવાની અને 10 ગણા વધુ ફોટા જનરેટ કરવાની સુવિધા મળશે. આ ઉપરાંત તેનો રિસ્પોન્સ સમય ઓછો હશે.
