ભુવનેશ્વર : ઓડિશાના પુરીમાં આજથી શરૂ થયેલ રથયાત્રા ઉત્સવની શરૂઆત થઇ છે. જેમાં આજે રથ ખેંચવા દરમિયાન દુર્ઘટના ઘટી છે. જેમાં ભગવાન બલભદ્રના રથ તાલધ્વજ રથને ખેંચવા માટે ભીડ ઉમટી પડતાં 500 થી વધુ શ્રદ્ધાળુઓ ઘાયલ થયા હોવાના અહેવાલ છે. મીડિયા અહેવાલ મુજબ આઠ લોકોની હાલત ગંભીર હોવાનું જાણવા મળે છે. જ્યારે ઘાયલોને સારવાર માટે હોસ્પિટલમાં દાખલ કરવામાં આવ્યા છે.
જેમાં મળતી માહિતી મુજબ ભગવાન બલભદ્રના રથ તાલધ્વજ રથને ખેંચવા લોકોને દરમિયાન ઇજાઓ થઈ હતી .જ્યારે ભક્તો રથના દોરડા પકડવા દોડયા હતા. જેના કારણે ભાગદોડ જેવી પરિસ્થિતિ સર્જાઈ હતી.
પુરી રથયાત્રાનું મહત્વ
રથયાત્રા એ પુરીનો વાર્ષિક ઉત્સવ છે જે ભગવાન જગન્નાથજી તેમના ભાઈ-બહેન ભગવાન બલભદ્ર અને બહેન સુભદ્રા સાથે પુરી મંદિરથી ગુંડીચા સુધીની યાત્રા કરવામાં આવે છે. જે લગભગ 2.5 કિલોમીટર દૂર છે.
ગત વર્ષે પણ અકસ્માત સર્જાયો હતો
ઉલ્લેખનીય છે કે, ગત વર્ષેમાં રથયાત્રા ઉત્સવ દરમિયાન પણ એક અકસ્માત થયો. જેમાં ભગવાન બલભદ્રની મૂર્તિને રથમાંથી ગુડીંચા મંદિર લઈ જતી વખતે તે સેવકો પર પડી. આ અકસ્માતમાં જગન્નાથ મંદિરના નવ સેવકો ઘાયલ થયા હતા. ભગવાનને મૂર્તિ લઈ જઈ રહેલા લોકોએ અચાનક પોતાનું સંતુલન ગુમાવ્યું. જેના કારણે આ અકસ્માત થયો. એક ઘાયલ સેવાદારે જણાવ્યું કે મૂર્તિ સાથે બાંધેલા દોરડામાં કોઈ સમસ્યાને કારણે આ અકસ્માત થયો હતો.
