મોદી સરકારની ત્રીજી ટર્મમાં થઈ શકે છે આ મોટા પાંચ કામ, જાણો અહી
મોદી સરકારની ત્રીજી ટર્મમાં થઈ શકે છે આ મોટા પાંચ કામ, જાણો અહી
PM Narendra Modi Oath Taking Ceremony: આજે સમગ્ર વિશ્વની નજર ભારતની આ ઐતિહાસિક ઘટના પર છે જેમાં નરેન્દ્ર મોદી ત્રીજી વાર ભારતના વડાપ્રધાનના શપથ લેશે. શપથ પહેલા કેબિનેટ મંત્રીઓના નામોને લઈને ભારે ચર્ચાઓ જાગી છે સાથે સાથે એ પણ ચર્ચાઇ રહ્યું છે કે મોદી સરકારના આ ત્રીજા કાર્યકાળમાં શું થઈ શકે છે ? કારણકે PM મોદીને સતત એ કહેતા સાંભળતા આવ્યા છીએ કે આગામી કાર્યકાળ મોટા નિર્ણયોથી ભરેલો હશે, આ 10 વર્ષ તો માત્ર ટ્રેલર હતું. ચાલો આગળ ચર્ચા કરીએ MODI 3.0માં નવું શું થઈ શકે છે?
એક દેશ એક ચૂંટણી (One Nation One Election)
લોકસભા ચૂંટણી 2024 માટે ભાજપના મેનિફેસ્ટોમાં એક રાષ્ટ્ર, એક ચૂંટણીનું વચન આપવામાં આવ્યું છે. નરેન્દ્ર મોદી સહિત ભાજપના તમામ મોટા નેતાઓ તેનો અમલ કરવાની હિમાયત કરી રહ્યા છે. વન નેશન વન ઇલેક્શન પર ચર્ચા 2018માં કાયદા પંચના ડ્રાફ્ટ રિપોર્ટ બાદ શરૂ થઈ હતી. તે અહેવાલમાં આર્થિક કારણોની ગણતરી કરવામાં આવી હતી.
પંચે કહ્યું કે 2014માં લોકસભા ચૂંટણીનો ખર્ચ અને ત્યારપછીની વિધાનસભા ચૂંટણીનો ખર્ચ લગભગ સરખો હતો. તે જ સમયે, જો એકસાથે ચૂંટણી યોજવામાં આવે છે, તો આ ખર્ચને 50:50 ના ગુણોત્તરમાં વહેંચવામાં આવશે.
સમાન નાગરિક સંહિતા (Uniform Civil Code)
સમગ્ર દેશમાં દરેક માટે સમાન કાયદો બનાવવો એ ભાજપના એજન્ડામાં છે. પાર્ટીએ પોતાના 2024ના મેનિફેસ્ટોમાં આ વિષય રાખ્યો છે.
ભારતીય જનતા પાર્ટીએ 2022માં યોજાયેલી ઉત્તરાખંડ વિધાનસભા ચૂંટણીમાં તેને મુદ્દો બનાવ્યો હતો અને ચૂંટણી જીત્યા બાદ તેનો અમલ પણ કર્યો હતો. હવે ભાજપની આગેવાની હેઠળના NDAના ત્રીજા કાર્યકાળમાં કોમન સિવિલ કોડને આગળ વધારવા પર ભાર મુકવામાં આવી શકે છે. જોકે, આ માટે સાથી પક્ષો પાસેથી સમર્થન મેળવવું એક મોટો પડકાર હશે. UCCના મામલે JDUએ પણ કહ્યું છે કે આમાં દરેકનો અભિપ્રાય જરૂરી છે.
વિદેશ નીતિમાં UNAC ની કાયમી સભ્યપદ પર ભાર
નરેન્દ્ર મોદીએ ઘણીવાર તેમના ભાષણોમાં વૈશ્વિક નેતા તરીકે ભારતની સ્થિતિ મજબૂત કરવા પર ભાર મૂક્યો છે. તેમના ત્રીજા કાર્યકાળમાં મોદીના વિદેશ નીતિના ધ્યેયો ભારતની લાંબા સમયથી રાહ જોવાતી સંયુક્ત રાષ્ટ્ર સુરક્ષા પરિષદ (UNSC)ના કાયમી સભ્યપદને સાકાર કરવાનો રહેશે.
વિદેશ નીતિના મોરચે, સરકાર UNSC સભ્યપદ પર ધ્યાન કેન્દ્રિત કરશે, પરંતુ આ પ્રયાસમાં UN સુધારણા પણ સામેલ હશે. UNSCમાં સુધારો કરવો એ એક મોટો પડકાર હશે કારણ કે કાયમી સભ્ય ચીને તેમાં ભારતના સમાવેશનો વારંવાર વિરોધ કર્યો છે.
આરોગ્ય ક્ષેત્રે આયુષ્માન ભારત વિસ્તરણ
ત્રીજી ટર્મમાં કેન્દ્ર સરકારની મોટી સ્વાસ્થ્ય વીમા યોજના આયુષ્માન ભારત મોટા કદમાં જોવા મળી શકે છે. નરેન્દ્ર મોદી ચૂંટણી કાર્યક્રમોમાં કહેતા આવ્યા છે કે ત્રીજી ટર્મમાં મોટા નિર્ણયોની ‘મોદીની ગેરંટી’ પૂરી થશે.
ચૂંટણી પરિણામો જાહેર થયા બાદ ભાજપના કાર્યકર્તાઓને સંબોધતા મોદીએ ભવિષ્ય માટે તેમના વિઝનની રૂપરેખા આપી હતી. મોદીએ આયુષ્માન ભારત હેઠળ મફત આરોગ્ય સંભાળની અભૂતપૂર્વ પહોંચ પર ભાર મૂક્યો હતો.
