‘અતિ આત્મવિશ્વાસનું પરિણામ ભોગવવું પડે છે’ મુખ્ય પ્રધાન યોગીએ કહ્યું
લખનઉ: લોકસભા ચૂંટણી 2024ના પરિણામો(Loksabha election)માં ઉત્તર પ્રદેશમાં ભાજપની પીછેહઠ બાદ પહેલીવાર લખનઉમાં ભાજપની વર્કિંગ કમિટીની બેઠક યોજાઈ છે. આ બેઠકમાં યુપીના મુખ્ય પ્રધાન યોગી આદિત્યનાથે (Yogi Adityanath) 2024ની ચૂંટણીના પરિણામો અંગે કહ્યું કે અતિવિશ્વાસનું પરિણામ ભોગવવું પડે છે. લોકસભા ચૂંટણી બાદ પ્રથમ વર્કિંગ કમિટીની બેઠકમાં યોગીએ તમામને અભિનંદન આપીને ભાષણની શરૂઆત કરી હતી.
મુખ્ય પ્રધાન યોગીએ કહ્યું કે ઉત્તર પ્રદેશમાં લોકસભા ચૂંટણીના પરિણામોને કારણે ભાજપના કાર્યકરોએ કોઈપણ સંજોગોમાં બેકફૂટ પર જવાની જરૂર નથી. આપણે બધા જાણીએ છીએ કે નરેન્દ્ર મોદીના નેતૃત્વમાં ભાજપે 2014, 2017 અને 2022માં મોટી સફળતા હાંસલ કરી હતી અને વિપક્ષને તેની વાસ્તવિક સ્થિતિમાં લાવવાનું કામ કર્યું હતું.
તેમણે કહ્યું કે તેમાં કોઈ શંકા નથી કે તમામ કાર્યકરોના પ્રયાસોથી ભાજપ 2024માં પણ એટલી જ વોટ પર્સેન્ટેજ મેળવવામાં સફળ રહ્યું હતું જેટલું 2014, 2017 અને 2022માં ભાજપની તરફેણમાં હતું. પણ ક્યાંક ને ક્યાંક મતોની ફેરબદલ અને આપણે જીતી રહ્યા છીએ તેવા અતિશય આત્મવિશ્વાસની કિંમત આપણે ચૂકવવી હતી.
આ પણ વાંચો: કોંગ્રેસને ઔરંગઝેબ સાથે સરખાવતા યોગી આદિત્યનાથે કહી દીધી આ વાત…
કાર્યકર્તાઓનું મનોબળ વધારતા મુખ્ય પ્રધાન યોગીએ કહ્યું કે નગરપાલિકાની ચૂંટણીમાં ભાજપે 17માંથી 17 બેઠકો જીતી છે. રાજ્યમાં સૌથી વધુ મેયર અને કાઉન્સિલર ભાજપના બન્યા છે, આઝમગઢ અને રામપુરની ચૂંટણીમાં પણ ભાજપે જીત મેળવી છે.
તેમણે કહ્યું કે બધા કાર્યકર્તાઓએ એક થઈને કામ કરવું પડશે…યુપી જે છઠ્ઠી અર્થવ્યવસ્થા હતી તે હવે દેશની બીજી અર્થવ્યવસ્થા બની ગઈ છે. જીતની ગતિ 2014, 2017, 2022ની જેમ ચાલુ રહેવી જોઈએ અને 2027માં પણ ભાજપ મોટી જીત હાંસલ કરશે.
મુખ્ય પ્રધાન યોગી આદિત્યનાથે કહ્યું, “યાદ કરો, અગાઉ મોહર્રમના સમયે રસ્તાઓ ખાલી રહેતા હતા. આજે તો એ પણ ખબર નથી કે મહોરમનું આયોજન કરવામાં આવી રહ્યું છે. તાજિયાના નામે મકાનો તોડી નાખવામાં આવ્યા, પીપળાના ઝાડ કાપવામાં આવ્યા, રોડ બ્લોક થતા હતા આજે કોઈ ગરીબની ઝૂંપડી નહીં હટાવવામાં આવે… આજે કહેવાય છે કે સરકાર નિયમો બનાવશે, તહેવાર મનાવવો હોય તો નિયમ પ્રમાણે ઉજવો. નહિંતર ઘરે બેસો.”
