લોકસભાના સ્પીકર OM Birla મંત્રીઓ પર કેમ ભડક્યા ? જાણો વિગતે…

નવી દિલ્હી : લોકસભામાં મંગળવારે  સ્પીકર ઓમ બિરલા(OM Birla)અલગ અંદાજમાં જોવા મળ્યા હતા. જેમાં તેવો ક્યારેક  સાંસદો પર નિશાન સાધતા જોવા મળ્યા તો ક્યારેક મંત્રીઓ પર પોતાની નારાજગી વ્યક્ત કરી. જ્યારે ઝીરો અવર દરમિયાન તેઓ મંત્રીઓ પર ગુસ્સે થયા અને તેમને પાઠ ભણાવ્યો. આ સમગ્ર ઘટનામાં ગૃહની કાર્યસૂચિમાં વિવિધ મંત્રીઓના નામના દસ્તાવેજો રજૂ થતા હતા. શૂન્ય કલાક પૂર્વે આ દસ્તાવેજો સંસદીય બાબતોના રાજ્યમંત્રી અર્જુન રામ મેઘવાલ રજૂ કરી રહ્યા હતા. આના પર ઓમ બિરલા ગુસ્સે થઈ ગયા. નારાજગી વ્યક્ત કરતાં તેમણે કહ્યું કે સંબંધિત મંત્રીઓએ ગૃહમાં હાજર રહેવું જોઈએ.

આ પણ વાંચો : સંસદમાં ફરી હોબાળો, ગૃહમાં મુદ્દા ઉઠાવવા બાબતે INDIA ગઠબંધન વિભાજીત

અન્ય મંત્રીઓ તેમને સમજાવતા હતા

ગૃહમાં પ્રશ્નકાળ સમાપ્ત થયા પછી બપોરે 12 વાગ્યે કાર્યસૂચિમાં ઉલ્લેખિત જરૂરી દસ્તાવેજો સંબંધિત મંત્રીઓ દ્વારા ગૃહના ટેબલ પર મૂકવામાં આવે છે. જ્યારે મંત્રીઓ ગૃહમાં હાજર ન હોય  ત્યારે સામાન્ય રીતે સંસદીય બાબતોના રાજ્યમંત્રી તેમને તેમના વતી રજૂ કરે છે. મંગળવારે ગૃહમાં જરૂરી ફોર્મ રજૂ કરતી વખતે સંસદીય બાબતોના રાજ્યમંત્રી મેઘવાલ દ્વારા વાણિજ્ય અને ઉદ્યોગ રાજ્ય પ્રધાન જિતિન પ્રસાદના નામનો એક દસ્તાવેજ મૂકવામાં આવ્યો હતો. આ પછી ગૃહ રાજ્ય મંત્રી બુંદી સંજય કુમારે ગૃહના ટેબલ પર પોતાના નામે લખેલા દસ્તાવેજો રજૂ કરવાના હતા. જ્યારે તેમને મુશ્કેલીઓનો સામનો કરવો પડી રહ્યો હતો ત્યારે અન્ય મંત્રીઓ તેમને સમજાવતા હતા.

આ પણ વાંચો : બાંગ્લાદેશમાં હિંદુઓને જાનનો ખતરો, ઇસ્કોને આપી આવી સલાહ

અધ્યક્ષ બિરલા ગુસ્સે થઈ ગયા.

ત્યારે અધ્યક્ષ ઓમ બિરલા ગુસ્સે થયા અને  મંત્રીઓને કહ્યું કે એકબીજાને સમજાવો નહીં. તેમણે મેઘવાલને સંબંધિત દસ્તાવેજો જમા કરાવવા કહ્યું. આ પછી જ્યારે મેઘવાલે ગ્રામીણ વિકાસ રાજ્યમંત્રી કમલેશ પાસવાનના નામનો એક દસ્તાવેજ રજૂ કર્યો તો અધ્યક્ષ બિરલા ગુસ્સે થઈ ગયા. તેમણે કહ્યું કે સંસદીય કાર્ય મંત્રી એજન્ડામાં જે મંત્રીઓના નામ છે તેઓ ગૃહમાં હાજર રહે તેવા પ્રયાસ કરો. નહિંતર તમે બધા જવાબો જાતે જ આપો. આ દરમિયાન સંસદીય કાર્ય મંત્રી કિરેન રિજિજુ પણ ગૃહમાં હાજર હતા.