મૌલાના મદનીના નિવેદનને મુસ્લિમ જમાતે પણ વખોડ્યું, મુસ્લિમોને આવા નિવેદનોથી દુર રહેલા અપીલ કરી

નવી દિલ્હી : જમિયત ઉલેમા-એ-હિંદના પ્રમુખ મૌલાના મહમૂદ મદનીના જેહાદના નિવેદનથી વિવાદ સર્જાયો છે. જેમાં એક તરફ ભાજપે તેને ઉશ્કેરણીજનક અને ભાગલાવાદી નિવેદન ગણાવ્યું છે તેમજ સુપ્રીમ કોર્ટેને આ મુદ્દે સ્વંય સંજ્ઞાન લેવા અપીલ કરી છે. ત્યારે ઓલ ઈન્ડિયા મુસ્લિમ જમાતના વડા મૌલાના મુફ્તી શહાબુદ્દીન રઝવી બરેલવીએ પણ મૌલાનાના નિવેદનને ઉશ્કેરણીજનક ગણાવ્યું છે. તેમજ દેશના મુસ્લિમોને આવા ઉશ્કેરણીજનક નિવેદનોથી દુરી બનાવવા માટે અપીલ કરી છે.

મુસ્લિમોને સુપ્રીમ કોર્ટમાં જ નહીં પરંતુ તમામ અદાલતોમાં વિશ્વાસ

મુસ્લિમ જમાતના વડા મૌલાના મુફ્તી શહાબુદ્દીન રઝવી બરેલવીએ નિવેદનને ઉશ્કેરણીજનક ગણાવ્યું હતું. બરેલવીએ કહ્યું કે તેમનું નિવેદન સમાજમાં વિભાજનકારી છે અને મુસ્લિમોને ઉશ્કેરે છે. મુસ્લિમોને માત્ર સુપ્રીમ કોર્ટમાં જ નહીં પરંતુ તમામ અદાલતોમાં વિશ્વાસ છે. સંસદ પણ લોકોના હિત માટે કામ કરે છે. અમારું માનવું છે કે દરેક સરકાર બંધારણ હેઠળ જ જન કલ્યાણકારી યોજનાઓ બનાવે છે.

શાંતિપૂર્ણ વાતાવરણને ડહોળવાનો પ્રયાસ

મૌલાના મદનીના નિવેદન પર નારાજગી વ્યક્ત કરતા મૌલાના મુફ્તી શહાબુદ્દીન રઝવી બરેલવીએ એક નિવેદન બહાર પાડ્યું છે. જેમાં તેમણે કહ્યું કે ભારતમાં લાખો મુસ્લિમો સુપ્રીમ કોર્ટ દ્વારા લેવામાં આવેલા નિર્ણયોનું સન્માન કરે છે. તેમણે આરોપ લગાવ્યો કે મૌલાના મદની ભારતીય મુસ્લિમોને ઉશ્કેરી રહ્યા છે. હાલમાં ભારતમાં શાંતિ અને સૌહાર્દનું વાતાવરણ છે. આ શાંતિપૂર્ણ વાતાવરણને ડહોળવા માંગે છે.

મૌલાના મદનીના નિવેદનની નિંદા

મુફ્તી બરેલવીએ કહ્યું, હું મૌલાના મદનીના નિવેદનની સખત નિંદા કરું છું. હું દેશના મુસ્લિમોને અપીલ કરું છું કે તેઓ આવા વાહિયાત નિવેદનોથી દૂર રહે. હું વિવાદાસ્પદ અને વિભાજનકારી નિવેદનોને અવગણું છું.

આપણ વાંચો:  ‘મન કી બાત’માં પીએમ મોદીએ કર્યા ‘Gen-Z’ના વખાણ: ‘વોકલ ફોર લોકલ’ની અપાવી યાદ