ચેન્નઈ: આજે રવિવારે વહેલી સવારે તમિલનાડુના તિરુવલ્લુર રેલ્વે સ્ટેશન નજીક એક ક્રૂડ ઓઇલ લઇને જતી માલગાડીના ચાર ટેન્કરમાં આગ ફાટી (Major fire in crude oil train tankers Tamilnadu) નીકળી હતી. આ ઘટના ચેન્નઈ-અરક્કોનમ રૂટ પર બની હતી, જેને કારણે વ્યસ્ત માનવામાં આવતા આ રૂટ પર ટ્રેન સર્વિસ ખોરવાઈ ગઈ હતી.
આગ કેટલી વિકરાળ હતી તેનો અંદાજ ઘટનાના ફોટો અને વિડીયો જોઈને આવી શકે છે, આગને કારણે ઉઠેલો કાળો ધુમાડો દુર દુર સુધી ફેલાયો હતો. ચારેય ટેન્કર ભરેલું ક્રૂડ ઓઇલ લાંબા સમય સુધી સળગતું રહ્યું. અધિકારીઓના જણાવ્યા મુજબ ભારે જહેમત બાદ આગ પર કાબુ મેળવી લેવામાં આવ્યો છે, આગ લાગવાનું કારણ હજુ સુધી જાણી શકાયું નથી.
મોટી દુર્ઘના ટળી:
અહેવાલ મુજબ આ ઘટના શહેરથી દૂર એક વિસ્તારમાં બની હતી, પણ રેલ્વે ટ્રેકની બાજુમાં જ એક સોસાયટી હોવાથી ભાગદોડ મચી ગઈ હતી. અધિકારીઓએ તુરંત કાર્યવાહી કરી નજીકમાં રહેતા લોકોને સલામત સ્થળે ખસેડ્યા હતાં, જેને કારણે એક મોટી દુર્ઘના ટળી છે.
Major #fire in fuel-laden wagons after #derailment of goods #train near Tiruvallur railway station. pic.twitter.com/1pmVhnagn1
— Sundar Subbiah (@SundarSubbiah) July 13, 2025
હાલ જાનહાનીના કોઈ અહેવાલ નથી. વરિષ્ઠ રેલ્વે અધિકારીઓ અને ફાયર સર્વિસ ટીમો સ્થળ પર સ્થિતિ પર ધ્યાન રાખી રહ્યા છે. તિરુવલ્લુર જિલ્લા વહીવટીતંત્રે લોકોને અસરગ્રસ્ત વિસ્તારથી દૂર રહેવા સલાહ આપી છે, જેથી કર્મચારીઓના કામમાં અવરોધ ન આવે. આગ લાગવાનું કારણ જાણવા માટે ટૂંક સમયમાં તપાસ શરૂ કરવામાં આવશે.
Major fire accident near by my home in tiruvallur railway station oil tanker train gets fired almost burning more than hours ! #fire #railway #IndianRailways #Tiruvallur #trainaccident #SouthernRailway #southernrail #chennai pic.twitter.com/0rbnhBEu7s
— arsath ajmal (@ajmalji) July 13, 2025
ટ્રેન વ્યવહાર ખોરવાયો:
આ માલગાડીમાં ક્રૂડ ઓઇલના ભરેલા 45 ટેન્કર હતાં, ગાડી ચેન્નઈના એન્નોરથી મુંબઈ તરફ જઈ રહી હતી ત્યારે સવારે 5 વાગ્યાની આસપાસ તિરુવલ્લુર નજીક એગટ્ટુર વિસ્તારમાં પહોંચતા ટ્રેનના ટેન્કરના આગ ફાટી નીકળી હતી. સુરક્ષાના કારણોસર રેલ્વે અધિકારીઓએ ચેન્નાઈ-અરક્કોનમ રેલ્વે રૂટ પર ટ્રેન ટ્રાફિક અટકાવી દીધો હતો. રૂટ અસ્થાયી રૂપે સ્થગિત કરવામાં આવતા ઘણી પેસેજર અને માલવાહક ટ્રેન મોડી પડી છે અથવા ડાયવર્ટ કરવામાં આવી છે. અધિકારીઓના જણાવ્યા મુજબ રૂટ ફરી કાર્યરત કરવા કામ ચાલુ છે, અને સામાન્ય ટ્રેન કામગીરી વહેલી તકે ફરી શરૂ થશે.
Train Service Alert!
— Southern Railway (@GMSRailway) July 13, 2025
Due to a fire incident near #Tiruvallur overhead power has been switched off as a safety measure. This has led to changes in train operations.
Passengers are advised to check the latest updates before travel.#SouthernRailway #PassengerAlert pic.twitter.com/CKYK8vUm87
વિડીયો વાયરલ:
પહેલા એક ટેન્કરમાં લાગી હતી, જે જોતજોતામાં અન્ય ત્રણ ટેન્કમાં ફેલાઈ ગઈ, સદભાગ્યે આગ વધુ ટેન્કર સુધીના ફેલાઈ. આ આગનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં આગની વિકરાળ જ્વાળાઓ અને ધુમાડાના ગોટેગોટા જોવા મળે છે.
