જન વિશ્વાસ રેલીમાં લાલુ ઉવાચ: ‘PM મોદી હિન્દુ નહીં’ નિતિશ કુમારને પણ લીધા આડે હાથ
પટણા: બિહારની રાજધાની પટણામાં રવિવારે આયોજિત જન વિશ્વાસ રેલીમાં માનવ મહેરામણ ઉમટી પડ્યું છે. આ રેલીમાં રાહુલ ગાંધી, અખિલેશ યાદવ સહિત વિપક્ષના ઘણા દિગ્ગજ નેતાઓ પહોંચ્યા હતા (Rahul Gandhi Akhilesh yadav in Jan Vishvas Rally). ત્યારે, RJD સુપ્રીમો લાલુ યાદવ (Lalu Prasad Yadav)નું ભાષણ સાંભળવા માટે લોકોએ ભારે ઉત્સાહ દર્શવ્યો હતો. આ દરમિયાન લાલુ યાદવે કહ્યું કે જ્યારે તેજસ્વી જનવિશ્વાસ યાત્રા પર હતા અને આખા બિહારનો પ્રવાસ કરી રહ્યા હતા ત્યારે તેઓ લોકોને રેલીમાં આવવાનું કહેતા હતા, પાપાએ બોલાવ્યા છે. તમે લોકો લાખોની સંખ્યામાં આવ્યા છો, બધાનો આભાર. આગળ સામંતવાદ અને મંડલ કમિશનનો ઉલ્લેખ કર્યો.
PM મોદીને આડે હાથ લેતા લાલુ યાદવ એ સભામાં કહ્યું કે, ‘શું છે મોદી? મોદી શું ચીજ છે? મોદી પરિવારવાદ પર બોલે છે, મોદીજી એ જણાવો કે તમને સંતાન કેમ ન થયા? તમારી પાસે પરિવાર નથી? મોદી તમે હિન્દુ પણ નથી. કોઇની માં મારી જાય તો સંતાન મુંડન કરે છે તો તમારી માતાના નિધન પર તમે કેમ ન કર્યું?’
લાલુ યાદવે કહ્યું કે બિહાર જે પણ નિર્ણય લે છે, દેશની જનતા તેનું પાલન કરે છે. મારું કિડની ટ્રાન્સપ્લાન્ટ થયું છે, મારી દીકરી રોહિણી અહીં આવી છે. મને તેમની કિડની આપી, જીવનનું દાન કર્યું. તેજસ્વી મહાગઠબંધન સરકાર દરમિયાન લાખો નોકરીઓ આપવામાં આવી હતી, હું દરરોજ પૂછતા હતા કે આજે કેટલી રોજગારી આપવામાં આવી? તેજસ્વીએ સારું કામ કર્યું. 2017માં જ્યારે નીતીશ મહાગઠબંધનમાંથી NDAમાં ગયા ત્યારે અમે નીતીશનો દુરુપયોગ કર્યો નહોતો. અમે કહ્યું તે પલટુરામ છે. આ પછી અમે તેમને ફરીથી મહાગઠબંધનમાં સામેલ કર્યા. અમે ભૂલ કરી.’
આરજેડી સુપ્રીમોએ વધુમાં કહ્યું કે, આજની રેલીની ભીડ જોઈને નીતિશને ખબર ખબર નહીં કઈ કઈ બીમારી થઈ જશે. તેણે જૂની શૈલીમાં કહેવત કહી. ‘લગલ લગલ ઝુલ્હનિયા મેં ધક્કા બલમ કોલકાતા ચલો’. આ પછી લાલુ યાદવે કહ્યું કે મોદીએ કહ્યું હતું કે મારી સરકાર બનશે તો દરેકના ખાતામાં 15 લાખ રૂપિયા આવશે. અમે પણ માનતા હતા કે કદાચ આવશે, જન ધન યોજના હેઠળ બધાના ખાતા ખોલવામાં આવ્યા, 15 લાખ ન આવ્યા, મોદીએ બધાને છેતર્યા. વિપક્ષી પાર્ટીઓ સાથે મળીને લોકસભાની ચૂંટણી લડશે અને મોદીને વિદાય આપશે. આપણે દિલ્હી કબજે કરવું પડશે.
