Kumbh Mela 2025: ગુજરાતના કોઈ પણ ખૂણેથી કુંભમાં જવાનું વિચારતા હો તો જાણી લો હવે ફાઈનલ વિશેષ ટ્રેનોની યાદી

(અમારા પ્રતિનિધિ તરફથી)

અમદાવાદ: આગામી જાન્યુઆરી માસમાં યોજાનારા કુંભ મેળાની તડામાર તૈયારીઓ શરૂ કરવામાં આવી છે ત્યારે કુંભ મેળામાં વધુમાં વધુ લોકો જોડાય અને તેના માટે રેલવે પ્રશાસને પણ વિશેષ તૈયારીઓ કરી છે. મહાકુંભ મેળા-2025માં આ વખતે પણ મોટી સંખ્યામાં શ્રદ્ધાળુઓ ભાગ લેવાની અપેક્ષાને કારણે રેલવે હજારો વિશેષ ટ્રેન દોડાવવાની જાહેરાત કરી છે, જે અન્વયે પશ્ચિમ રેલવેએ રાજ્યના મહત્ત્વના શહેરને સમાવી લીધા છે.

ક્યા કયા શહેરના લોકોને મળશે કનેક્ટિવિટી?
પશ્ચિમ રેલવે દ્વારા રાજ્યમાં ઉત્તર ગુજરાથી લઈને દક્ષિણ અને મધ્ય ગુજરાતને આવરી લેવામાં આવ્યું છે. ખાસ કરીને ઉધના–બલિયા, વલસાડ–દાનાપુર, વાપી–ગયા, વિશ્વામિત્રી–બલિયા, સાબરમતી–બનારસ, સાબરમતી–બનારસ (વાયા ગાંધીનગર કેપિટલ), ડો. આંબેડકર નગર–બલિયા અને ભાવનગર ટર્મિનસ–બનારસ ટ્રેન સેવાનો સમાવેશ કર્યો છે, એમ અધિકારીએ જણાવ્યું હતું.

1. ઉધના-બલિયા મહાકુંભ સ્પેશિયલ

ઉધના-બલિયા મહાકુંભ સ્પેશિયલ ટ્રેન (નંબર 09031) ઉધનાથી 06:40 કલાકે ઉપડશે અને બીજા દિવસે 19:00 કલાકે બલિયા પહોંચશે. આ ટ્રેન 17મી જાન્યુઆરી અને 16મી ફેબ્રુઆરી 2025ના રોજ દોડશે. તે ઉપરાંત ટ્રેન નંબર 09032 બલિયા-ઉધના કુંભમેળા સ્પેશિયલ બલિયાથી 23:30 કલાકે ઉપડશે અને ત્રીજા દિવસે 12:45 કલાકે ઉધના પહોંચશે. આ ટ્રેન 18મી જાન્યુઆરી અને 17મી ફેબ્રુઆરી, 2025ના રોજ સેવા આપશે.

આ રુટમાં ભરૂચ, વિશ્વામિત્રી, ગોધરા, દાહોદ, રતલામ, નાગદા, ઉજ્જૈન, લલિતપુર, વિરાંગના લક્ષ્મીબાઈ ઝાંસી, મિરઝાપુર, ફતેજપુર, વગેરે સ્ટેશન પર થોભશે. તે ઉપરાંત વારાણસી, જૌનપુર, ઔનરિહાર અને ગાઝીપુર સિટી સ્ટેશન બંને દિશામાં. ટ્રેન નંબર 09031 વડોદરા સ્ટેશન પર વધારાનો હોલ્ટ રહેશે.

2. વલસાડ-દાનાપુર મહા કુંભ મેળા સ્પેશિયલ
વલસાડ-દાનાપુર મહાકુંભ સ્પેશિયલ ટ્રેન (ટ્રેન નંબર 09019) વલસાડથી 08:40 કલાકે ઉપડશે અને બીજા દિવસે 18:00 કલાકે દાનાપુર પહોંચશે. આ ટ્રેન 08, 17, 21, 25, જાન્યુઆરી અને 08, 15, 19, 26 ફેબ્રુઆરી, 2025ના રોજ દોડાવવામાં આવશે. એ જ રીતે, દાનાપુર-વલસાડ મહા કુંભમેળા સ્પેશિયલ ટ્રેન (ટ્રેન નંબર 09020) દાનાપુરથી 23:30 કલાકે ઉપડશે અને પહોંચશે.

Also read: મમતા કુલકર્ણીએ 25 વર્ષે ભારત આવ્યા બાદ કુંભમેળા વિશે શું કહ્યું

3. વાપી-ગયા મહા કુંભ મેળા સ્પેશિયલ
વાપી-ગયા મહાકુંભ સ્પેશિયલ ટ્રેન (ટ્રેન નંબર 09021)ની 20 ટ્રિપ રહેશે, આ ટ્રેન વાપીથી 08:20 કલાકે ઉપડશે અને બીજા દિવસે 19:00 કલાકે ગયા પહોંચશે. આ ટ્રેન નવમી, 16મી, અઢારમી, વીસમી, બાવીસમી, 24મી જાન્યુઆરી અને સાતમી, 14મી, અઢારમી, 22મી ફેબ્રુઆરી, 2025ના દોડાવાશે. એ જ રીતે, ટ્રેન નંબર 09022 ગયા-વાપી મહા કુંભ મેળા સ્પેશિયલ ગયાથી રાતના દસ વાગ્યે ઉપડશે. આ ટ્રેન 10, 17, 19, 21, 23, 25 જાન્યુઆરી અને 08, 15, 19, 23 ફેબ્રુઆરી, 2025ના રોજ આ જ રુટમાં દોડાવાશે.

4.વિશ્વામિત્રી-બલિયા મહાકુંભ મેળા વિશેષ

વિશ્વામિત્રી–બલિયા મહાકુંભ મેળા સ્પેશિયલ ટ્રેન (નંબર ટ્રેન નંબર 09029) વિશ્વામિત્રીથી 17 ફેબ્રુઆરી, 2025ના રોજ સવારે 08:35 કલાકે ઉપડશે અને બીજા દિવસે 19:00 કલાકે બલિયા પહોંચશે. તેવી જ રીતે, બલિયા – વિશ્વામિત્રી મહાકુંભ મેળા સ્પેશિયલ ટ્રેન (ટ્રેન નંબર 09030) 18મી ફેબ્રુઆરી, 2025ના રોજ બલિયાથી 23:30 કલાકે ઉપડશે અને ત્રીજા દિવસે 10:05 કલાકે વિશ્વામિત્રી પહોંચશે. આ રુટમાં ટ્રેન ગોધરા, દાહોદ, રતલામ, નાગદા, ઉજ્જૈન, શુજાલપુર, વિદિશા, મિર્ઝાપુર, વિરાંગના લક્ષ્મીબાઈ ઝાંસી,પ્રયાગરાજસ્ટેશન પર થોભશે.

5. સાબરમતી-બનારસ મહાકુંભ મેળા સ્પેશિયલ

સાબરમતી-બનારસ કુંભમેળા સ્પેશિયલ ટ્રેન (ટ્રેન નંબર 09413) સાબરમતીથી સવારના 11:00 કલાકે ઉપડશે અને બીજા દિવસે 14:45 કલાકે બનારસ પહોંચશે. આ ટ્રેન 16મી જાન્યુઆરી અને પાંચમી, 9, 14, 18 ફેબ્રુઆરી, 2025ના રોજ દોડાવાશે. એ જ રીતે, બનારસ – સાબરમતી કુંભ ળા સ્પેશિયલ ટ્રેન (નંબર 09414) બનારસથી 19:30 કલાકે ઉપડશે અને 00:30 કલાકે સાબરમતી પહોંચશે. ત્રીજા દિવસે. આ ટ્રેન 17મી જાન્યુઆરી અને 6, 10, 15, 19મી ફેબ્રુઆરી, 2025ના રોજ દોડશે. આ ટ્રેન હોલ્ટ સ્ટેશન મહેસાણા, પાલનપુર, આબુ રોડ, પિંડવારા, મારવાડ, અજમેર, કિશનગઢ, જયપુર, બાંદિકૂઇ, ભરતપુર, ઇટાવા, ગોવિંદપુરી, ફતેહપુર, પ્રયાગરાજ અને જ્ઞાનપુર રોડ સ્ટેશન રહેશે.

6. સાબરમતી–બનારસ (વાયા ગાંધીનગર કેપિટલ) કુંભ સ્પેશિયલ

સાબરમતી-બનારસ કુંભ સ્પેશિયલ ટ્રેન (નંબર 09421 ) સાબરમતીથી સવારે 10:25 કલાકે ઉપડશે અને બીજા દિવસે 14:45 કલાકે બનારસ પહોંચશે. આ ટ્રેન 19, 23 અને 26 જાન્યુઆરીના રોજ દોડશે. એ જ રીતે, ટ્રેન નંબર 09422 બનારસ-સાબરમતી કુંભમેળા સ્પેશિયલ બનારસથી 19:30 કલાકે ઉપડશે અને ત્રીજા દિવસે 01:25 કલાકે સાબરમતી પહોંચશે. આ ટ્રેન 20મી, 24મી અને 27મી જાન્યુઆરી, 2025ના રોજ દોડશે. આ ટ્રેન ગાંધીનગર કેપિટલ, મહેસાણા, પાલનપુર, આબુ રોડ, પિંડવારા, ફાલના, રાની, મારવાડ, બ્યાવર, અજમેર, કિશનગઢ, જયપુર, બાંડીકુઇ, ભરતપુર, આગ્રા કિલ્લો, ઇટાવા, ગોવિંદપુરી, ફતેહપુર, પ્રયાગરાજ અને જ્ઞાનપુર ખાતે ઉભી રહેશે.

7. ડૉ. આંબેડકર નગર-બલિયા કુંભ સ્પેશિયલ

ડૉ. આંબેડકર નગર–બલિયા કુંભ મેળા સ્પેશિયલ ટ્રેન (ટ્રેન નંબર 09371) ડૉ. આંબેડકરનગરથી બપોરના 1.45 કલાકે ઉપડશે અને બીજા દિવસે સાંજના 7.15 કલાકે બલિયા પહોંચશે. આ ટ્રેન 22, 25 જાન્યુઆરી અને 8, 22 ફેબ્રુઆરી, 2025ના રોજ દોડશે. એ જ રીતે, બલિયા – ડૉ. આંબેડકર નગર ટ્રેન (નંબર 09372) કુંભ સ્પેશિયલ બલિયાથી 23:45 કલાકે ઉપડશે અને ત્રીજા દિવસે 05:30 કલાકે ડૉ. આંબેડકર નગર પહોંચશે.

આ ટ્રેન 23, 26 જાન્યુઆરી અને 9, 23 ફેબ્રુઆરી 2025ના રોજ દોડશે. આ ટ્રેન માર્ગમાં ઇન્દોર, ઉજ્જૈન, વિદિશા, લલિતપુર, વિરાંગના લક્ષ્મીબાઈ ઝાંસી, ઓરાઈ, ગોવિંદપુરી, ફતેહપુર, પ્રયાગરાજ, મિર્ઝાપુર, ચુનાર, વારાણસી, આસાનપુર, સિટી, જૌનપુર સ્ટેશન પર થોભશે.

Also read: મહાકુંભમાં આ વખતે થશે એકતાનો મહાયજ્ઞ: PM Modiએ કુંભના મહત્ત્વ અંગે કરી મોટી વાત

8. ભાવનગર ટર્મિનસ-બનારસ કુંભ સ્પેશિયલ

ટ્રેન નંબર 09555 ભાવનગર ટર્મિનસ-બનારસ કુંભ સ્પેશિયલ ભાવનગર ટર્મિનસથી 05:00 કલાકે ઉપડશે અને બીજા દિવસે 14:45 કલાકે બનારસ પહોંચશે. આ ટ્રેન 22મી જાન્યુઆરી અને 16મી, 20મી ફેબ્રુઆરી, 2025ના રોજ દોડશે. તેવી જ રીતે, ટ્રેન નંબર 09556 બનારસ – ભાવનગર ટર્મિનસ મહા કુંભ મેળા સ્પેશિયલ બનારસથી 19:30 કલાકે ઉપડશે અને ત્રીજા દિવસે 05:00 કલાકે ભાવનગર ટર્મિનસ પહોંચશે.

આ ટ્રેન 23મી અને 17મી જાન્યુઆરી તેમજ 21મી ફેબ્રુઆરી, 2025ના રોજ દોડશે. આ ટ્રેન રૂટમાં સુરેન્દ્રનગર જંકશન., વિરમગામ, મહેસાણા, પાલનપુર, આબુ રોડ, પિંડવારા, મારવાડ, અજમેર, કિશનગઢ, જયપુર, ભરતપુર, આગ્રા કિલ્લો, ઇટાવા, ગોવિંદપુરી, ફતેહપુર અને પ્રયાગરાજને સ્ટોપ આપવામાં આવ્યા છે.