દિલ્હીમાં ધોળે દિવસે મહિલા ડોક્ટર પર ચાકુથી હુમલોઆરોપી ફરાર
નવી દિલ્હીઃ પશ્ચિમ દિલ્હીના ટાગોર ગાર્ડન એક્સટેન્શનમાં એક મહિલા ડોક્ટર પર જીવલેણ હુમલો કરવામાં આવ્યો હતો. હુમલાખોરે મહિલા ડોક્ટર પર છરી વડે અનેક વાર કર્યા હતા. ગુનો કર્યા બાદ તે ફરાર થઈ ગયો હતો. ડૉક્ટરને હૉસ્પિટલમાં દાખલ કરવામાં આવ્યા હતા. હોસ્પિટલમાં ડોક્ટરની સારવાર ચાલી રહી છે. માહિતી મળ્યા બાદ પોલીસ ઘટનાસ્થળે પહોંચી હતી અને ઘટનાસ્થળેથી પુરાવા એકત્ર કર્યા હતા અને હત્યાના પ્રયાસના કેસમાં એફઆઈઆર નોંધી હતી.
નોંધનીય છે કે ટાગોર ગાર્ડન એક્સ્ટેંશનમાં હેર ટ્રાન્સપ્લાન્ટ કરતા મહિલા ડોક્ટર સંગમ ભુટિયા (40 વર્ષ)નું ગ્રાઉન્ડ ફ્લોર પર ક્લિનિક અને ઉપર એક ઘર છે. શનિવારે બપોરે એક વ્યક્તિ તેમના ક્લિનિક પર પહોંચ્યો અને તેમના પર છરી વડે હુમલો કર્યો હતો. પોતાની જાતને બચાવવા તેઓ સીડી ઉપર દોડી ગયા હતા, પરંતુ હુમલાખોરે તેમના પર છરીના અનેક ઘા ઝીંકી દીધા હતા અને ભાગી ગયો હતો.
આ મામલે રાજૌરી ગાર્ડન પોલીસ સ્ટેશનમાંથી જણાવવામાં આવ્યું હતું કે બપોરે એક વ્યક્તિ ડો. ભુટિયાના ક્લિનિક પર આવ્યો હતો. તેના પર છરી વડે હુમલો કરી ભાગી ગયો હતો. મહિલાને હોસ્પિટલમાં દાખલ કરવામાં આવી હતી. તેની સારવાર ચાલી રહી છે.
આ ઘટનામાં હત્યાના પ્રયાસનો ગુનો નોંધવામાં આવ્યો છે. હુમલાખોર કોણ છે, હુમલા પાછળનું કારણ શું છે, પોલીસ તેની તપાસ કરી રહી છે. આરોપીઓને શોધવા માટે જુદી જુદી ટીમો બનાવવામાં આવી છે. નોંધનીય છે કે આ જ મહિનામાં સંગમ વિહારની શેરી નંબર 523માં રહેતા દિલશાદ નામના યુવકની છરીના ઘા મારીને હત્યા કરવામાં આવી હતી. તેના પિતાએ જણાવ્યું હતું કે તેમનો પુત્ર દિલશાદ ઘરની બહાર બેઠો હતો. તેણે 20 રૂપિયા માંગ્યા અને ઘરની બહાર નીકળી ગયો હતો. તેણે કહ્યું હતું કે તે તરત જ પાછો આવી રહ્યો છે. લગભગ 7 મિનિટ પછી તે લોહીથી લથબથ ઘરે પાછો ફર્યો હતો. તેના પર છરી વડે હુમલો કરવામાં આવ્યો હતો. આઠ-નવ જેટલા છોકરાઓએ પુત્ર પર હુમલો કર્યો હતો.
