કર્ણાટકના ચિક્કમગલુરુમા મોટો અકસ્માત, બસ ઢોળાવ પર બનેલા ઘર પર પડી, અનેક લોકો ઘાયલ

ચિક્કમગલુરુઃ કર્ણાટકના ચિક્કમગલુરુમાં એક મોટો રોડ અકસ્માત થયો છે. અકસ્માતની ગંભીરતાનો અંદાજ એ વાત પરથી લગાવી શકાય છે કે બસ નિયંત્રણ બહાર જતા ઢોળાવ પર નિર્મિતિ ઘરની છત પર પડી હતી. આ બસમાં કુલ 40 મુસાફરો હતા. આ ઘટનામાં બસના ડ્રાઇવર અને એક મુસાફરને ગંભીર ઇજાઓ થઈ હતી જ્યારે ઘણા મુસાફરોને નાની મોટી ઇજાઓ થઈ હતી.

બસ ઢોળાવ પર બનેલા ઘર પર પડી હતી

આ અકસ્માતની મળતી માહિતી મુજબ બુધવારે ચિક્કમગલુરુ જિલ્લાના કોપ્પા તાલુકાના જલદુર્ગામાં એક માર્ગ અકસ્માત થયો હતો. ચિક્કમગલુરુથી શ્રૃંગેરી જઈ રહેલી રાજ્ય પરિવહન કંપની KSRTC બસે જયપુરા નજીક જલદુર્ગા ખાતે અચાનક કાબુ ગુમાવ્યો અને રસ્તાની બાજુમાં ખાડામાં પડી ગઈ. આ બસ ઢોળાવ પર બનેલા ઘર પર પડી હતી.

વિસ્તારમાં હળવો વરસાદ પડી રહ્યો હતો

આ ઘટના સમયે વિસ્તારમાં હળવો વરસાદ પડી રહ્યો હતો. જેના કારણે રસ્તાઓ લપસણા બની ગયા હતા. જેના કારણે ડ્રાઇવરે બસ પરનો કાબુ ગુમાવ્યો. બસ પડવાથી ઘરની છતને પણ નુકસાન થયું છે. માહિતી અનુસાર, જયપુરાની સરકારી હોસ્પિટલમાં દસ લોકોને દાખલ કરવામાં આવ્યા હતા. બસ ડ્રાઈવર સહિત બે લોકોને કોપ્પા હોસ્પિટલમાં દાખલ કરવામાં આવ્યા હતા. સ્થાનિક રહેવાસીઓએ તાત્કાલિક ઘાયલોને હોસ્પિટલ પહોંચાડવામાં મદદ કરી.

આ પણ વાંચો: કર્ણાટકના કલબુર્ગીમાં ગમખ્વાર માર્ગ અકસ્માત, પાંચ લોકોના ઘટના સ્થળે મોત, 11 ઘાયલ…

ઘાયલોને સારવાર માટે નજીકની હોસ્પિટલમાં દાખલ કર્યા

સ્થાનિક લોકોએ દાવો કર્યો હતો કે અકસ્માતનું મુખ્ય કારણ ઓવરસ્પીડિંગ હતું. સ્થાનિક લોકોએ આરોપ લગાવ્યો હતો કે બસ જૂની હતી અને કદાચ તેની યોગ્ય રીતે જાળવણી કરવામાં આવી ન હતી. ઘટનાની માહિતી મળતા જ જયપુરા પોલીસ ઘટનાસ્થળે પહોંચી ગઈ હતી અને રાહત અને બચાવ કામગીરી શરૂ કરવામાં આવી હતી. ધારાસભ્ય ટી.ડી. રાજેગૌડાએ પણ ઘટનાસ્થળની મુલાકાત લીધી અને પરિસ્થિતિનો તાગ મેળવ્યો. પોલીસે કેસ નોંધીને ઘાયલોને સારવાર માટે નજીકની હોસ્પિટલમાં દાખલ કર્યા છે.