ઝારખંડમાં બપોરે 3 વાગ્યા સુધીમાં 59.3 ટકા મતદાન, ધોનીએ પત્ની સાથે રાંચીમાં કર્યું વોટિંગ…

Jharkhand Elections 2024: 81 સભ્યોની ઝારખંડ વિધાનસભાના પ્રથમ તબક્કા માટે આજે મતદાન થઈ રહ્યું છે. પ્રથમ તબક્કામાં રાજ્યની 43 બેઠકો પર સવારે 7 વાગ્યાથી સાંજે 5 વાગ્યા સુધી મતદાન થશે. કુલ 2.60 કરોડ મતદારોમાંથી 1.37 કરોડ મતદારો મતદાન કરશે. મતદાનને લઈ મતદારોમાં પણ ખાસ ઉત્સાહનો માહોલ છે. ઝારખંડમાં બપોરે 3 વાગ્યા સુધીમાં 59.3 ટકા મતદાન થયું છે.

આ પણ વાંચો : Jharkhand Assembly election: મુખ્ય પ્રધાન હેમંત સોરેને મતદાન કર્યું, અત્યાર સુધીમાં આટલું મતદાન

ધોનીએ કર્યું વોટિંગ

ટીમ ઈન્ડિયાના પૂર્વ કેપ્ટન એમ એસ ધોનીને રાંચીમાં મતદાન કર્યું હતું. ધોની તેની પત્ની સાક્ષી સાથે મતદાન કરવા આવ્યો હતો. ધોની મત આપીને બહાર આવ્યો ત્યારે સ્થાનિક લોકોએ તેની સાથે સેલ્ફી લેવા પડાપડી કરી હતી.

રાંચીના એસપી સિટી રાજ કુમાર મહેતાએ કહ્યું, રાંચીના રહેવાસીઓને સંદેશ છે કે તેઓ તેમના મતાધિકારનો ઉપયોગ કરે. અમે ઈચ્છીએ છીએ કે લોકો શાંતિપૂર્વક મતદાન કરે. સુરક્ષાના કારણોસર ડ્રોનનો ઉપયોગ કરવામાં આવી રહ્યો છે.

ભાજપ ઉમેદવાર ગીતા કોડાએ શું કહ્યું

ભાજપના ઉમેદવાર ગીતા કોડાએ જગન્નાથપુર વિધાનસભા બેઠક પરથી મતદાન કર્યું હતું. તેમણે કહ્યું, અમે મતદાન કર્યું છે. લોકોએ ભાજપમાં વિશ્વાસ વ્યક્ત કર્યો છે. જેએમએમ-કોંગ્રેસે છેલ્લા પાંચ વર્ષમાં કરેલા ખોટા વચનોનો હિસાબ જનતા લેશે. અહીંની ખાણો બંધ છે, જેના કારણે અહીં બેરોજગારી અને સ્થળાંતરની સમસ્યા છે, અમારી સરકાર બન્યા બાદ અમે આ ખાણોને ખોલવાનો પ્રયાસ કરીશું.

આ પણ વાંચો : ‘અધિકારીઓ ન્યાયધીશ ના બને…’ બુલડોઝર એક્શન સામે સુપ્રીમ કોર્ટે સખ્તાઇ બતાવી

ઝારખંડના રાજ્યપાલ સંતોષ ગંગવારે આજે સવારે કહ્યું, મતદાન એ દેશના સૌથી મોટા લોકતંત્રનો એક મહત્વપૂર્ણ ભાગ છે, હું દરેકને તેમના મતનો ઉપયોગ કરવા વિનંતી કરું છું. હું દરેકને વિનંતી કરું છું કે પહેલા મતદાન કરો, પછી જલ પાન કરો.