ભારતનો તુર્કીને સણસણતો જવાબ: પાકિસ્તાનને આતંકવાદ સામે પગલાં લેવા દબાણ કરો

નવી દિલ્હી: ભારત અને પાકિસ્તાન વચ્ચે તાજેતરમાં ચાલેલા તણાવ દરમિયાન ખુલ્લેઆમ પાકિસ્તાનનો પક્ષ લેનારા તુર્કીને ભારતે સણસણતો જવાબ આપ્યો છે. ભારતે તુર્કીને સ્પષ્ટ શબ્દોમાં જણાવ્યું છે કે તે પાકિસ્તાનને સરહદ પારના આતંકવાદને સમર્થન આપવાનું બંધ કરવા અને દાયકાઓથી પોષવામાં આવેલા આતંકવાદી નેટવર્ક સામે વિશ્વસનીય અને ચકાસી શકાય તેવી કાર્યવાહી કરવા માટે દબાણ કરે.

વિદેશ મંત્રાલય (MEA) ના પ્રવક્તા રણધીર જયસ્વાલે જણાવ્યું હતું કે, “સંબંધો એકબીજાની ચિંતાઓ પ્રત્યેની સંવેદનશીલતાના આધારે બને છે.” આ નિવેદન તુર્કીના એ વલણ બાદ આવ્યું છે જેમાં તેણે “ઓપરેશન સિંદૂર” દરમિયાન પાકિસ્તાનને ખુલ્લેઆમ સમર્થન આપ્યું હતું.

જમ્મુ-કાશ્મીરના પહેલગામમાં થયેલા આતંકવાદી હુમલામાં 26 લોકોના જીવ ગયા બાદ ભારતે આ ઓપરેશન ચલાવ્યું હતું. આ ઓપરેશન દરમિયાન ભારત અને પાકિસ્તાન વચ્ચે ઘણા દિવસો સુધી યુદ્ધ જેવી સ્થિતિ સર્જાઈ હતી.

આપણ વાંચો: ભારત અને પાકિસ્તાનના DGMO હવે કઈ વાત પર થયા સહમત, વિગતવાર જાણો?

તુર્કી પાકિસ્તાન પર દબાણ લાવશે તેવી અપેક્ષા

સેલેબી કેસના સંદર્ભમાં, વિદેશ મંત્રાલયે જણાવ્યું કે આ મુદ્દે તુર્કી દૂતાવાસ સાથે ચર્ચા કરવામાં આવી છે. જોકે, મંત્રાલયે સ્પષ્ટ કર્યું કે આ નિર્ણય નાગરિક ઉડ્ડયન સુરક્ષા દ્વારા લેવામાં આવ્યો હતો.

ભારતે ભારપૂર્વક જણાવ્યું છે કે પાકિસ્તાને તેની ધરતી પરથી આતંકવાદને અટકાવવા માટે વિશ્વસનીય અને ચકાસી શકાય તેવા પગલાં લેવા જોઈએ. તુર્કી આ મામલે પાકિસ્તાન પર દબાણ લાવશે તેવી ભારતને અપેક્ષા છે, જે દર્શાવે છે કે ભારત પોતાના રાષ્ટ્રીય હિતોના ભોગે કોઈપણ દેશના આતંકવાદના સમર્થનને સ્વીકારવા તૈયાર નથી.

આપણ વાંચો: ભારત અને પાકિસ્તાન વચ્ચે યુદ્ધવિરામનો જશ ખાટ્યા બાદ ટ્રમ્પનો યુટર્ન, મધ્યસ્થીના દાવામાં કરી પીછેહઠ

તુર્કીએ પાકિસ્તાનને સાડા ત્રણસોથી વધુ ડ્રોન આપ્યા

ઓપરેશન સિંદૂર બાદ ભારત અને પાકિસ્તાન વચ્ચેના એ તણાવપૂર્ણ માહોલમાં ચીન અને તુર્કીએ ખુલ્લેઆમ પાકિસ્તાનનું સમર્થન કર્યું હતું. એટલું જ નહીં, અહેવાલો અનુસાર, તુર્કીએ પાકિસ્તાનને સાડા ત્રણસોથી વધુ ડ્રોન આપ્યા હતા અને તેમને ચલાવવા માટે ઓપરેટરો પણ મોકલ્યા હતા.

જમ્મુથી લઈને ગુજરાત સુધીના વિસ્તારોમાં પાકિસ્તાને આ ડ્રોનનો ઉપયોગ કરીને ભારત પર હુમલા કરવાનો પ્રયાસ કર્યો હતો, જોકે ભારતીય સુરક્ષા દળોએ આ પ્રયાસોને સફળતાપૂર્વક નિષ્ફળ બનાવ્યા હતા. આ ઘટનાઓ બાદ પાકિસ્તાન સાથે તુર્કી સાથે પણ ભારતના સંબંધોમાં તિરાડ પડી છે.

આપણ વાંચો: ટ્રમ્પે ફરી જમાદાર બનવાનો પ્રયાસ કર્યો; ભારત અને પાકિસ્તાનને સાથે ડીનર કરવા કહ્યું

સેલેબી કેસ અને તુર્કીના ડ્રોનનો ઉપયોગ

સેલેબી કેસના સંદર્ભમાં વિદેશ મંત્રાલયે જણાવ્યું કે આ મુદ્દે તુર્કી દૂતાવાસ સાથે ચર્ચા કરવામાં આવી છે. જોકે, મંત્રાલયે સ્પષ્ટ કર્યું કે આ નિર્ણય નાગરિક ઉડ્ડયન સુરક્ષા દ્વારા લેવામાં આવ્યો હતો.

ભારતે એ વાત પર ભાર મૂક્યો છે કે પાકિસ્તાને તેની ધરતી પરથી આતંકવાદને અટકાવવા માટે વિશ્વસનીય અને ચકાસી શકાય તેવા પગલાં લેવા જોઈએ, અને તુર્કી આ મામલે પાકિસ્તાન પર દબાણ કરશે તેવી ભારતને અપેક્ષા છે.