લખનઉ : ઉત્તર પ્રદેશના કાનપુરથી શરુ થયેલો આઈ લવ મુહમ્મદ પોસ્ટરને વિવાદ સમગ્ર દેશમાં ફેલાઈ ગયો છે. આ પોસ્ટરને લઈને રાજકીય નિવેદનબાજી અને વિરોધ પ્રદર્શનોને કારણે અનેક રાજ્યોમાં હિંસક અથડામણો થઈ છે. આ મુદ્દો હવે ઉત્તર પ્રદેશ પુરતો મર્યાદિત ન રહેતા સમગ્ર દેશમાં ફેલાયો છે. જેમાં શુક્ર્વારે યુપીના બરેલી, મઉ અને બાગપતમાં આ મુદ્દે વિરોધ પ્રદર્શન યોજાયું હતું. તેમજ પોલીસ અને પ્રદર્શનકારીઓ વચ્ચે ઘર્ષણ પણ સર્જાયું હતું.
બરેલીમાં બપોરની નમાઝ બાદ લાઠીચાર્જ
શુક્રવારે બરેલીમાં બપોરની નમાઝ બાદ આઈ લવ મોહમ્મદ પોસ્ટર વિવાદ મુદ્દે મુસ્લિમ સમાજે વિરોધ પ્રદર્શન કર્યું હતું. જેમાં અનેક લોકો શહેરના અલગ અલગ વિસ્તારોમાં પોસ્ટર અને બેનર લઈને લોકો રોડ પર ઉતર્યા હતા. જેની બાદ પોલીસે લોકોને રોકવાનો પ્રયાસ કર્યો હતો.
આ દરમિયાન મળતી માહિતી મુજબ શ્યામગગંજના પ્રદર્શનકારીઓનો એસપી ક્રાઈમ બ્રાંચ સાથે વિવાદ થયો હતો. જેની બાદ પોલીસ સ્થિતીને જોતા દુકાનો બંધ કરાવી હતી. નૌ મહલ મસ્જીદ બહાર ભીડ એકત્ર થઈ હતી. જયારે ભીડ બેકાબૂ બનતા લાઠીચાર્જ કરવામાં આવ્યો હતો. જેની બાદ લોકો ત્યાંથી લોકો ભાગવા લાગ્યા હતા.
મઉમાં હિંસા ફેલાઈ
આ ઉપરાંત મઉમાં પણ આવા જ દ્રશ્યો જોવા મળ્યા હતા. જ્યાં આઈ લવ મુહમ્મદના પ્લેકાર્ડ લઈને એક જૂથ નમાઝ પછી રેલી નીકાળવાનો પ્રયાસ કરી રહ્યું હતું. જ્યારે પોલીસે ભીડને વિખેરવાનો આદેશ આપ્યો ત્યારે કેટલાક લોકોએ કથિત રીતે પથ્થરમારો કર્યો હતો. જેના કારણે લાઠીચાર્જ કરવામાં આવ્યો.
બાગપતમાં પોલીસે રેલી રોકતા વિવાદ
જયારે બાગપતમાં આઈ લવ મુહમ્મદના પ્લેકાર્ડ લઈને પોલીસ મંજુરી વિના રેલી નીકાળતા પોલીસે લોકોને અટકાવ્યા હતા. જેના કારણે વિવાદ થયો હતો. જેની બાદ 150 અજાણ્યા વ્યક્તિઓ પર ગેરકાયદે રીતે ભેગા થવા અને રમખાણો કરવા બદલ કેસ દાખલ કરવામાં આવ્યો છે.
આ પણ વાંચો…“આઈ લવ મોહમ્મદ ” લખતા FIR! ઓમર અબ્દુલ્લાએ ઉઠાવ્યા ગંભીર સવાલો
