ઓડિશાના પૂર્વ સીએમની સુરક્ષા ઘટાડીઃ હવે વાય શ્રેણીની સુરક્ષા આપી

ભુવનેશ્વર: ઓડિશા સરકારે રાજ્યના પાંચ વખતના ભૂતપૂર્વ મુખ્ય પ્રધાન નવીન પટનાયકની સુરક્ષાને ડાઉનગ્રેડ કરીને ઝેડને બદલે વાય શ્રેણીની સુરક્ષા આપવાનો નિર્ણય લીધો છે.

એક અધિકારીએ ગુરુવારે જણાવ્યું હતું કે મહત્વની વ્યક્તિઓની સુરક્ષાના મુદ્દાઓ પર કામ કરતી ઉચ્ચ-સ્તરીય સમિતિએ બીજેડીના વડાની સુરક્ષામાં ઘટાડો કરવાની ભલામણ કર્યા પછી પટનાયકને સોંપવામાં આવેલા મોટાભાગના સુરક્ષા કર્મચારીઓને પાછા ખેંચી લેવામાં આવ્યા છે.

આપણ વાંચો: ઓડિશામાં CM સાથે સાથે CM houseની પણ શોધ! નવીન પટનાયક ઘરેથી જ કામ કરતા

પટનાયકની જવાબદારી હવે હવાલદાર રેન્કમાં માત્ર બે કોન્સ્ટેબલને રાખવામાં આવશે, એમ અધિકારીએ જણાવ્યું હતું. તેમણે જણાવ્યું હતું કે ભૂતપૂર્વ મુખ્ય પ્રધાનોને બે પીએસઓ આપવામાં આવે છે. જ્યારે જરૂર પડે ત્યારે વધારાની સુરક્ષા પૂરી પાડવામાં આવે છે.

વિપક્ષના નેતા તરીકે, પટનાયક જ્યારે ભુવનેશ્વરની બહાર પ્રવાસ કરશે ત્યારે સ્થાનિક પોલીસ દ્વારા તેમને જરૂરી સુરક્ષા પૂરી પાડવામાં આવશે. જો કે, પટનાયકે તાજેતરમાં સરકારી સેવામાંથી નિવૃત્ત થયેલા બે વરિષ્ઠ પીએસઓને પણ વ્યક્તિગત રીતે નિયુક્ત કર્યા છે. મળતી માહિતી મુજબ નવીન પટનાયકને વ્યક્તિગત રીતે બે વરિષ્ઠ પીએસઓને નિયુક્ત કરવામાં આવ્યા છે, જે હાલમાં જ સરકારી સેવામાંથી નિવૃત્ત થયા હતા.