Elon Musk ની સ્ટારલિંક અને એમેઝોન સેટેલાઈટ સેવાની મુશ્કેલીઓ વધી, સરકારે માંગી આ સ્પષ્ટતા
નવી દિલ્હી : ભારતમાં ઇલોન મસ્કની સેટેલાઇટ ઇન્ટરનેટ સેવા(Satellite Internet Service ) સ્ટારલિંક અને એમેઝોન વેબની સેટેલાઇટ સેવા શરૂ કરવામાં વિલંબ થઈ શકે છે. કારણ કે દૂરસંચાર વિભાગે આ બંને કંપનીઓ સમક્ષ મોટી માંગ મૂકી છે. તાજેતરમાં સરકારે સેટેલાઇટ ઇન્ટરનેટ સેવા માટે સ્પેક્ટ્રમ ફાળવણી, કિંમત વગેરે અંગે હિતધારકો પાસેથી સૂચનો માંગ્યા હતા. સરકાર ટૂંક સમયમાં સેવા પ્રદાતાઓને સ્પેક્ટ્રમ ફાળવણીની પ્રક્રિયા શરૂ કરવા જઈ રહી છે.
DoTએ આ માંગણી કરી
ડિપાર્ટમેન્ટ ઓફ ટેલિકોમ્યુનિકેશન્સ (DoT)એ ઇલોન મસ્કની સ્ટારલિંક અને એમેઝોનની સેટેલાઇટ સેવા સંબંધિત સુરક્ષા સંબંધિત ધોરણો ઝડપથી પૂર્ણ કરવા જણાવ્યું છે. ટેલિકોમ્યુનિકેશન વિભાગે એરટેલની Eutelsat Oneweb અને Jioની SES સેટેલાઇટ ઇન્ટરનેટ સેવાને મંજૂરી આપી છે. DoTએ આ બંને કંપનીઓને અરજી પ્રક્રિયાને આગળ વધારવા માટે જરૂરી સુરક્ષા પરિમાણો સાથે સંબંધિત દસ્તાવેજો સબમિટ કરવા જણાવ્યું છે.
મીડિયા અહેવાલ મુજબ, આ બંને કંપનીઓએ હજુ સુધી સુરક્ષા ધોરણો સંબંધિત માહિતી સબમિટ કરી નથી. આ માટે ટેલિકોમ્યુનિકેશન વિભાગ દ્વારા આ બંને કંપનીઓને પત્ર લખવામાં આવ્યો છે. આ મામલા સાથે જોડાયેલા એક અધિકારીનું કહેવું છે કે થોડા દિવસ રાહ જોયા બાદ સરકાર તરફથી રિમાઇન્ડર મોકલવામાં આવશે. જો આ કંપનીઓ સુરક્ષા સંબંધિત તમામ શરતો સ્વીકારે તો જ તેમની અરજીઓ પર આગળ પ્રક્રિયા કરવામાં આવશે.
Also Read – સ્પેનમાં પૂરે સર્જી તારાજી, મૃત્યુઆંક વધીને 140 થયો
દસ્તાવેજ શેરિંગ સૂચનાઓ
અધિકારીનું કહેવું છે કે દેશમાં ઘણા એવા વિસ્તારો છે જે સુરક્ષાની દૃષ્ટિએ અત્યંત સંવેદનશીલ છે. આવી સ્થિતિમાં, સેટેલાઇટ કંપનીઓએ સરકાર સાથે ડેટા, કવરેજ વિસ્તાર વગેરે સંબંધિત દસ્તાવેજો શેર કરવા પડશે. આ પછી જ સરકાર આ કંપનીઓને ભારતમાં સેવાઓ શરૂ કરવાની ઓફર કરશે. ઇલોન મસ્કએ ઓક્ટોબર 2022માં ગ્લોબલ મોબાઇલ પર્સનલ કોમ્યુનિકેશન્સ સેટેલાઇટ સર્વિસ (GMPCS)લાયસન્સ માટે અરજી કરી છે. જ્યારે, એમેઝોને ગયા વર્ષે અરજી સબમિટ કરી હતી.
ટેલિકોમ રેગ્યુલેટર (TRAI) હાલમાં સેટેલાઈટ ઈન્ટરનેટ સેવાના સ્પેક્ટ્રમની કિંમત અને અન્ય શરતો અંગે
અન્ય હિતધારકો પાસેથી પ્રતિસાદ લઈ રહ્યું છે. ભારતમાં એરટેલ, જિયો અને વોડાફોન-આઇડિયા મોબાઇલ
સેવા તેમજ સેટેલાઇટ સેવા આપશે. જ્યારે એમેઝોન અને સ્ટારલિંક પણ સેટેલાઇટ સેવામાં તેમની મુખ્ય
હરીફ બનવા જઈ રહી છે.
