કારચાલકની આડોડાઈ તો જૂઓ, ટૉલપ્લાઝા પર ઊભેલી મહિલા સાથે કર્યું એવું કે…
મેરઠઃ શહેરના કાશી ટોલ પ્લાઝા પર કાર ચાલકની ગુંડાગીરી જોવા મળી છે. અહીં જ્યારે એક યુવકે ટોલ ટેક્સ માંગ્યો તો તેણે પોતાની કાર મહિલા કર્મચારી પર ચડાવી દીધી અને ભાગવા લાગ્યો. મહિલા કારના બોનેટ પર લટકતી રહી ગઈ હતી. આ ઘટનામાં ટોલ પ્લાઝાની એક મહિલા કર્મચારી ગંભીર રીતે ઘાયલ થઈ છે. તેમને હોસ્પિટલમાં દાખલ કરવામાં આવી છે.
યુપીના મેરઠમાંથી એક ચોંકાવનારો વીડિયો સામે આવ્યો છે. અહીં કાશી ટોલ પ્લાઝા પર કાર ચાલકની ગુંડાગીરી જોવા મળી છે. આરોપી ડ્રાઈવરે ટોલ ટેક્સની માંગણી કરવા ઉભી રહેલી મહિલા કર્મચારી પર કાર ચલાવી હતી અને તેને ખેંચીને દૂર લઈ ગયો હતો. મહિલા કારના બોનેટ પર લટકતી જોવા મળે છે. આ ઘટનામાં મહિલા ગંભીર રીતે ઘાયલ થઈ હતી. તેમને હોસ્પિટલમાં દાખલ કરવામાં આવી હોવાની માહિતી મળી છે.
મળતી માહિતી મુજબ કાર ચાલક દિલ્હીથી આવી રહ્યો હતો. અહીં કાશી ટોલ પ્લાઝા પર લાગેલા બેરિયરને કારણે ડ્રાઈવરે કાર ઊભી રાખી હતી. આ દરમિયાન ટોલ પ્લાઝાની મહિલા કર્મચારી આવી પહોંચી અને ટોલ ભરવાનું કહ્યું. ડ્રાઇવરે દલીલ કરવાનું શરૂ કર્યું અને કારની સામે ઉભેલી મહિલાને સીધી ટક્કર મારી. ઘટનામાં મહિલા કારના બોનેટ પર આવી હતી. આજુબાજુના લોકો ભાગી ગયા ત્યાં સુધીમાં કાર ચાલક કાર લઈને ભાગી ગયો હતો. મહિલા થોડે દૂર ગયા બાદ કારમાંથી નીચે પડી હતી અને ગંભીર રીતે ઘાયલ થઈ હતી. આ સમગ્ર ઘટનાના CCTV ફૂટેજ સામે આવ્યા છે.
આરોપી કાર ચાલક વિશે માહિતી મેળવવામાં આવી રહી છે. સીસીટીવી ફૂટેજમાં જોવા મળી રહ્યું છે કે જ્યારે મહિલા કર્મચારી ટોલ માંગી રહી હતી ત્યારે નજીકમાં કેટલાક લોકો પણ ઉભા હતા. દરમિયાન ડ્રાઈવરે અચાનક કાર સ્ટાર્ટ કરી ત્યારે મહિલા કર્મચારી બોનેટ પર આવી ગઈ હતી. આ જોઈને નજીકમાં ઉભેલા લોકો દોડીને કાર રોકવાનો પ્રયાસ કરે છે. જોકે ત્યાં સુધીમાં કાર આગળ વધી ગઈ હતી. ઘટનાની જાણ પોલીસને કરવામાં આવી છે.
