કોરોનાના સમયગાળા દરમિયાન બનાવવામાં આવેલા PM-CARES ફંડમાં હજુ પણ આવી રહ્યું છે દાન
નવી દિલ્હીઃ કોરોનાના સમયગાળા દરમિયાન લોકડાઉનના ત્રીજા દિવસે મોદી સરકારે પીએમ કેર ફંડ બનાવવાનો નિર્ણય લીધો હતો. આ ફંડ બનાવવાનો હેતુ એ હતો કે કોઈપણ સ્વાસ્થ્ય કટોકટીનો સામનો કરવા માટે સરકાર પાસે એક અલગ નાણાકીય ભંડોળ હોવું જોઈએ જેથી નાણાંની સરળતાથી વ્યવસ્થા થઈ શકે. હવે કોરોનાની અસર નહિવત થઈ ગઈ છે, પરંતુ પીએમ કેર્સ ફંડમાં પૈસા હજુ પણ આવી રહ્યા છે.
નવા ડેટા દર્શાવે છે કે 2022-2023માં પીએમ કેર ફંડમાં 909.64 કરોડ રૂપિયા જમા કરવામાં આવ્યા છે. આ ઉપરાંત, ફંડને વિદેશી રોકાણકારો પાસેથી રૂ. 2.57 કરોડ પણ મળ્યા છે. મોટી વાત એ છે કે વ્યાજની સારી રકમ પણ પીએમ કેર ફંડમાં ગઈ છે. 912 કરોડ રૂપિયાના દાનમાંથી વ્યાજની આવક 170.38 કરોડ રૂપિયા હતી. લગભગ રૂ. 225 કરોડ વિવિધ પ્રકારના રિફંડ દ્વારા પણ જમા કરવામાં આવ્યા હતા.
આ પણ વાંચો…દેશની અદાલતોમાં ચેક બાઉન્સનાં જ અધધધ 43 લાખ કેસ પેન્ડિંગ! ગુજરાતમાં શું સ્થિતિ?
હવે એવું કહેવામાં આવી રહ્યું છે કે 2022-23માં આ ફંડમાંથી 439 કરોડ રૂપિયા ખર્ચવામાં આવ્યા છે, અહીં પણ 346 કરોડ રૂપિયા બાળકો પર, 91.87 કરોડ રૂપિયા ઓક્સિજન કોન્સેન્ટ્રેટર પર અને 278 કરોડ રૂપિયા બેંક ચાર્જ અને SMS ચાર્જ પર ખર્ચવામાં આવ્યા છે.
