બૌદ્ધ ધર્મગુરુ Dalai Lama અને સાંસદ સંબિત પાત્રાની સુરક્ષામાં ગૃહ વિભાગે વધારો કર્યો
નવી દિલ્હી : તિબેટના બૌદ્ધ ધર્મગુરુ અને ભારતમાં વસવાટ કરતા દલાઈ લામા(Dalai Lama)અને જગન્નાથ પુરીના સાંસદ સંબિત પાત્રાને ગૃહ વિભાગે સુરક્ષા વ્યવસ્થામાં વધારો કર્યો છે. ગુપ્તચર બ્યુરોના અહેવાલ બાદ ગૃહ મંત્રાલયે આ નિર્ણય લીધો છે. જેમાં બૌદ્ધ ધર્મગુરુ દલાઈ લામાને હવે હવે Z શ્રેણીની CRPF સુરક્ષા મળશે.
જેમાં લગભગ 30 CRPF કમાન્ડોની એક ટીમ દલાઈ લામાને સુરક્ષા પૂરી પાડશે. આ ઉપરાંત પુરીના સાંસદ સંબિત પાત્રાને પણ મણિપુરમાં Z શ્રેણીની સુરક્ષા આપવામાં આવી છે. સંબિત પાત્રા મણિપુરમાં ભાજપના પ્રભારી છે.
કેન્દ્રીય ગૃહ મંત્રાલયે સેન્ટ્રલ રિઝર્વ પોલીસ ફોર્સ ની વીઆઇપી સુરક્ષા શાખાને 89 વર્ષીય નેતા દલાઈ લામાની સુરક્ષા જવાબદારી સંભાળવાનો નિર્દેશ આપ્યો છે. દલાઈ લામાને દેશના તમામ ભાગોમાં CRPF કમાન્ડોના Z-શ્રેણી સુરક્ષા કવચ દ્વારા સુરક્ષિત કરવામાં આવશે.
અત્યાર સુધી દલાઈ લામા પાસે હિમાચલ પ્રદેશ પોલીસનું નાનું સુરક્ષા કવચ હતું. જ્યારે તેઓ દિલ્હી કે અન્ય કોઈ જગ્યાએ જતા ત્યારે તેમને સ્થાનિક પોલીસ દ્વારા સુરક્ષા પૂરી પાડવામાં આવતી હતી. કેન્દ્રીય ગુપ્તચર એજન્સીઓની સમીક્ષા બાદ સરકારે તેમને સમાન સુરક્ષા કવચ પૂરું પાડ્યું છે.
આપણ વાંચો: પૂરક પરીક્ષાની તકથી વિદ્યાર્થીની તકદીર બદલાઈ જશે ખરી?
દલાઈ લામા વર્ષ 1959 માં ભારત આવ્યા હતા
વર્ષ 1935માં લ્હામો થોન્ડુપના તરીકે જન્મેલા દલાઈ લામાને બે વર્ષની ઉંમરથી જ પૂર્વ તિબેટીયન આધ્યાત્મિક નેતાના પુનર્જન્મ તરીકે માનવામાં આવે છે. વર્ષ 1940 માં તિબેટની રાજધાની લ્હાસામાં તેમને 14મા દલાઈ લામા તરીકે તિબેટીયન આધ્યાત્મિક નેતા તરીકે માન્યતા આપવામાં આવી હતી. વર્ષ 1950 માં ચીને તિબેટ પર હુમલો કર્યો.
ચીન સામેના નિષ્ફળ બળવા બાદ દલાઈ લામા વર્ષ 1959 માં ભારત આવ્યા હતા. ત્યારથી તેઓ હિમાચલ પ્રદેશના ધર્મશાળા શહેરમાં વસવાટ કરી રહી રહ્યા છે. વર્ષ 1989માં તેમને નોબેલ શાંતિ પુરસ્કાર એનાયત કરવામાં આવ્યો.
ભારત આવ્યાને 62 વર્ષથી વધુ સમય થયો
દલાઈ લામાએ મઠનું શિક્ષણ મેળવ્યું છે અને વર્ષોથી તિબેટીઓ માટે ન્યાય માટે લડી રહ્યા છે. તેમણે છ ખંડો અને 67 થી વધુ દેશોની મુસાફરી કરી છે. તિબેટ પર ચીનના કબજા પછી દલાઈ લામા ભારત આવ્યાને 62 વર્ષથી વધુ સમય થયો છે.