Loksabha Election: 2024ની લોકસભા ચૂંટણીમાં કોંગ્રેસ કર્ણાટકમાં 71 ટકા બેઠકો જીતશે: CM સિદ્ધારમૈયાએ દાવો
કર્ણાટકના મુખ્યપ્રધાન સિદ્ધારમૈયા (CM Siddaramaiah) એ વધુ બેઠકો જીતવાના ભાજપના દાવાને ફગાવી દીધો છે. CM સિદ્ધારમૈયાએ કહ્યું છે કે કોંગ્રેસ પાર્ટી 2024ની લોકસભા ચૂંટણીમાં રાજ્યમાં ઓછામાં ઓછી 20 બેઠકો જીતશે. કર્ણાટકમાં લોકસભાની કુલ 28 બેઠકો છે. કર્ણાટકમાં કોંગ્રેસ સત્તા પર છે. મુખ્યપ્રધાને માંડ્યામાં કહ્યું, “આ વખતે અમે ઓછામાં ઓછી 20 સીટો જીતવાની તૈયારી કરી રહ્યા છીએ. ભારતીય જનતા પાર્ટી 28 સીટો જીતવાના પોકળ દાવા કરી રહી છે. તેમને ખબર પડી ગઈ છે કે આ વખતે કર્ણાટકના લોકો કોંગ્રેસને આશીર્વાદ આપશે.”
ભારતીય જનતા પાર્ટી અને જનતા દળ (સેક્યુલર)ના ગઠબંધન સામેની રણનીતિ અંગે સીએમ સિદ્ધારમૈયાએ કહ્યું કે, “આ વખતે અમારી સામે માત્ર એક જ વિપક્ષી પાર્ટી છે. વિપક્ષમાં બે નહીં, પરંતુ એક પાર્ટી છે. જનતા દળનું ભાજપમાં વિલય થઈ ચૂકી છે અને હવે તે અલગ પક્ષ તરીકે કામ નથી કરતું”
2019ની લોકસભા ચૂંટણીમાં ભાજપે કર્ણાટકમાં 25 બેઠકો જીતી હતી. જ્યારે મંડ્યા બેઠક પરથી અપક્ષ ઉમેદવાર સુમલતા જીત્યા હતા. આ ઉમેદવારને ભાજપનું સમર્થન પણ મળ્યું છે. કોંગ્રેસ અને JDS બંનેને એક-એક સીટ મળી છે. જો કે આ પછી કોંગ્રેસે વિધાનસભા ચૂંટણીમાં જીત મેળવી હતી.
રાજ્ય સરકારના મંત્રીઓને લોકસભાની ટિકિટ આપવાના સવાલ પર સીએમ સિદ્ધારમૈયાએ કહ્યું કે પાર્ટી હાઈકમાન્ડ જે પણ ધારાસભ્ય કે મંત્રીને ટિકિટ આપશે તેને ચૂંટણીમાં ઉતારવામાં આવશે. બજેટ સાથે જોડાયેલા સવાલ પર તેમણે કહ્યું કે ગરીબ વિરોધી લોકો આ બજેટને સમજી શકતા નથી.
